ЎЗБ / O'ZB / РУС / ENG                 Махсус имкониятлар

Новости

ЭЪЛОН

Ўзбекистон Республикаси ёшлар ишлари агентли Хоразм вилоят бошқармаси маҳаллий нодавлат нотижорат ташкилотлар ўртасида муҳим социал ва ижтимоий аҳамиятга молик лойиҳаларни амалга оширишга давлат ижтимоий буюртмаларини 

тақдим этиш учун танлов 

ЭЪЛОН ҚИЛАДИ


Устувор йўналишЁшларга оид давлат сиёсатининг ёшларга кўрсатилаётган ижтимоий хизматлар йўналишидаги мақсад ва вазифаларини амалга оширишда фаол иштирок этиш

Мақсад:Ўзбекистон Республикаси Президентининг 5 та муҳим ташаббуси доирасида ёшларни санъатнинг миллий ва замонавий турлари билан шуғулланишларига шароит яратиш борасидаги ишларни изчил амалга ошириш.

ВазифаларХоразм миллийқадимийзамонавий санъат йўналишларининг ўрганишларида ва ривожлантиришдашу орқали санъат соҳасида бандлигини таъминлашолий таълим муассасаларига киришларида билим ва кўникмаларини оширишдан иборат бўлиб қуйидаги асосийвазифларни белгилайди:

  • 200 дан ортиқ ёшларни санъат соҳасида ўқитиш ва бошланғич фаолиятга тайёрлаш;
  • 20 000 нафардан ортиқ ёшлар иштирокида концерт томошалари ташкил қилиш;
  • PR медиа маҳсулoтларини 10 тадан кам бўлмаган видеороликлар тайёрлаш ва 100 тадан кам бўлмаган инфографикалар ишлаб чиқиш ҳамда уларни ижтимоий тармоқлар орқали кенг ва фаол тарғибот ва ташвиқот ишлари олиб бориш; 

Белгиланган маблағ миқдори :

350 млн.  сўм 

Ижтимоий аҳамиятга молик бўлган лойиҳани амалга оширишда давлат ижтимоий буюртмасининг шартлари:

- ижрочи-ташкилот белгиланган тартибда ННТ сифатида рўйхатдан ўтган бўлиши зарур;

- давлат ижтимоий буюртмасини бажариш доирасида амалга оширадиган фаолиятнинг ҳамда белгиланган устувор  йўналиш ижрочи-ташкилотнинг уставидаги вазифаларга мувофиқлик келиши;

- ижрочи-ташкилотда лойиҳани амалга ошириш учун зарур бўлган кадрлар ва техник имкониятнинг мавжудлиги;

- ижрочи-ташкилотда ижтимоий аҳамиятга молик лойиҳалар ва дастурларни муваффақиятли амалга ошириш борасидаги тажрибанинг мавжудлиги; 

- лойиҳани амалга ошириш ҳақидаги шартномани сифатли ва ўз вақтида бажариш, уни амалга ошириш вақтида ажратилган маблағлардан мақсадли фойдаланишни, очиқлик ва ошкораликни таъминлаш, амалдаги қонун ҳужжаталарига тўлиқ риоя этиш.


Ижтимоий буюртмаси берилиши учун қуйидаги ҳужжатлар тақдим этилиши зарур:

  • Белгиланган тартибда тўлдирилган ариза шакли;
  • ариза тақдим этаётган ННТ раҳбари имзоси ва муҳр билан тасдиқланган кузатув хати;
  • давлат ижтимоий буюртмаси лойиҳаси учун ариза;
  • охирги ўзгартиш ва қўшимчалар билан давлат рўйхатидан ўтган ННТ ва фуқаролик жамиятининг бошқа институтларининг Устави (Низоми) нусхаси; 
  • ташкилотнинг давлат рўйхатидан ўтганлигини тасдиқловчи гувоҳнома нусхаси;
  • агар лойиҳани амалга ошириш лицензияланадиган фаолиятни талаб қилса, унда лицензиянинг нусхаси тақдим этилади.


