Новости
Kimlar ro‘yxatga olish ishlarida ishtirok etadi?
2023- yilda aholini ro‘yxatga olish ishlari uchun ro‘yxatga oluvchi xodimlarni tanlash masalasi nihoyatda dolzarb hisoblanadi.
Mavjud me’yoriy-huquqiy hujjatlarda bu jarayonga jalb etiladigan xodimlar turli yoshda va har xil kasb egalari bo‘lishi mumkinligi belgilab qo‘yilgan.
Shunga qaramay, tadbirga, birinchi navbatda, Davlat statistika qo‘mitasi va uning viloyat, shahar va tuman bo‘limlari xodimlari, statistika yo‘nalishida tahsil olayotgan talabalar, magistrlar, shuningdek, tayanch doktorantlar jalb etilishi maqsadga muvofiq. Boisi, shaxsga doir ma’lumotlarni yig‘ish jarayonida aholini ro‘yxatga olish dasturida belgilangan savollar ro‘yxatiga rioya etish, ularning mazmuni buzilishiga yo‘l qo‘ymaslik, respondentga ishning maqsadini to‘g‘ri yetkaza olish va shu orqali olinadigan ma’lumotlarning to‘g‘riligiga, ularning maxfiyligini ta’minlash va ularning mazmunini oshkor qilinmasligiga aynan ro‘yxatga oluvchi xodimlar bevosita mas’ul sanaladilar.
Respondentlar tomonidan yashab turgan xonadonida (joyida) ro‘yxatdan o‘tishni istamaslik yoki savollarga javob berishni rad etganlik holatlari yuzaga kelishi mumkin. Bunday holatlarda ro‘yxatga oluvchi hodimdan ma’lum darajadagi psihologik ko‘nikma va tajriba talab etiladi. Vaziyatni to‘g‘ri baholash orqali ushbu shaxslarga doir ma’lumotlar ro‘yxatga oluvchi xodimlar tomonidan fuqarolarning o‘zini o‘zi boshqarish organlaridagi yoki mahalliy davlat hokimiyati organlaridagi mavjud ma’lumotlar asosida to‘ldiriladi.
Aholini ro‘yxatga olishga tayyorgarlik ko‘rish va uni o‘tkazishga jalb qilingan shaxslarning mehnatiga haq to‘lash belgilangan tartibda amalga oshiriladi.
Sanobar Qurbonova.
Xorazm viloyati statistika boshqarmasi Ro‘yxatga olish jarayonlarini tashkil etish va o‘tkazish bo‘limi yetakchi mutaxassisi.
Hurmatli Yurtdoshlar!
Xorazm viloyati hududi bo'yicha “Mening yo‘lim” dasturi yakunlari yuzasidan infografik ma'lumotlarni e'tiboringizga havola etamiz.
Joriy yilning aprel oyida ilk bor o'tkazilgan ushbu dastur doirasida Xorazm viloyati hududi fuqarolari tomonidan jami 508 ta taklif kelib tushdi va ovoz berish jarayoni yakunlariga ko'ra qariyb 37,8 km uzunlikdagi ichki yo'llarni ta'mirlashga qaratilgan 23 ta taklif g'olib deb topildi.
УРГАНЧ ШАҲАР ДАВЛАТ СОЛИҚ ИНПЕКЦИЯСИ БОШЛИҒИНИНГ 2022 ЙИЛ АПРЕЛ ОЙИ ЯКУНИ БЎЙИЧА ҲИСОБОТИ ВА ТАДБИРКОРЛАРГА МУРОЖААТИ
Дарҳақиқат, бугунги кунда “Солиқчи-кўмакчи” тамойили асосида вилоят солиқ хизмати органлари томонидан тадбиркорлар ҳузурига борган ҳолда уларнинг муаммоларини ўрганиб, сайёр солиқ маслаҳатлари кўрсатиш тизимли равишда йўлга қўйилган.
Масалан, биргина апрел ойи давомида Урганч шаҳрида 146 та корхоналарнинг муаммолари батафсил ўрганилди. Натижада, солиқ хизмати органлари ходимлари кўмаги билан 141 та муаммолар ижобий ҳал этилди. Бугунги кунда бошқа ташкилотлар билан боғлиқ масалалар қатъий назоратга олиниб, ҳамкорликда ҳал этиш чоралари кўрилмоқда.
