ЎЗБ / O'ZB / РУС / ENG                 Махсус имкониятлар

Новости

Урганч шаҳар ҳокими Ойбек Холбоевнинг 1 октябрь - Ўқитувчи ва мураббийлар кунига бағишланган байрам табриги


Ассалому алайкум қадрли, меҳнати элда азиз, эзгулик бунёдкори бўлган ҳурматли устозлар!

Аввало, барчангизни мамлакатимиз ҳаётидаги қутлуғ сана — Ўқитувчи ва мураббийлар куни билан самимий муборакбод этаман. Ҳар йили республикамизда кенг нишонланадиган 1 Октябрь - Ўқитувчи ва мураббийлар куни умумхалқ байрами таълим соҳасининг фидойи,заҳматкаш инсонларига нисбатан давлатимиз ва халқимизнинг чексиз ҳурмат ва эҳтироми намунасидир.
Дунёда шундай касб эгалари борки, уларсиз ҳаётимизни тасаввур қилиш қийин. Ким бўлмайлик, қайси соҳада ишламайлик, барчамиз азиз ўқитувчиларимизнинг таълимини олганмиз. Биз бу билан фахрланамиз.
Халқимизда "Устоз отангдек улуғ", деган ибора бор. Кимки ўз ҳаётида бирор ютуққа эришса, касбидан эъзоз топса, бу унинг ўз устозидан олган таълими натижасидир,албатта.
Шунинг учун ҳам Сизлардан таълим ва тарбия олган, ўзини олдингизда умрбод қарздор деб ҳис этадиган барча инсонлар номидан Сизларни ҳар қанча эъзозласак, шунча оз. Ҳаёт бор экан, ўқитувчилик касби ўзининг маъно-мазмуни ва олийжаноблигини, аҳамияти ва ҳурматини ҳеч қачон йўқотмайди.
Муҳтарам Президентимиз Ш. Мирзиёевнинг  "Сизларнинг ёшларимиз  қалби ва онгига она Ватанга муҳаббат ва садоқат туйғусини сингдириш, уларни турли таҳдидлардан асраш, комил инсон этиб вояга етказиш йўлидаги беқиёс хизматларингизни барча ота-оналар, жамоатчилигимиз, бутун халқимиз яхши билади ва юксак қадрлайди", —деган сўзлари Сизнинг машаққатли ва шарафли меҳнатингизнинг юксак эътирофидир.
Бугунги улуғ айём кунида Сизларнинг ёш авлодга билим беришдек заҳматли меҳнатингиз учун  самимий миннатдорчилик  билдиришни ўзимнинг муқаддас бурчим деб биламан.
Давлатимиз раҳбари “Янги Ўзбекистон мактаб остонасидан бошланади” дея сиз азиз устоз ва мураббийларга катта ишонч билдирган эканлар, демак, мамлакатимизнинг эртанги истиқболи, шубҳасиз, Сизнинг қўлингиздадир.
Фарзандларимизга замонавий илм-фан ва касб-ҳунар сирларини ўргатиш, юксак инсоний туйғу ва фазилатларни сингдириш, маънавий-аҳлоқий қадриятларимизни асраб-авайлаш борасида бор куч-ғайратингиз, билим ва маҳоратингизни аямасдан астойдил хизмат қилишингизга  ишончимиз комил. 
Сиз борсизки, ҳаётимиз нурафшон, эртанги кунимиз-фарзандларимиздан бизнинг кўнглимиз хотиржам. Сиз бераётган таълим уларнинг ҳаёт йўлларини ёритиб, халқнинг корига ярайдиган инсонлар бўлиб етишишига хизмат қилади.
Сизларни яна бир бор 1 Октябрь — Ўқитувчи ва мураббийлар куни билан  табриклаб, барчангизга сиҳат-саломатлик, бахт ва омад, хонадонларингизга тинчлик-хотиржамлик, файзу барака тилайман. Доимо соғ-омон бўлинг, азиз  устозлар!

Сана: 01.10.2021 03:59
0
83

Хоразмнинг архив тарихидан

Тўрт минг йиллик тарихга эга бўлган Хоразмда шеър, достон битган девонлар ва шоирлар, сулолалар, қаҳрамонлар ва алломалар ҳақида китоблар ёзган буюк тарихчилар ҳам бўлган. Ўрта Осиёдаги дастлабки давлат бирлашмаси ҳам Хоразмда барпо этилган ва унга Эрон шохи Кайковуснинг ўғли Сиёвуш асос солган. Бу даврдаги серқирра ҳаёт ҳақида буюк шоирлар Дакикий ва Абулқосим Фирдавсий “Шоҳнома” номли асар ёзиб қолдиришган. Энг қадимги динлардан ҳисобланган зардуштийлик дини ва унинг муқаддас китоби “Авесто” ҳам ёзилган.