Ҳужжатлар 2021 йил 28 мартдан 28 апрелгача қабул қилинади. Тақдим этилган муҳим ижтимоий аҳамиятга молик лойиҳалар Ўзбекистон Республикаси Ёшлар ишлари агентли Хоразм вилоят бошқармасининг жамоатчилик Кенгаши томонидан кўриб чиқилади ва натижалари эълон қилинади.

Ҳужжатлар «Ўзбекистон Республикаси Ёшлар ишлари агентли Хоразм вилоят бошқармаси» номига “Ўзбекистон почтаси” орқали муҳрланган конвертда (А4 формат) қуйидаги манзил бўйича қабул қилинади: 220100 Урганч шаҳар П.Махмуд кўчаси 59/2 уй.

Сана: 27.03.2021 09:30
0
1 930

ЭЪЛОН





2021 йилнинг 25 март куни соат 1100 да Ўзбекистон Республикаси Марказий банкининг Хоразм вилояти Бош бошқармаси бошлиғи У.М.Жуманиязов томонидан АТ “Халқбанк” Хоразм вилоят филиали биносида ёшлар ва банк хизматлари истеъмолчилари билан очиқ мулоқот тарзида сайёр қабул ўтказилишини маълум қиламиз.
Сана: 17.03.2021 07:22
0
3 648

МАТБУОТ АНЖУМАНИ: "УРГАНЧ ШАҲРИДА "ЁШЛАР ТАДБИРКОРЛИК ВА САНОАТ ЗОНАЛАРИ" ТАШКИЛ ЭТИЛАДИ"


Бугун Урганч шаҳар ҳокимлиги ва Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги Хоразм вилояти бошқармаси билан ҳамкорликда матбуот анжумани бўлиб ўтди.

Ушбу матбуот анжуманида Урганч шаҳар ҳокимлиги, тегишли ташкилот вакиллари ва ОАВ ва блогерлар иштирок этди.
Мазкур матбуот анжуманида Урганч шаҳар ҳокимлиги масъул ходимлари томонидан ёшларнинг тадбиркорлик ташаббуслари, "стартап" ғоялари ва амалий тадкикотлари натижаларини рўёбга чикаришга кўмаклашиш, ёш тадбиркорлар томонидан банд бўлмаган "Ёшлар дафтари"даги тенгдошларини иш билан таъминлаш, шунингдек, ёшларнинг ижтимоий-иқтисодий фаоллигини ошириш максадида  “Ёшлар тадбиркорлик ва саноат зоналари”да ишлаб чиқариш биноларини қуриб, ёшларга имтиёзли шартларда ижара ва лизинг асосида бериш ҳамда имтиёзларини жорий этиш юзасидан маълумотлар берилди.


- «Ёш тадбиркорларни қўллаб-қувватлаш жамғармаси»дан ёш тадбиркорлик субъекти учун молиявий ресурс 200 минг АҚШ долларидан ошмайдиган миқдорда 5 йил муддатга ажратилади. 
Шунингдек, «Ёшлар саноат ва тадбиркорлик зоналари» ҳудудларида амалга ошириладиган инвестиция лойиҳалари, берилган имтиёзлар натижасида иқтисод қилинган маблағларни тижорат банклари томонидан лизингга ажратилган бинога тўлов учун йўналтириш шарти билан 3 йил муддатга фойда солиғи, ер солиғи, мол-мулк солиғи, кичик корхоналар айланмасидан олинадиган солиқлар 50 фоизидан озод қилинади."
дейди Урганч шаҳар
ҳокимининг ёшлар сиёсати, ижтимоий ривожлантириш ва маънавий-маърифий
ишлар бўйича ўринбосари Матяқубов Нурбек Райимберганович.
-"Шунингдек, ёш тадбиркорлик субъектлари бошланғич тўлов сифатида лизингга бериладиган бино қийматининг 10 фоизлик қисмини тўлайди. Жамғарма ҳисобидан тижорат банкларига ёшлар учун бино қуришга бериладиган молиявий ресурслар миллий валютада йиллик 7 фоиз миқдорида тақдим этилади. Тижорат банклари томонидан ёш тадбиркорлик субъектларига биноларни лизинг асосида бериш миллий валютада йиллик 10 фоиз миқдорида амалга оширилади."
Матбуот анжумани давомида ОАВ вакиллари ва блогерлар ўзларини қизиқтирган саволларга жавоб олди.
Маълумот сифатида, «Ёшлар саноат ва тадбиркорлик зоналари»ни Хоразм вилоятида молиявий қўллаб-қувватлаш учун «Ўзсаноатқурилишбанк» АТБ бириктирилган.