Шунингдек, апрел ойида олиб борилган ўрганишлар давомида солиқ турлари бўйича 66 та субектнинг 733 561 314 сўм мавжуд ортиқча тўлов суммаси қайтариб берилди. Шунингдек, қарздорлиги мавжуд лекин бошқа солиқ турларидан ортиқча маблағлари бор бўлган 249 та корхоналарнинг 299 338 158 сўмлик қарздорликлари ортиқча маблағлари хисобига сўндирилди.
Таъкидлаш ўринлики, жорий этилган қатор солиқ имтиёзлари, солиқ юки ва турларининг камайтирилганлиги тўғрисида тадбиркорлар ўртасида олиб борилаётган тушунтириш-тарғибот ишлари натижасида апрел ойининг ўзида 293 та норасмий иш ўринлари қонунийлаштирилди. Энг муҳими, фуқаролар муқим иш ўринларига эга бўлди.
Айниқса, турли сабаблар билан фаолияти вақтинча тўхтаб қолган тадбиркорлик субектларини ҳар томонлама қўллаб-қувватлаш, улар фаолиятини тиклаш борасида жорий йилнинг апрел ойи давомида самарали ишлар амалга оширилди. Жумладан, ана шундай 6 та корхонанинг фаолияти тикланди. Натижада, 14 та янги иш ўринлари яратилди.
Бугунги кунда қўлида ҳунари бор ёки уйда якка тартибда маълум фаолият билан шуғулланиб келаётган фуқароларимиз талайгина. Уларнинг ўзини ўзи банд қилиши, иш стажига эга бўлиши учун солиқ хизмати органлари томонидан доимий кўмак кўрсатиб келинмоқда. Жумладан, жорий йилнинг апрел ойи якуни билан Урганч шаҳрида 591нафар фуқаролар ўзини ўзи банд қилиш тизими орқали рўйхатдан ўтиб, муайян фаолият турлари билан мунтазам шуғулланиб келмоқда. Бундан ташқари ўз фаолиятини вақтинча тўҳтатган 45 та тадбиркорлик субъектларига амалий ёрдамлар кўрсатган холда фаолиятлари қайта тикланди. Урганч шаҳри худудида тўғри тушунтиришлар натижасида янгидан 97 та тадбиркорлик фаолияти билан шуғилланувчи шаҳслар рўйхатдан ўтказилди.
Ҳурматли солиқ тўловчилар! Биз солиқ хизмати органлари ходимлари сизларнинг муаммоларингиз қонуний ҳал этиш, фаолиятингиз давомида юзага келган барча тушунмовчиликларга ечим топишда доимий кўмак беришга тайёрмиз.
MUROJAATLAR DOIMIY RAVISHDA KOʻRIB BORILMOQDA
Bugungi kunda aholi bilan doimiy muloqot qilish, fuqarolarni qiynayotgan muammolarni ijobiy hal etish har bir soha rahbarining ustivor vazifasiga aylanib ulgurdi.
Shu boisdan, Urganch shahar hokimligida haftaning har seshanba, chorshanba, payshanba va juma kunlari shahrimiz fuqarolarining murojaat va muammolari mutasaddilar tomonidan tinglanadi. Fuqarolar qabuliga masʼul etib, hokim va oʻrinbosarlariga tegishli soha vakillari bilan birga haftalik kunlar reja-dasturli tarzda boʻlib berilgan.
Xususan, haftaning har seshanba kuni Urganch shahar hokimligida fuqarolarni Urganch shahar hokimining iqtisodiyot va tadbirkorlik masalalari boʼyicha birinchi oʼrinbosari Eshchanov Jahongir Saparbaevich mutasaddilar bilan birga tinglaydi.
Haftaning har chorshanba kuni - Urganch shahar hokimligining sanoatni rivojlantirish, kapital qurilish, kommunikatsiyalar va kommunal xoʼjalik masalalari boʼyicha oʼrinbosari Babajanov Nodirbek Baxodirovich, Urganch shahar hokimligining yoshlar siyosati, ijtimoiy rivojlantirish va maʼnaviy-maʼrifiy ishlar boʼyicha oʼrinbosari Matyaqubov Nurbek Rayimberganovich tegishli tashkilotlar va soha vakillari bilan birgalikda fuqarolar qabulini oʻtkazadi.