Хоразм ҳудудида қадим замонларда архивларнинг мавжуд бўлганлиги Тупроққалъа харобасида 1948-1950 йилларда С.П.Толстов бошчилигида олиб борилган археологик қазишма ишларида аниқланди. Қазишмада III – IV асрларга оид хоразм тилида ёзилган 100 га яқин ҳужжатлар топилган. Уларнинг 18 таси ёғочга, қолганлари ошланган чармга ёзилган. Ҳужжатларнинг 8 таси яхши сақланган. 100 та ҳужжатдан 26 тасини олимлар ўқишга муваффақ бўлганлар. 

Тупроққалъа архив ҳужжатларини икки турга бўлиш мумкин. 

I гуруҳ ҳужжатлари ёғочга ёзилган бўлиб булар солиқга оид ҳужжатлардир. 

II гуруҳ терига ёзилган бўлиб, асосан хўжалик ишларига оиддир. Бунда подшо хазинасига тушган жарималарнинг номи, миқдори ҳамда қаердан келганлиги ёзиб қўйилган.

XVII асрнинг охири ва XIX аср бошларига оид Хоразм тарихини ўрганишда албатта Хива хонлиги девонхонаси архив ҳужжатларининг ўрни беқиёсдир.

1873 йилда чор Россияси қўшинларининг Хивага юришида қатнашган шарқшунос Кун Александр Людвигович хон саройини тинтув қилиш чоғида 300 га яқин китоб (шарқ қўлёзмалари) ва ҳар хил ҳужжатларни йиғиб олади. Ҳужжатлар асосан хоннинг кирим ва чиқимлари ҳақида маълумот берувчи материаллар, дипломатик ёзишмалар ва бир қанча вақфнома ҳамда мулкий ёрлиқлардан иборат эди. Шу билан бирга, ушбу ҳужжатлар тўлиқ эмаслигини ва асосан ҳужжатлар хонлик тарихининг сўнги даврига оид эканлигини қайд этилган.

Айрим ҳужжатлар Россия Фанлар Академиясининг Осиё музейига топшириш учун танлаб олиниб, қолганини эса генерал фон Кауфман императорнинг Санкт-Петербургдаги Халқ кутубхонасига совға қилиб юборилган.

1936-йилда ушбу кутубхонада тадқиқот ишларини олиб бораётган шарқшунос олим Иванов Павел Петрович томонидан топиб олинади.

П.П.Иванов 1940 йилда Хива хонлиги архиви (1822-1862 йй) мавзусида докторлик диссертациясини ёқлайди ва ушбу мавзуда ўз китобини чоп қилдиради.

Хива хонлиги девонхонаси ҳужжатларининг асосий қисми 1962 йилга келибгина ҳозирги Ўзбекистон Республикаси Миллий архивига қайтариб олиб келинган.

Ўзбекистонда ҳудудларда архив органларининг пайдо бўлиши 1924 йилда ўтказилган миллий давлат чегараланиши ва Ўзбекистон ССРнинг ташкил топиши билан боғлиқдир. 1925 йилнинг охирида Фарғона, Тошкент, Самарқанд, Зарафшон областлари ва 1926 йилда Хоразм, Қашқадарё ва Сурхондарё областларида архив бюролари ташкил этилди. 1927 йилдан област архив бюролари округ архив бюролари деб атала бошланди.

Архив муассасаларининг биринчи галдаги вазифаси миллий чегараланиш натижасида тугатилган барча идоралар ҳужжатларини йиғиб олиб сақловга қабул қилишдан иборат эди. Хоразмда ташкил этилган архив бюроси ҳам дархол ишга киришиб, 2 штат бирлик ҳодим билан биринчи йилдаёқ 21 та фондга 1178 сақлов бирлик қабул қилинган.

1932 йилда Ўзбекистон Марказий архив бошқармасининг Янги Урганч бўлими ташкил этилди. УзССР Марказий Ижроия Қўмитасининг 1935 йил 21 декабрдаги қарори билан районларда ҳам архив муассасалари ташкил этилди. 1938 йил 15 январда Хоразм округи областга айлантирилиши муносабати билан вилоят архиви ўз ишини бошлади.