Урганч шаҳар ҳокимлиги Ахборот хизмати.


Сана: 17.03.2021 02:30
0
1 954

АҲОЛИНИ ТАДБИРКОРЛИКГА КЕНГ ЖАЛБ ҚИЛИШ БЎЙИЧА УСЛУБИЙ ҚЎЛЛАНМА




АҲОЛИНИ ТАДБИРКОРЛИК КЕНГ ЖАЛБ ҚИЛИШ ВА ОИЛАВИЙ ТАДБИРКОРЛИКНИ РИВОЖЛАНТИРИШ МАҚСАДИДА АЖРАТИЛАДИГАН
ИМТИЁЗЛИ КРЕДИТЛАРДАН ФОЙДАЛАНИШ БЎЙИЧА
УСЛУБИЙ ҚЎЛЛАНМА
 
  1. 2017 йил 17 ноябрдаги «Ҳунармандчиликни янада ривожлантириш ва ҳунармандларни ҳар томонлама қўллаб-қувватлаш чора-тадбирлари тўғрисида»ги ПФ-5242-сон фармони;
  2. 2018 йил 2 февралдаги «Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятини тубдан такомиллаштириш чора-тадбирлари тўғрисида»ги
    ПФ-5325-сон фармони;
  3. 2018 йил 27 июндаги «Yoshlar — kelajagimiz» Давлат дастури тўғрисида»ги ПФ-5466-сон фармони;
  4. 2018 йил 26 апрелдаги «Фермер, деҳқон хўжаликлари ва томорқа ер эгалари фаолиятини такомиллаштириш бўйича қўшимча чора-тадбирлар тўғрисида»ги ПҚ-3680-сон қарори;
  5. 2018 йил 7 июндаги «Ҳар бир оила — тадбиркор» дастурини амалга ошириш тўғрисида»ги ПҚ-3777-сон қарори;
  6. 2019 йил 7 мартдаги «Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида»ги ПҚ-4231-сон қарори.
  7. 2018 йил 14 июлдаги «Аҳоли бандлигини таъминлаш борасидаги ишларни такомиллаштириш ва самарадорлигини ошириш чора-тадбирлари тўғрисида»ги ПҚ-3856-сон қарори;
  8. Ўзбекистон РеспубликасиПрезидентининг 2019 йил 24 октябрда “Оилавий тадбиркорликни ривожлантириш давлат дастурлари доирасида амалга оширилаётган лойиҳаларни кредитлаш тартибини такомиллаштиришнинг қўшимча чора-тадбирлари тўғрисида”ги
    ПҚ-4498-сонли қарори қабул қилинди.
Дастурлар доирасида лойиҳаларни кредитлаш Ўзбекистон Республикаси Марказий банкнинг қайта молиялаштириш ставкаси бўйича (ҳозирда 14 фоизХалқ банки, «Микрокредитбанк» АТБ ва «Агробанк» АТБ банклар орқали амалга оширилади.
Имтиёзли кредитлар 3 — 6 ойгача бўлган имтиёзли давр билан
3 йилгача муддатга имтиёзли кредитлар ажратилиши мумкин.
Базавий ҳисоблаш миқдорининг 150 баробаригача миқдордаги кредитларни ажратиш юқоридаги банкларининг туман филиаллари.
Базавий ҳисоблаш миқдорининг 1000 баробаригача миқдордаги кредитларни ажратиш тижорат банкларининг вилоят филиаллари;
Базавий ҳисоблаш миқдорининг 1000 баробаридан ортиқ миқдордаги кредитларни ажратиш Дастур координаторлари билан келишилган ҳолда ажратилади.
ШАҲАР ВА ТУМАН ҲОКИМЛИКЛАРИДА ТАШКИЛ ҚИЛИНГАН ИШЧИ ГУРУҲЛАР ТЕЛЕФОН РАҚАМЛАРИ
 