Haftaning har payshanba kuni - Urganch shahar hokimi
Xolboyev Oybek Madaminovich shahrimiz aholisi murojaatlarini eshitadi.
Haftaning har juma kuni esa, Urganch shahar hokimining investitsiyalar, innovatsiyalar, xususiylashtirilgan korxonalarga koʼmaklashishi, erkin iqtisodiy va kichik sanoat zonalarini rivojlantirish masalalari boʼyicha oʼrinbosari Tadjibaev Mansur Maksudovich, Urganch shahar hokimi oʼrinbosari - Oila va xotin-qizlar boʼlimi boshligʼi vazifasini bajaruvchisi
Berdieva Barno Saitnazarovna murojaatlarni tinglaydilar.
Urganch shahar hokimligi axborot xizmati.
Урганч шаҳар ҳудудида бўйича 2022 йилги Ташаббусли бюджетлаштириш натижалари юзасидан маълумот
RAMAZONDA QILINADIGAN HAYRLI ISHLAR SAVOBIDAN CHETDA QOLMANG!
Vaqf» xayriya jamoat fondi tomonidan Ramazon oyi arafasida respublikamizdagi diniy tashkilotlar, masjidlar, ta'lim muassasalari va hududlardagi kam ta'minlangan oilalarga xayriya sifatida ehson tarqatish an'anaga aylangan.
Urganch shahar hokimligi mutasaddilari va "Vaqf" xayriya jamoat fondi xodimlari birgalikda shahrimizdagi boquvchisini yo'qotgan, ijtimoiy himoyaga muhtoj, og'ir bemor 70 ta hamshaharlarimizga pul mablag'lari tarqatildi. Xususan, boquvchisini yo'qotgan va ogʻir bemor oilalarga 4 mln so'mdan, kam ta'minlangan oilalarga 3-2 mln so'mdan berildi.
Darhaqiqat, Ramazonda qilinadigan xayrli ishlarga ko'plab savoblar berilishidan unumli foydalanib, boquvchisini yo'qotgan, kam taʼminlangan oilalarga ko'maklashish, oliy o'quv yurtlarida tahsil olayotgan qiynalgan talabalarning o'quv-shartnoma pullarini to'lash, dori-darmon ololmayotgan bemorlarga yordam berishning savobi juda ulug' hisoblanadi.
Urganch shahar hokimligi axborot xizmati. (https://t.me/urganchshahar_uz/11352)
Расмий муносабат
Интернет тармоғидаги "Газета.уз" веб-сайти ва "Расул Кушербаевга мурожаат" ижтимоий тармоғида ҳоким қарорларига нисбатан танқидий мақола чоп этилди. Унда Урганч шаҳар ҳокимлиги ҳақида ҳам айтиб ўтилган.
Мазкур мурожаат юзасидан Урганч шаҳар ҳокимлиги Ахборот хизмати қуйидагиларни маълум қилади:
Урганч шаҳар ҳокимининг 2020 йил 5 ноябрдаги №1490қ-сонли қарори билан фуқаро Хаитбоев Оғабек Яқуббоевич номига Урганч шаҳар 182-квартал ҳудудидан "Ёшлар меҳнат гузари" қуриш учун 1600.0 кв.метр ер майдони ажратиб берилган. Мазкур қарор Хоразм вилоят прокуратурасининг 2021 йил 16 мартдаги протестига асосан Урганч шаҳар ҳокимининг 2021 йил 13 апрель кунги №505қ-сонли қарори билан бекор қилинган. Шундан сўнг фуқаро О.Хаитбоев Урганч туманлараро маъмурий судига Урганч шаҳар хокимининг 2021 йил 13 апрелдаги №505қ-сонли қарорини ҳақиқий эмас деб топиш ҳақида ариза билан мурожаат қилган. Суд тақдим қилинган асословчи хужжатларни кўриб чиқиб фуқаронинг шикоят аризасини қаноатлантириб, Урганч шаҳар ҳокимининг 2021 йил 13 апрелдаги 505қ-сонли қарорини ҳақиқий эмас деб топган. Шу қарор билан Урганч шаҳар ҳокимлиги зиммасига Хоразм вилоят прокуратурасининг 2021 йил 16 мартдаги протестини тегишли тартибда қайта кўриб чиқиш мажбуриятини юклаган. Мазкур ҳал қилув қарори талабларини ижросини таъминлаш юзасидан Урганч шаҳар ҳокимининг 2021 йил 28 июль кунги 42-12-180-Q/21-сонли қарори чиққан. Қарор лойиҳасини тайёрлаган маъсул ходим томонидан Урганч шаҳар ҳокимининг 2020 йил 11 ноябрдаги 1490қ-сонли қарори санасида хатоликларга йўл қўйилган ва бунинг оқибатида шаҳар ҳокимининг 2021 йил 28 июлдаги қарори билан 2021 йил 14 августдаги қарори бекор бўлиш холати келиб чиққан.