СССР Олий Совет Райсатининг 1938 йил 16 апрелдаги фармонига асосан архив муассасалари, шу жумладан Хоразм вилоят архиви Ички Ишлар Вазирлиги қарамоғига ўтди. Марказий архив бошқармаси эса Министрликнинг бўлимига айлантирилди. 1961 йил 17 июндан бошлаб област архиви ижроия комитет бўлимига айлантирилди.

Ўзбекистон Республикаси Вазирлар Маҳкамасининг 2004 йил 3 февралдаги 49-сонли қарорига асосан архив бўлими “Ўзархив” агентлиги тизимига ўтказилди.

Бугунги кунда давлат архивлари ахборот-коммуникацион технологиялари билан тўлиқ жихозланган. Давлат архивларида Ўзбекистон Республикаси Миллий архив фонди ҳужжатлари барча қулайликларга эга шароитларда сақланмоқда.


З.Матсапаева,

Хоразм вилоят судининг архив мудири.

ERTАMIZ EGАLАRI UCHUN QULАYLIKLАR YARАTILMOQDА


Prezidentimiz Shavkat Mirziyoevning “Maktabgacha taʼlim tizimini yanada ragʼbatlantirish va rivojlantirish chora-tadbirlari toʼgʼrisida”gi qarori qabul qilinganidan keyin davlat-xususiy sheriklik asosida nodavlat maktabgacha taʼlim muassasalarini ochish uchun shahrimizda barcha sharoitlar yaratilmoqda.


Soʼzimiz isboti, bugun Urganch shahridagi "Ashxobod" mahallasida 180 nafar bolajonlarga moʼljallangan yangi "Maftuna gulg'unchalari" nomli davlat xususiy sherikligi asosidagi nodavlat maktabgacha ta'lim tashkilotining ochilish marosimi boʼlib oʼtdi.

Unda, Urganch shahar hokimi Oybek Xolboyev va shahar sektor rahbarlari, nuroniylar hamda mahalla fuqarolari ishtirok etdi.

Taʼlimning poydevori hisoblangan maktabgacha taʼlim tizimi ertangi porloq kelajagimiz egalarining istiqboli uchun xizmat qilishni shubxasizdir!

Урганч шаҳар ҳокимлиги ахборот хизмати.

Сана: 07.09.2021 11:37
0
275

OCHIQ MULOQOT TАSHKIL ETILDI


Bugun Urganch shahar hokimligi binosida hokim oʻrinbosarlari, tegishli soha vakillari ishtirokida "Hududda oziq-ovqat xavfsizligini taʼminlash, aholining ehtiyojmand qatlamini qoʼllab-quvvatlash, tadbirkorlikni rivojlantirish masalalari" boʼyicha ochiq muloqot oʼtkazildi.
 
Unda Ishtirokchilar oʼzlarini qiziqtirgan savollarga yetarlicha javob olishdi. Muloqot davomida bandlik masalalari, ishbilarmonlik muhitini yaxshilash, tadbirkorlarga berilayotgan imtiyozlar xususida maʼlumotlar berildi. 
Tadbirda soha mutassadilari, OАV vakillari va blogerlar ishtirok etdi. Ochiq muloqot qizgʼin baxs va munozaralarga boy boʼldi.

Urganch shahar hokimligi axborot xizmati.

Сана: 07.09.2021 10:59
0
191

YANGI OʻQUV YILI BOSHLANDI


Bugun 6 sentyabr shahrimizdagi barcha maktablarda "Birinchi qoʼngʼiroq" tadbirlari "Yangi Oʼzbekistonda erkin va farovon yashaylik!" shiori ostida tashkil etildi.


Har yilgi anʼana davom etib, yangi oʼquv yili barcha taʼlim maskanlarida birinchi qoʼngʼiroq sadolari yangradi.
Urganch shahar hokimi Oybek Xolboyev shahrimizdagi 9-son umumtaʼlim maktabida boʼlib, oʼquvchilarni, maktab jamoasini bugungi bayram bilan tabriklab, yangi 1-sinfga qabul qilingan bolajonlarga Prezident sovg‘alarini topshirdilar.
Tadbir so'ngida Shahar hokimi maktab oʼquvchilariga “Mustaqillik darsi”ni oʼtdi. O'quvchi yoshlar dars davomida oʼzlarini qiziqtirgan savollariga javob olishdi.