1Урган шаҳар(62) 228-67-57
2Хива шаҳар(62) 377-50-68
3Урганч тумани(62) 352-18-40
4Хива тумани(62) 226-20-62
5Боғот тумани(62) 315-28-18
6Гурлан тумани(62) 365-43-19
7Шовот тумани(62) 345-10-90
8Хозарасп тумани(62) 332-56-15
9Қўшкўпир тумани(62) 329-48-81
10Ҳонқа тумани(62) 399-15-47
11Янгибозор тумани(62) 419-40-86
12Янгиариқ туман(62) 385-40-77
13Тупроққалъа тумани(62) 305-35-60

Сана: 01.03.2021 05:30
0
4 336

Урганч шаҳар ҳокимининг 2021 йил 26 февралдаги №332қ-сонли қарори

Сана: 27.02.2021 12:20
0
3 653

Урганч шаҳар ҳокимининг 2021 йил 26 февралдаги №331қ-сонли қарори

Сана: 25.02.2021 12:11
0
3 527

КУН МАВЗУСИ: СЕКТОР РАҲБАРЛАРИ ВА ЁШЛАР УЧРАШУВИ


Бугун вилояти Ёшлар марказида Урганч шаҳар сектор раҳбарлари билан ёшлар учрашуви ўтказилди. Унда сектор раҳбарларининг Ўзбекистон Республикаси Президентининг 5 ташаббусини амалга ошириш, ёшлар тадбиркорлиги ва стартапларни ривожлантириш, ёшлар учун янги иш ўринларини яратиш, ёшлар сиёсати соҳасида амалга оширилаётган ишлар ҳақида ҳисоботи тингланди.

Дастлаб, шаҳар ҳокими О.Холбоев сўзга чиқиб,  Мамлакатимизда ёшлар бандлигини таъминлаш ва бўш вақтларини мазмунли ташкил қилиш тўғрисидаги ҳисоботини ўқиб эшиттирди.

Шунингдек, ёшлар сектор раҳбарига ўзларини қийнаётган муаммолар, фикр-мулоҳазаларини билдирдилар. Сектор раҳбари  ҳар бир билдирилган фикр ва мулоҳаза, муаммолар эътибордан четда қолмаслигини  алоҳида таъкидлади.

Учрашув давомида сектор раҳбарларининг савол-жавоб тарзида журналист ва блогерлар билан очиқ мулоқот ҳам ташкил этилди.

Урганч шаҳар ҳокимлиги Ахборот хизмати.

Сана: 12.02.2021 06:00
0
2 094

Шаҳарда сектор раҳбарларининг ёшлар билан ишлашга оид ҳисоботлари тўғрисида Урганч шаҳар ҳокими Холбоев Ойбек Мадаминовичнинг маърузаси


Ассалому алайкум азиз ёшлар, учрашув қатнашчилари!

2020 йил 25 декабрь куни мамлакатимиз ёшлари билан видеоселектор тарзида ўтказилган Ўзбекистон ёшлар Форумида сиз ёшларга қарата ҳурматли Президентимиз “Биз юртимизда қандай ислоҳотларга қўл урмайлик, аввало, сиз каби ёшларга, сизларнинг куч-ғайратингиз ва азму шижоатингизга суянамиз” – деб алоҳида таъкидлаб ўтган эдилар.

Ушбу Ёшлар Форумида белгилаб берилган вазифаларни шаҳарда ижросини таъминлаш мақсадида 2020-2021 йилларда ёшлар билан янгича ишлаш тизими бўйича 76 та банддан иборат 7 та йўналишда “Ёшлар дастури” ишлаб чиқилиб, ижрога йўналтирилди.

Дастур ижроси учун Республика бюджетидан 66 млрд.  408 млн. сўм, маҳаллий бюджетдан 588 млн. сўм, бошқа манбалар ҳисобидан 2 млрд.                                  70 млн. сўм маблағлар (жами 69  млрд. 66 млн. сўм) ажратилиши ҳамда жами 71 минг 262 нафар (92 фоиз) ёшлар қамраб олиниши белгиланган.

