ЎЗБ / O'ZB / РУС / ENG                 Махсус имкониятлар

ВАТАН ҲИМОЯЧИЛАРИ БУГУН АРДОҚДА


Урганч шаҳри марказидаги вилоят Мусиқали драма театрида Ватан ҳимоячилари куни муносабати билан байрам дастури бўлиб ўтди. 


Унда вилоят ҳокими Ф.Эрманов сўзга чиқиб, барча ташриф буюрганларни байрам билан табриклади. 


Шунингдек, қатор воҳамиз вакиллари, ҳарбий хизматчилар ва ҳуқуқни муҳофаза қилиш органлари ходимларидан бир гуруҳи орден ва медаллар ҳамда Хоразм вилояти ҳокимининг фаҳрий ёрлиқлари билан тақдирландилар. 


Байрам дастуридаги куй-қўшиқлар орқали меҳмонларга ватанпарварлик руҳи  янада сингдирилди. 


Байрам дастури кўтаринки кайфиятда бўлиб ўтди. Барча мард ўғлонларимизни яна бир бор Ватан ҳимоячилари куни билан табриклаб қоламиз!

Сана: 14.01.2021 05:13
0
74

БАЙРАМ ДАСТУРЛАРИ ДАВОМ ЭТМОҚДА



Урганч шаҳрида тантанали ҳарбий намойиш (парад) бўлиб ўтди. Юзлаб ҳарбий хизматчилар, ва ҳарбий техникалар шаҳар кўчалари бўйлаб саф тортди. 

Байрам тантаналари шаҳримизда кўтаринки рухда давом этади...

Урганч шаҳар ҳокимлиги ахборот хизмати.

УРГАНЧ ШАҲРИМИЗ БЎЙЛАБ БАЙРАМ ДАСТУРЛАРИ ДАВОМ ЭТМОҚДА


Ўзбекистон Республикаси Қуролли Кучлари ташкил этилганининг 29 йиллиги ва Ватан ҳимоячилари куни муносабати билан Урганч шаҳар марказида жойлашган Хотира майдонидаги Мотамсаро она монументи пойига гулчамбар қўйиш маросими ўтказилди.





Бизни кузатишда давом этинг!


Урганч шаҳар ҳокимлиги ахборот хизмати.


БАЙРАМИНГИЗ МУБОРАК БЎЛСИН ВАТАНИМИЗ ҲИМОЯЧИЛАРИ!


Она юртимиз ҳар доим ўзининг мард, жасур йигитлари билан фахрланиб келган. Йигитларимиз ота-она ва оиласини, ўзи яшаётган юрт тупроғини муқаддас билиб, Ватан ҳимояси учун доимо шай туришни бурч деб ҳисоблаган.


Бугун жамоамиз номидан барча Ватан ҳимоячиларини ушбу муборак байрам билан табриклаймиз. Уларга оилавий тинчлик-хотиржамлик, соғлиқ-саломатлик ҳамда келгусида ватанни ҳимоя қилишдек шарафли вазифаларни уддалашларида куч ва ғайрат тилаб қоламиз.


Юртимиз тинч, осмонимиз мусаффо бўлсин!
Яна бир бор байрамингиз муборак бўлсин Ватанимиз ҳимоячилари!


Урганч шаҳар ҳокимлиги.
Сана: 14.01.2021 09:00
0
221

УРГАНЧ ШАҲРИДА “ҲАР БИР ТАДБИРКОР – ЁШЛАРГА МАДАДКОР” ТАШАББУСИ АМАЛДА


Шаҳримизда “Ёшлар дафтари”га киритилган ёшларни тадбиркорлик кўникмалари ва касб-ҳунарга ўқитиш бўйича ўқув курслари ташкил этилмоқда.

Жамиятдаги янгиланишлар жараёнида ёшлар фаол иштирок этаётган бўлиб, улар орасида тадбиркорликни йўлга қўйиш истагидагилар кўпчиликни ташкил этади. 
Давлатимиз раҳбари томонидан 2020 йил 25 декабрь куни мамлакатимизда илк бор ўтказилган Ўзбекистон ёшлари форумида ёшларда ижобий мотивация, бизнес ва тадбиркорлик соҳасида зарур билим, кўникмаларни шакллантириш, шу орқали уларни тадбиркорликка кенг жалб этиш ҳамда бандлигини таъминлаш бўйича “Ҳар бир тадбиркор – ёшларга мададкор” ташаббуси қўллаб-қувватланди.  

Мазкур ташаббус доирасида шаҳримиздаги ишсиз ва уюшмаган ёшларни касб-ҳунар ва тадбиркорликка ўқитишни ташкил этиш асосида 1 нафар тадбиркорга 1 нафардан ишсиз ёшни бириктириш орқали жойлардаги ўқув курслари шу мақсадда ташкил этилмоқда.