Ҳозирда Урганч туманлараро маъмурий судининг қарорига асосан Урганч шаҳар ҳокими қарори тузатиш чоралари кўрилмоқда.
УРГАНЧ ШАҲАР ДАВЛАТ СОЛИҚ ИНСПЕКЦИЯСИ БОШЛИҒИ МУРОДБЕК АБДОЛНИЯЗОВНИНГ ҲИСОБОТИ ВА ТАДБИРКОРЛАРГА МУРОЖААТИ
Муҳтарам Президентимиз Шавкат Мирзиёев жорий йилнинг 16-март куни Давлат солиқ қўмитасига ташрифи давомида соҳани такомиллаштириш, хусусан солиқ тизимини рақамлаштириш, солиқ тўловчиларга хизмат кўрсатиш сифати ва кўламини ошириш, шунингдек, “Солиқчи - кўмакчи” тамойили асосида тадбиркорлар билан бевосита мулоқотга киришиб, уларнинг муаммоларини ўрганиш ва солиқ қонунчилигидаги ўзгаришларни тушунтириш юзасидан бир қатор топшириқлар берганди.
Мазкур топшириқларнинг ижросини таъминлаш, тадбиркорларни солиқ соҳасидаги ўзгариш ва янгиликлар билан таништириш мақсадида 25-март куни Давлат солиқ қўмитаси раҳбарияти бошчилигида Урганч шаҳрида тадбиркорлар билан учрашувлар ўтказилди.
Шунингдек, 2022 йилнинг I чораги давомида вилоят давлат солиқ бошқармаси мутахассислари томонидан вилоятнинг барча шаҳар ва туманларида жами 40 маротаба тадбиркорлар билан бевосита мулоқотлар ўтказилиб, қарийб 6000 та тадбиркорлик субъектларига солиқ қонунчилигига киритилган ўзгартиш ва қўшимчалар, янгиликлар, автоматлаштирилган ахборот тизимлари ҳақида батафсил маълумотлар берилди.
Шу ўринда айтиб ўтиш керакки, бугунги кунда Хоразм вилоятида 38 мингга яқин тадбиркорлик субъектлари фаолият юритади шундан 5163 таси Урганч шаҳримизга тўғри кедмоқда . Йил бошидан буён “Солиқчи-кўмакчи” тамойили асосида Урагнч шаҳримиздаги 2160 та корхонанинг 4160 та муаммолари ўрганилиб, мазкур муаммоларнинг 3816 дан ортиғи бевосита солиқ ходимлари кўмагида ҳал этилди.
Урагнч шаҳар давлат солиқ хизмати органлари ходимлари томонидан тадбиркорлик субъектлари билан олиб борилган тушунтириш ишлари натижасида 183 та корхонадаги 660 нафар норасмий ишловчи фуқаролар фаолияти қонунийлаштирилиб, уларнинг ижтимоий ҳимояси таъминланди.
Агар соҳалар кесимида кўриб чиқадиган бўлсак, савдо ва умумий овқатланиш корхоналарида 462 нафар, ишлаб чиқариш ва хизмат кўрсатиш корхоналарида 132 нафар, қурилиш корхоналарида 66 нафар ва бюджетга 79,2 миллион сўм қўшимча маблағ йўналтирилди.