Шаҳардаги 5 328 нафар ишсиз ёшларнинг “маҳаллабай” кесимида бандлигини таъминлаш мақсадида йўналишлар кесимида “Манзилли режа” ишлаб чиқилди.

Режага асосан қурилиш отрядларида 245 нафаришлаб чиқариш соҳасида 458 нафар, Хизмат кўрсатиш, жумладан, автомобил, компьютер ва техникаларга хизмат кўрсатиш, гўзаллик салони, сартарошлик соҳаларига            458 нафар, касаначиликка 11 нафар,  ҳунармандчиликка 26 нафар, асаларичиликка 16 нафар, банлдик жамғармаси орқали ҳақ тўланадиган жамоат ишларига жалб қилиш орқали 755 нафар,  "Ҳар бир оила - тадбиркор" Давлат дастури доирасида 356 нафар ёшларнинг тадбиркорлик фаолияти йўлга қўйиш орқалибўш иш ўрни "Меҳнат ярмаркалари" доирасида 1369 нафар ва бошқа йўналишлар доирасида 1360 нафарини бандлигини таъминлаш кўзда тутилган.

Шундан, жорий йилнинг ўтган даври давомида "Ҳар бир оила - тадбиркор" Давлат дастури доирасида 40 нафар ёшларга 1 млрд 119 млн сўм, “Ёшлар келажагимиз” Давлат дастури доирасида 5 нафар ёшларга 4 млрд             400 млн сўм кредит ажратилиши ҳисобига 50 та иш ўрни яратилди. 

“Ҳар бир тадбиркор - ёшларга мададкор” тамойили асосида “Ёшлар: 1+1” дастури бўйича 576 нафар ишсиз ёшлар тадбиркорлик асосларига ўқитилиб, 614 нафар тадбиркорларга бириктириш кўзда тутилган.

Шундан, хозирги кунга қадар 151 нафар ёшлар ўқитилиб, уларга махсус сертификатлар топширилди ва тадбиркорларга бириктирилди ҳамда ҳозирги кунда 120 нафар ёшлар ўқишни давом эттирмоқда.

Касб-ҳунар ўрганиш истаги бор бўлган 338 нафар ёшлар рўйхатлари шакллантирилиб, шундан хозирги кунда шаҳар аҳоли бандлигига кўмаклашиш маркази томонидан 24 нафар ишсиз ёшлар касб-ҳунарга ўқитилмоқда.

Ёшларнинг бўш вақтларини мазмунли ташкил этиш мақсадида жорий йилда 5 та муҳим ташаббус йўналишларида умумтаълим мактабларида мавжуд тўгараклар сонини кўпайтириш орқали ёшлар қамровини 29 минг 021 нафар(амалда 27021)га оширилади.

Уюшмаган ёшлар қатламини оммавий спортга кенг жалб этиш учун зарур шароитларни яратиш мақсадида умумий ўрта таълим мактабларининг спорт майдончалари, спорт залларида соат 16.00 дан кейин шуғулланишлари таъминланмоқда.

Маҳалла ёшларининг кўча спорти билан шуғулланишларини таъминлаш мақсадида 13 та маҳаллаларда “Street workout” майдончалари ташкил қилиш режалаштирилган.

Шаҳардаги 5 нафар иқтидорли ёшлар истисно тариқасида 2020/2021 ўқув йилида маданият ва санъат олийгоҳларида маҳаллий бюджет маблағлари ҳисобидан ўқитилиши учун 40 млн 081 000 сўм маблағ ажратиб берилди.

15 нафар иқтидорли ёшларни доимий равишда рағбатлантириб бориш тизими йўлга қўйилди. 

Шунингдек, шаҳарда ҳар чоршанба – ёшларнинг бандлигини таъминлаш куни, ҳар шанба -  ёшларнинг бўш вақтини мазмунли ташкил этиш куни сифатида белгиланиб, аниқ дастур асосида амалга оширилмоқда.