Урганч шаҳар ҳокимлиги Ахборот хизмати.


Сана: 13.01.2021 06:22
0
480

ФУҚАРОЛАР БИЛАН ЮЗМА-ЮЗ МУЛОҚОТ


Урганч шаҳар ҳокими Ойбек Холбоев ҳокимликка мурожаат қилиб келган шаҳримиз фуқароларини мунтазам равишда қабул қилиб келмоқда.


Қабулда ҳоким фуқаролар  юзма-юз суҳбатлашиб, мурожаатларини бирма-бир тинглади. Улар қўйган муаммолар бўйича ҳоким ўринбосарлари ва бошқа тегишли ташкилотлар мутасаддиларига тез фурсатларда зарур чоралар кўриш бўйича топшириқлар берди.


Урганч шаҳар ҳокимлиги Ахборот хизмати

Сана: 12.01.2021 05:03
0
66

ХАЛҚ ДЕПУТАТЛАРИ УРГАНЧ ШАҲАР КЕНГАШИНИНГ ЎТТИЗИНЧИ СЕССИЯСИ


Бугун 12 январь куни Халқ депутатлари Урганч шаҳар Кенгашининг ўттизинчи сессияси бўлиб ўтди.


Сессияда Халқ депутатлари шаҳар Кенгаши депутатлари, Урганч шаҳар ҳокими Ойбек Холбоев, ҳоким ўринбосарлари, шаҳардаги ташкилот, корхона, муассаса раҳбарлари ва шаҳар фаоллари билан бирга Олий Мажлис Сенати Аграр, сув хўжалиги ва экология масалалари қўмитаси раиси Баходир Таджиев  ва Олий Мажлис Сенати аъзоси, Халқ депутатлари Хоразм вилояти Кенгаши депутати Фарохат Садуллаева иштирок этди. 


Сессия кун тартибидаги биринчи масала -Ўзбекистон Республикаси Президенти Ш.М.Мирзиёевнинг  2020 йил 29 декабрь куни Олий Мажлисга йўллаган Мурожаатномасида мамлакатимизни ривожлантиришнинг стратегик йўналишлари ҳамда устувор вазифаларнинг ижроси тўғрисида.


Сессия кун тартибидаги иккинчи масала - бўшаб қолган ўринларга Халқ депутатлари Урганч шаҳар Кенгаши депутатлигига сайлов тўғрисида.


Сессия кун тартибидаги учинчи масала- Халқ депутатлари Урганч шаҳар Кенгаши айрим депутатларининг муддатидан илгари тугатиш тўғрисида.  


Сессия кун тартибидаги тўртинчи масала - Урганч шаҳар тиббиёт бирлашмаси бош шифокори  А.Рахимовнинг Ўзбекистон Республикаси Президентнинг 2020 йил 12 ноябрдаги “Бирламчи тиббий-санитария ёрдами муассасалари фаолиятига мутлақо янги механизмларни жорий қилиш ва соғлиқни сақлаш тизимида олиб борилаётган ислоҳотлар самарадорлигини янада ошириш чора-тадбирлари тўғрисида”ги ПФ-6110-сонли фармонининг ижроси бўйича шаҳар тиббиёт бирлашмасида амалга оширилган хатлов ишларининг якуний хисоботи тўғрисида.


Маърузалар юзасидан Олий Мажлис Сенати Аграр, сув хўжалиги ва экология масалалари қўмитаси раиси Таджибоев Баходир Садуллаевич сўзга чиқди.


Сессия кун тартибидаги масала юзасидан  қарор қабул қилинди.


Сессия қарантин қоидаларига қатъий риоя қилган ҳолда ўтказилди.


Урганч шаҳар ҳокимлиги Ахборот хизмати.

Сана: 12.01.2021 04:33
0
901

УРГАНЧ ШАҲРИДА "БЎШ ИШ ЎРИНЛАРИ МЕҲНАТ ЯРМАРКАСИ" ТАШКИЛ ЭТИЛДИ


Иш билан банд бўлмаган, вақтинчалик ишсиз, шунингдек, ташқи меҳнат миграциясига кета олмаган фуқароларнинг бандлигига кўмаклашиш мақсадида Урганч шаҳрида қатор ишлар амалга оширилмоқда.


Хусусан, бугун Урганч шахридаги 2-сон касб-ҳунар мактаби биносида "Темир дафтари", “Аёллар дафтари” ва “Ёшлар дафтари”даги ишсиз фуқаролар ҳамда харбий хизматни ўтаб келган ёшларни иш билан таъминлаш максадида “Бўш иш ўринлари меҳнат ярмаркаси" ўтказилди.