Ushbu dars soʼngida maktab direktori va oʼquvchi yoshlar shahar hokimiga oʼz minnatdorchiliklarini bildirishdi.

Urganch shahar hokimligi axborot xizmati.

OCHIQ MULOQOT TАSHKIL ETILDI


Bugun Urganch shahar hokimligi binosida hokim oʻrinbosarlari, tegishli soha vakillari ishtirokida "Hududda oziq-ovqat xavfsizligini taʼminlash, aholining ehtiyojmand qatlamini qoʼllab-quvvatlash, tadbirkorlikni rivojlantirish masalalari" boʼyicha ochiq muloqot oʼtkazildi.
 
Unda Ishtirokchilar oʼzlarini qiziqtirgan savollarga yetarlicha javob olishdi. Muloqot davomida bandlik masalalari, ishbilarmonlik muhitini yaxshilash, tadbirkorlarga berilayotgan imtiyozlar xususida maʼlumotlar berildi. 
Tadbirda soha mutassadilari, OАV vakillari va blogerlar ishtirok etdi. Ochiq muloqot qizgʼin baxs va munozaralarga boy boʼldi.

Urganch shahar hokimligi axborot xizmati.

Сана: 31.08.2021 05:06
0
329

MАTBUOT АNJUMАNI OʼTKАZILDI


Bugun Urganch shahar hokimining moliya-iqtisodiyot va kambagʼallikni qisqartirish masalalari boʼyicha birinchi oʼrinbosari J.Eshchanov ishtirokida "2021 yilda shaharda yangidan amalga oshiriladigan sanoat, xizmat koʼrsatish va qishloq xoʼjaligi sohalarini rivojlantirish boʼyicha investitsiya loyihalari" toʼgʼrisida matbuot anjumani boʼlib oʼtdi.
 

Unda shahrimizda amalga oshirilayotgan islohotlar hususida soʼz bordi.
Ta'kidlanganidek, shahrimizda joriy yilning 1 iyul holatiga 7389 ta tadbirkorlik sub'ektlari faoliyat koʼrsatib kelmoqda. Jumladan, 4477 ta kichik biznes sub'ektlari va 2912 ta yakka tartibdagi tadbirkorlar tashkil etadi.
Joriy yilning yanvar-iyun oylarida 459 ta yangi kichik biznes sub'ektlari tashkil etildi. Tashkil etilgan kichik biznes sub'ektlarining 98 tasi sanoat, 14 tasi qishloq ho'jaligi, 42 tasi qurilish, 146 tasi savdo, 21 tasi tashish va saqlash, 39 tasi yashash va ovqatlanish, 12 tasi axborot va aloqa, 15 tasi sog'liqni saqlash xamda 72 tasi boshqa yo'nalishlar hissasiga to'g'ri keladi.
Tadbirda soha mutassadilari, OАV vakillari va blogerlar ishtirok etdi.
Matbuot anjumani qizgʼin baxs va munozaralarga boy boʼldi.

Urganch shahar hokimligi axborot xizmati.