Жорий йилнинг январь-февраль ойларида 16 маротаба сектор раҳбарлари ва ёшлар учрашувлари ташкил этилиб, 298 нафар ёшлар иштирок этишди. Учрашувларда ёшлар томонидан 44 та муаммо ва таклифлар билдирилди. Шундан, 20 таси хал этилди, 24 таси тегишли ташкилотларга йўналтирилиб хал этиш чоралари кўрилмоқда. 

Шунингдек, маҳалла ёшлари ўртасида спортнинг волейбол ва футбол, кураш турлари бўйича 1 маротаба “Ҳоким кубоги”, 1 маротаба “Прокурор кубоги” мусобақалари ўтказилди.   

Белгиланган вазифаларимиз.

I. Ёшларнинг бандлигини таъминлаш, уларни тадбиркорликка

жалб этиш ва касб-ҳунарга ўргатиш йўналишида:

1. Бандликка кўмалашиш маркази томонидан 338 нафар ишсиз ёшларни касб-ҳунарга ўқитиш орқали меҳнат бозорида талаб мавжуд бўлган касбларга қисқа муддатли (3-6 ойлик) ўқув курсларида ўқитишни ташкил этиш.

2. Ҳар ойда камида бир маротаба мавжуд бўш иш ўринлари ярмаркаларини ташкил этиш орқали 1369 нафар ишсиз ёшларнинг бандлигини таъминлаш.

3. Бандликка кўмалашиш маркази томонидан 107 нафар “Ёшлар дафтари”га киритилган ижтимоий ҳимояга муҳтож ёшлар учун субсидиялар ажратиш, 253 нафарига ишсизлик нафақаси тайинлаш.

4. 576 нафар “Ёшлар дафтари”га киритилган тадбиркорлик билан шуғулланиш истагини билдирган ёшларни тадбиркорлик асосларига ўқитиш ва сертификат олган ёшларнинг бизнес лойиҳаларини молиялаштириш ишларини тизимли ташкил этиш.

5. Тадбиркорликка қизиқувчи ёшлар учун тадбиркорлик фаолиятини йўлга қўйиш бўйича тадбиркорлик субъектларида “Тадбиркор билан бир кун” лойиҳаси доирасида мотивацион тадбирлар, учрашувлар ташкил этиш.

6. Ишлаб чиқариш ва хизмат кўрсатиш соҳаларида маҳсулотлар тайёрлаш жараёнлари билан ёшларни таништириш, уларни тадбиркорлик фаолиятига кенг жалб қилиш мақсадида “Бизнесга саёҳат” лойиҳасини ташкил этиш.

7. Тижорат банкларида “Ёшлар учун очиқ эшиклар куни” ўтказиш; Бунда, кредит сўраб мурожаат қилган ёшларга кредит ажратиш тартиби ҳамда лойиҳаларини молиялаштириш тўғрисида тушунчалар бериш.

8. Ёшларга кўмаклашиш ва уларнинг таклиф-ташаббусларини қўллаб-қувватлаш мақсадида ҳар ҳафтада бир маротаба “Ҳоким ва ёшлар”, “Раҳбар ва ёшлар”, “Сектор раҳбарлари ва ёшлар” учрашувларини ташкил этиб бориш.

II. Ёшларнинг бўш вақтини мазмунли ташкил этиш борасида:

1. Ўғил болалар ўртасида спортнинг футбол тури бўйича, қиз болалар ўртасида спортнинг волейбол тури бўйича маҳаллалар ўртасида “Сектор раҳбарлари кубоги” мусобақаларини мунтазам равишда ўтказиб бориш.

2. Умумтаълим мактаблари 10-11-синф ўқувчилари ўртасида спортнинг футбол, волейбол, кураш, стол тенниси турлари бўйича мусобақалар ўтказиш.

3. Аҳолининг барча қатламлари (ёшлар, нуронийлар) ўртасида “Соғлом ҳаёт сари 5000 қадам” шиори остида оммавий юриш тадбирларини ташкил этиш.

4. Шаҳардаги ҳар битта таълим муассасасида уюшмаган ёшлар учун спорт тўгараклари фаолиятини йўлга қўйиш.