Ўтказилган “Бўш иш ўринлари” мехнат ярмаркасида жами 154 та бўш иш ўринларини таклиф қилган ташкилотлар, ўзларида мавжуд 1011 та бўш иш ўрни билан қатнашдилар.
Ярмаркада 122 нафар (шундан: ёшлар 62 нафар, аёллар 71 нафар) фуқаролар иштирок этди.
Ярмаркада ёшлар, вақтинча ишсиз фуқаролар Урганч шаҳар бандлик бошқармаси мутахассисларидан ўзларини қизиқтирган саволларга жавоб олдилар.


Шаҳримизда бу каби олиб борилаётган ишлар ва кўрилаётган чоралар натижасида аҳоли, айниқса, хотин-қизлар ва ёшлар ўртасида турли салбий кўрсаткичлар қисман бўлсада камайишига эришилмоқда.


Урганч шаҳар ҳокимлиги Ахборот хизмати.

ЭЛ-ЮРТ САЛОМАТЛИГИ ЙЎЛИДА

Юртимизда аҳоли сиҳат-саломатлигини муҳофаза қилиш, турли касалликларнинг олдини олиш, тиббиёт муассасаларининг моддий-техника базасини замонавий асбоб-ускуналар билан жиҳозлаш ҳамда соғлом турмуш тарзини кенг тарғиб қилиш мақсадида мунтазам равишда амалий ишлар олиб борилмоқда.


Президентимизнинг Олий Мажлисга Мурожаатномасида  2021  йилда ҳам аҳоли сиҳат-саломатлигини мустаҳкамлаш муҳим вазифа бўлиб қолиниши алоҳида таъкидланди.


Биз жамоамиз аъзолари билан 2021 йилни – “Ёшларни қўллаб-қувватлаш ва аҳоли саломатлигини мустаҳкамлаш йили” деб эълон қилинганлигини катта кўтаринкилик билан кутиб олдик. Бу эса бизни, тиббиёт ходимларини аҳоли саломатлигини мустаҳкамлаш, бирламчи тиббий ёрдамни кўрсатиш ишларини шу кун талаби асосида ташкил этишга йўналтиради.


Мурожаатномани ҳамкасбларимиз билан бирга чуқур ўқиб, ўрганар эканмиз, олдимизда янада муҳим масъулиятли вазифалар турганлигини қалбдан ҳис қилиб, фаолиятимизни янада такомиллаштириш мақсадида чора-тадбирлар белгилаб олдик.


Айни кунда тиббиёт ходимлари, мутахассислар маҳаллаларда бўлиб, ҳар бир хонадонда истиқомат қилаётган оила аъзоларининг саломатлигини тиббий кўрикдан ўтказиб, ўзларининг маслаҳат, тавсияларини бериб бормоқдалар.


Биз тиббиёт ходимлари бундан кейин ҳам кеча-ю кундуз аҳоли сиҳат-саломатлилиги йўлида фидойилик билан меҳнат қилишга тайёрмиз.


Нилуфар ҒОЙИПОВА,
Урганч шаҳридаги 3-сон оилавий поликлиника бош шифокори.

МУАММОЛАР ЖОЙИДА БАРТАРАФ ЭТИЛМОҚДА


#САЙЁР_ҚАБУЛ_НАТИЖАЛАРИ

Айтиш керакки, бугун ҳар бир фуқаро учун барча давлат органлари ва ташкилотларининг эшиклари очиқ. Давлат идоралари раҳбарлари фуқароларнинг мурожаатларини хонада эмас, балки ижтимоий жараёнлар кечаётган паллада жойига бориб, реал ҳолатни ўрганмоқда.


Урганч шаҳар ҳокими Ойбек Холбоев "Ашхабод" ва "Навбаҳор" маҳалласидаги мурожаат қилган фуқароларнинг муаммолари бўйича жойига чиқиб ўрганмоқда.
Эътиборлиси, ўрганиш давомида шаҳар ҳокими фуқароларнинг яшаш жойига бориб, уларнинг турмуш шароитлари билан яқиндан танишмоқда.


Сайёр қабуллардан сўнг ҳоким иштирокида уйма-уй юриб аниқлаган муаммолар ҳудудни ижтимоий-иқтисодий ривожлантириш йўлидаги тўсиқларни тезроқ аниқлаш ва ҳал этиш имкониятини беради. Бу эса халқимиз қалбида бугунги кунидан мамнунлик, эртасига ишончни ошишига хизмат қилади.


Урганч шаҳар ҳокимлиги Ахборот хизмати.

Сана: 11.01.2021 06:00
0
19
Тепага чиқиш