Kanalga ulanish uchun:
https://t.me/urganchshahar_uz

Сана: 31.08.2021 04:55
0
124

БУГУННИНГ ЮРАК ҲАҚИҚАТИ


Ҳақиқатнинг кўзига тик қараш, уни қабул қилиш ҳеч қачон осон бўлмаган аслида. Модомики, унинг юзига мағрур боқиб, уни руёбга чиқариш учун, қарор топиши учун бутун умрини, куч-қувватини бағишлаган инсон ортидан эргашиб, ҳақиқат тантанаси учун интилиб яшаш – бугун жамиятимизнинг ҳар бир аъзосининг юрак амрига айланмоғи лозим. Муҳтарам Президентимизнинг "Янги Ўзбекистон" газетасининг Бош муҳаррири саволларига берган интервьюсининг бош мазмун-моҳиятини мен шундай қабул қилдим.
Юртбошимизнинг "Бугун одамларда адолатга, ҳақиқатга ишонч пайдо бўлмоқда. Улар турли даражадаги раҳбар ва мансабдорларнинг иш фаолиятига холисона баҳо бермоқда, камчиликларни ошкора танқид қилмоқда. Миллий тараққиётимиз учун бу жуда муҳим аҳамиятга эга. Чунки, атоқли шоиримиз Эркин Воҳидов айтганидек,"Яхшидир аччиқ ҳақиқат, лек ширин ёлғон ёмон!" деган сўзлари, менинг назаримда, бутун интервьюнинг асосини ташкил қилган.
Муҳтарам Шавкат Мирзиёев Президент сифатида иш бошлаган дастлабки кунлариданоқ "Янги Ўзбекистон" ни қуриш ғоясини илгари сурдилар. Ва бу ғоя бутун мамлакатимиз бўйлаб кенг қулоч ёйди, ҳар биримизнинг қалбимизга, тафаккуримизга кириб борди. Эндиликда жамиятимизда олиб борилаётган барча соҳалардаги эзгу амаллар шу ғояни ҳаётга тадбиқ этишга хизмат қилаётганлиги кундай равшандир. Шу боис ҳам давлатимиз раҳбари қайта-қайта таъкидлайдиларки, "Бугунги Ўзбекистон – кечаги Ўзбекистон эмас, бугунги халқимиз ҳам кечаги халқ эмас". Бироқ, "Айни пайтда яна бир ҳақиқатни унутмаслигимиз лозим: бугунги Ўзбекистон – бу ҳали том маънодаги, биз орзу қилаётган, интилаётган Янги Ўзбекистон эмас. Ҳали бу маррага етиш учун олдимизда жуда олис ва машаққатли йўл турибди. Йўлимиз шу пайтгача осон бўлгани йўқ, бундан кейин ҳам осон бўлмайди", деган сўзлар замирида юртнинг баланд толеини кўзлаган, унинг истиқболи учун оромидан кечган, елкасига бутун мамлакатнинг, халқнинг дарду ташвишларини ортган Президент Шавкат Мирзиёевнинг буюк жасорати, матонати мужассамдир. 
Мазкур интервьюни ўқиганим сайин бутун Ўзбекистон кўз ўнгимда намоён бўлди. Жамият ҳаётининг барча йўналишларини ривожлантириш, ислоҳ қилиш бўйича амалга оширилаётган ишлар, олдда турган вазифалар, давлат раҳбарини қийнаётган масалалар...жуда халқчил, ҳар бир фуқаро учун тушунарли тарзда баён этилган фикр-мулоҳазаларни ўқиб, рости, шунча муаммони кўтариб яшаш учун инсонда қандай юрак бўлиши лозимлиги ҳақида ўйладим. Баландпарвозликдан мутлақо йироқ ушбу суҳбат бошдан охиригача жуда самимий тарзда кечганлиги билан ҳам эътиборимни тортди. Ички ва ташқи сиёсат, иқтисодиёт, ижтимоий ҳимоя, таълим, тиббиёт, хотин-қизлар, маънавият...бирор соҳа йўқки, давлат раҳбари томонидан тилга олинмаган бўлсин. Шу боис ҳам, мазкур интервью нафақат саволларга жавоблар, балки, мамлакатнинг эртанги куни, порлоқ истиқболи йўлидаги улкан мақсадлар мажмуи сифатида аҳамиятлидир. Уларни амалга ошириш йўлида давлат раҳбарига елкадош бўлиш, бу уммонда бирга сузиш, тўлқинларнинг зарбига дош бериб, манзилга омон етиш – дилимдаги ёруғ мақсадга айланди. Буюк маърифатпарвар Чўлпоннинг "Мен ёнмасам, сен ёнмасанг, ким ёнади?" деган хитоби қулоғимда жаранглади.
Муҳтарам Президентимизнинг “Халқимиз менга ишонч билдирди, ана шу ишончни оқлаш,эл-юртимизга муносиб ҳаёт шароитини яратиб бериш – мен учун ҳаётимнинг маъно-мазмунидир" деган сўзлари миллат равнақи учун борини бахш этган, миллат раҳнамоси бўлиб дунёга келган инсоннинг қалбидан чиққан жуда самимий ниятдир. Бу – бугуннинг юрак ҳақиқатидир!

Сайёра Самандарова, филология фанлари номзоди, Ўзбекистон Ёзувчилар уюшмаси аъзоси.
Сана: 24.08.2021 12:30
0
254

URGANCH "ISHGA MARHAMAT" MONOMARKAZI- BAND BO'LMAGAN AHOLI UCHUN QANOT BO'LMOQDA


Mamlakatimizda tadbirkorlikni rivojlantirish, ishsizlarni kasbga qayta tayyorlashga zarur sharoitlar yaratilmoqda.