Айтиш керакки, кейинги йилларда мамлакатимизда аҳоли ва бизнес учун қулайликларни ошириш, солиқ муносабатларида инсон омилини камайтириш мақсадида солиқ маъмуриятчилиги тубдан ислоҳ қилинмоқда. Хусусан, 2020 йилда янги Солиқ кодекси қабул қилинди. Солиқ турлари 13 тадан 9 тага камайтирилди. Мулк солиғи эса 5 фоиздан 1,5 фоизга тушди. Қўшилган қиймат солиғи 20 фоиздан 15 фоизга пасайтирилди. Натижада, хоразмлик тадбиркорларнинг ҳам ислоҳотларга ишончи ортиб, солиқ тушумлари вилоятда 1,4 баравар кўпайган бўлса, қўшилган қиймат солиғи тўловчилар сони 4 мингдан 7,8 мингтага етди. Яна бир аҳамиятли жиҳати, бошқа солиқ турларидан ортиқча тўлов суммасини қайтариш юзасидан 65 корхонада 347,5 миллион сўм пул маблағлари корхоналарнинг ҳисоб рақамларига қайтарилди.
2022 йилнинг I чораги давомида Урганч шаҳримизда солиқ тўловчилари томонидан 81 миллиард 85.6 миллион сўм миқдорида солиқлар тўланиб, белгиланган прогноз режаси 6.5 миллиард сўм ортиғи билан бажарилди. Бюджетга йўналтирилган маблағларнинг асосий қисми 56.4 миллиард сўми, яъни 86,3 фоизи юридик шахслар, 24.6 миллиард сўми ёки 13,7 фоизи эса жисмоний шахслар ҳиссасига тўғри келди.
Солиқ турлари бўйича таҳлил этадиган бўлсак, тушумнинг, 47.7 миллиард сўм ёки 56,6 фоизини жисмоний шахслар даромад солиғи, 2.5 миллиард сўм ёки 10,0 фоизини жисмоний шахсларнинг ер ва мол-мулк солиғи ҳамда қолган 31,6 миллиард сўм ёки 33,4 фоизини эса бошқа солиқлар ва йиғимлар ташкил этди.
Ҳурматли тадбиркорлар энди харид суммасидан 1 фоизли кешбэк олиш, “Солиқ ҳамкор” тизимларининг жорий этилишига ҳам тўхталиб ўтадиган бўлсам — бу тизим мижозларни жалб қилишга қаратилган махсус бонус дастурларининг бир тури бўлиб, солиқ тизимида самарали қўлланиб келиняпти.
Тўғриси, солиқчилар яқин пайтгача фақат солиқ йиғиш билан шуғулланиб келган. Президентимизнинг 2021 йил 4 октябрдаги қарорига асосан, чакана савдо ва хизмат кўрсатиш соҳасида назорат-касса техникасидан фойдаланишни такомиллаштириш ҳамда яширин иқтисодиёт ҳажмини қисқартириш мақсадида харид суммасидан 1 фоиз миқдорда кешбэк қайтариш механизми жорий этилди. Агар чек 100 минг сўмга урилган бўлса, 1000 сўм фуқаронинг ҳамёнига тушади. Яъни, 1 фоизи қайтарилади.
Бугунги кунда вилоятимизда 3907 тадбиркорлик субъектлари томонидан 4060 та онлайн-НКМ ва виртуал касса давлат солиқ хизмати органларидан рўйхатдан ўтказилган. Улардан 2,8 триллион сўмлик 14,3 миллионта чек онлайн равишда маълумотлар базамизга келиб тушган.
Маълумки, ҳар бир тадбиркорлик нуқтаси маҳсулот сотса QR коди бўлган фискал чек бериши шарт. Агар улар бундай чекни бермаса ёки пластик картада савдо қилишни истамаса, харидор дўконда тортишиб ўтирмай, бу ҳақда “Солиқ ҳамкор” тизими орқали хабар бериши мумкин. Албатта, бунда мурожаат қанчалик асосли эканлиги жиддий текширилади. Қоидабузарлик ҳолатлари тасдиқланган тақдирда мурожаатчи — солиқ ҳамкор орқали ундирилган жарима суммасининг 20 фоизи миқдорида рағбатлантирилади.