Xususan, O'zbekiston Respublikasi Prezidentining 2020 yil 11 avgustdagi "Kambag'al va ishsiz fuqarolarni tadbirkorlikka jalb qilish, ularning mehnat faolligini oshirish va kasb-hunarga o'qitishga qaratilgan hamda aholi bandligini ta'minlashga oid qo'shimcha chora-tadbirlar to'g'risida"gi 
PQ-4804-son qaroriga muvofiq, Xorazm viloyatining markazida "Ishga marhamat" monomarkazi tashkil etilib, monomarkaz zamonaviy loyihalar asosida 2021 yil fevral oyida o'z ish faoliyatini boshlagan. 
Ushbu Urganch "Ishga marhamat" monomarkazida bugungi kunda ijtimoiy hayotimizda zarur bo'ladigan juda ko’plab kasb va yo'nalishlar mavjud. Monomarkazda ta'lim olgan o’quvchilar nafaqat O'zbekistonda, balki horijda ham ishlash imkoniyatiga ega bo'ladilar.

Xorazm viloyati mehnat bozori ehtiyojlaridan kelib chiqib, ushbu monomarkazda turli yoʼnalishdagi kasblar, jumladan:

Servis va xizmat ko'rsatish sohasi bo'yicha - 6 ta kasb (tikuvchi, ayollar va erkaklar sartaroshi, neyl-stilist, kosmetolog, keytring xizmati);


Texnik sohasi bo'yicha - 7 ta kasb (santexnik, elektrik, elektromontyor, maishiy uy-ro'zg'or, elektrotexnik buyumlarini ta'mirlash ustasi, payvandlovchi, avtoservis xizmat ko'rsatish, V, B,S kategoriyali haydovchilikka o'qitish);


Qurilish sohasi bo'yicha - 6 ta kasb (gipsakarton va profillarga ishlov berish ustasi, g'isht teruvchi, kafelchi, suvoqchi va bo'yoqchi, kranchi, liftchi) va boshqalar. Buning uchun markazga zarur stanoklar, mebel, mulyaj va boshqa amaliyot vositalari keltirib o'rnatilgan.
Qishloq xo'jaligi sohasi bo'yicha - 2 ta kasb (asalarichilik, gidroponika);


Raqamli texnologiyalarni o'rgatish maxsus kursi boʼyicha – 3 ta kasb (Kompyuter dizayn dasturlari (3Dmax, Autocad), 1S Buxgalteriya + byudjet tashkilotlarida buxgalter, dasturchi), jami 25 ta turdagi kasblar o'qitiladi.


Bundan tashqari, markazda ingliz, turk, yapon, xitoy, koreys va rus tillari o'qitish bo'yicha qisqa muddatli kurslar faoliyat yuritmoqda. Tadbirkorlikka tayyorlash tizimi ham yo'lga qo'yilgan. Shuningdek, bu yerda bandlik masalalari bo'yicha maslahat xizmati ko'rsatiladi. Kasbiy malaka talab etiladigan ishni tanlaganlar shu yerdagi o'quv kursiga jalb qilinadi. Boshqa mamlakatda ishlash istagini bildirgan fuqarolarga bu boradagi ko'nikma va xorijiy tillar o'rgatiladi.


Mazkur Urganch "Ishga marhamat!" monomarkazi fuqarolarimizning talab yuqori kasblarni tezda o'rganib, ish topishi va o'z sohasida tadbirkorlikni yo'lga qo'yishi uchun muhim o'rin tutmoqda.


Urganch shahar hokimligi axborot xizmati.

Сана: 20.08.2021 05:30
0
306

MAHALLALAR OBODLIGI YOʻLIDA


Shahrimizdagi mahallalarda obodonlashtirish ishlari amalga oshirilmoqda. Jumladan, Uy-joy kommunal xizmat ko'rsatish bo'limi tomonidan ko'p qavatli uylar atroflarida tozanmoqda. Shuningdek, hududdagi "Islomobod" mahallasi atrofiga ekilgan archa daraxatlariga ishlov berilib, oqlash ishlari ham hamjihatlikda qilinmoqda.
"Ziyokorlar" mahallasining ichki koʻchalarida ham koʻkalamzorlashtirish va obodonlashtirish ishlari amalga oshirilmoqda. 
Bu kabi obodonlashtirish ishlari hozirda shahrimizning boshqa hududlarida ham davom etmoqda.

Сана: 18.08.2021 04:47
0
87
Тепага чиқиш