Жорий йилнинг I чораги мобайнида “Солиқ ҳамкор” дастури орқали Хоразм вилоятида фаолият юритаётган тадбиркорлик субъектлари билан боғлиқ солиқ ҳуқуқбузарликлари тўғрисида жами 315 та мурожаат келиб тушган бўлиб, шундан 72 та мурожаат турли хил сабабларга кўра рад қилинган. Уларнинг 215 тасида сайёр солиқ текширувлари ўтказилиб, савдо қоидалари бузилаётганлиги тасдиқланди. Бугунги кунга қадар мурожаатлари ўз тасдиғини топган 77 нафар фуқароларнинг банк пластик картасига 57,5 миллион сўм маблағ ўтказиб берилди.
“Солиқ ҳамкор” дастури орқали келиб тушаётган мурожаатлар дастлаб солиқ ходимлари томонидан яхшилаб ўрганиб чиқилади агарда рад қилиш учун асос бўлсагина рад қилинади.
Ўрганиш жараёнида мурожаатда қайд этилган ҳолат исботланган тақдирдагина ушбу ҳолат юзасидан қонунчилик доирасида чоралар кўрилиши мумкин. Мурожаат исботланмаса, ҳеч қандай чора кўрилмайди.
Давлат солиқ идоралари томонидан асоссиз тадбиркорлик фаолиятига аралашиш, ноқонуний текшириш ўтказилишига йўл қўйилмайди.
Ўтган 3 ой мобайнида 55 та корхоналарга 0,45 млрд.сўм ер солиғи, 62 та корхонага 0,5 млрд.сўм мол-мулк солиғи, 711 та корхонага 0,25 млрд.сўм ижтимоий солиқ, 156 та корхонага 0,35 млрд.сўм айланмадан олинадиган солиғидан имтиёзлар қўлланилди.
Ҳурматли тадбиркорлар!
Хоразм вилояти давлат солиқ хизмати органлари ходимлари солиқ соҳасига оид барча саволларингизга жавоб бериш, билмаганларингизни ўргатиш ва “Солиқчи - кўмакчи” тамойили асосида сизга яқиндан ёрдам беришга доимо тайёрдирлар.
Aholini ro‘yxatga olish sanasining “nozik vaqt”i haqida nimalarni bilamiz ?
O‘zbekiston Respublikasining “Aholini ro‘yxatga olish to‘g‘risida”gi Qonuni aholini ro‘yxatga olish sohasidagi munosabatlarni tartibga soluvchi me’yoriy-huquqiy hujjat sanaladi.
Ushbu qonunda sohaga oid bir qator tushunchalar qatorida aholini ro‘yxatga olish sanasiga aniq ta’rif berilgan bo‘lib, bu tushuncha aholi to‘g‘risidagi ma’lumotlarni yig‘ish va hisobga olish amalga oshiriladigan aniq payt (yil, oy, kun va soat) ni ifodalaydi.
Аholini ro‘yxatga olish tadbiri 10 kundan 60 kungacha bo‘lgan davrda amalga oshirilishi mumkin. Bu tadbir bir necha kun davomida o‘tkazilsa ham ma’lumotlar aniq bir vaqtda - aholini ro‘yxatga olishning birinchi kuni boshlanish soatidagi (2023- yil 1- noyabr soat 00:00) holati bo‘yicha qayd etiladi. Bu aholini ro‘yxatga olishning nozik vaqti, deb ham ataladi. Masalan, chaqaloq aholini ro‘yxatga olish davrida, ammo ana shu aniq muddatdan keyin tug‘ilgan bo‘lsa, u aholi ro‘yxatiga kiritilmaydi. Lekin kimdir bu aniq nozik muddatda hayot bo‘lib, shundan keyin, ya’ni aholini ro‘yxatga olish davrida vafot etsa, u to‘g‘risidagi ma’lumotlar aholi ro‘yxatiga kiritiladi.
Sanobar Qurbonova,
Viloyat statistika boshqarmasi Ro‘yxatga olish jarayonlarini tashkil etish va o‘tkazish bo‘limi yetakchi mutaxassisi.