5. Таълим муассасаларида “Беш ташаббус - беш имконият” танловини ташкил этиш.

6. Шаҳардаги маданият марказлари ҳамда умумтаълим мактаблари қошида “Ёшлар театр студияси” фаолиятини йўлга қўйиш ва концерт дастурларини барча маҳаллаларда ташкил этишдан иборат.

Азиз ёшлар! 

 Давлатимиз раҳбари бошчилигида биз ҳам сиз каби ёшларнинг куч ғайратига азм-у шижоатига суянамиз.

Бугун биз сизларга ҳар тмомнлама ёрдам беришга ва барча саволларингизга жавоб беришга тайёрмиз!

Сана: 12.02.2021 04:30
0
2 046

“Ҳар бир тадбирколар – ёшларга мададкор” дастурида Урганч шаҳри етакчилик қилмоқда


Урганч шаҳрида 2020 йил 25 декабрь куни давлат Раҳбари томонидан ўтказилган “Ўзбекистон ёшлар форуми”да маъқулланган “Ҳар бир тадбирколар – ёшларга мададкор” тамойили асосида тизимли ишлар амалга оширилмоқда. 

Шу мақсадда, Урганч шаҳрида Ўзбекистон Савдо-саноат палатасининг Хоразм вилоят ҳудудий бошқармаси қошидаги нодавлат таълим муассасаси “Xorazm Biznes-Maktabi” ўқув маркази, Микрокредитбанк  АТБ Хоразм вилояти филиали, Ёшлар ишлари агентлиги ҳамкорлигида  “Ёшлар дафтари”га киритилган ишсиз ва уюшмаган ёшларни тадбиркорлик кўникмаларига ўқитиш бўйича ўқув курслари ўтказилди. 
 Ўқув курсида шаҳримиздан жами 92 нафар тадбиркорликка хоҳиши бор ёшлар  ўқиб сертификат олдилар. Ушбу ёшлар учун 207.0 млн.сўм миқдорида кредит маблағи ажратилди. Ҳозирда 66 нафар ёшлар тадбиркорлик фаолиятини бошлаш учун бепул таҳсил олмоқда.
Урганч шаҳар ҳокимлиги Ахборот хизмати.

Сана: 11.02.2021 07:04
0
4 090

Урганч шаҳар ҳокимининг 2021 йил 10 февралдаги №20ф-сонли фармойиши

Қорақалпоғистон Республикаси ва тегишли вилоятларда Давлат солиқ қўмитаси Кадастр агентлигининг “Геоинновация маркази” ДУК томонидан “Дрон-шоу” тадбирларини ўтказиш мақсадида


1. Қорақалпоғистон Республикаси ва тегишли вилоятларда Давлат солиқ қўмитаси Кадастр агентлигининг “Геоинновация маркази” ДУК томонидан “Дрон-шоу” тадбирларини ўтказилиши  маълумот ва ижро учун қабул қилинсин.

2. Шаҳар ИИО ФМБ бошлиғи (И.Тажимуратов)га 2021 йил 10 феврал куни Урганч шаҳар “Байнаминалчи” ва “П.Махмуд” кўчалари кесишган чоррохасидан “Ватанпарвар” биноси олдигача, “Байналминалчи”  ва “Фаязов”   кўчалари туташган чоррохасидан “П.Махмуд” ва “Байналминалчи” кўчалари кесишган чоррохасигача “Дрон-шоу” тадбирларини ўтказиш даврида транспорт воситалари ҳамда пиёдалар сонининг ошишини инобатга олган ҳолда  транспорт воситаларининг қатновини вақтинчалик чеклаш, уларнинг ёндош кўчаларидан айланиб ўтишини ташкил қилиш мақсадида вақтинча (10.02.2021 куни 17-00дан 22-00 га қадар) чеклансин.

3. Шаҳар “Ободонлаштириш” бошқармаси (Х.Худайберганов) “Дрон-шоу” тадбирлари бўлиб ўтадиган “Марказий стадион” шу худудларни ободонлаштиришга амалий ёрдам кўрсатсин.

4.Шаҳар ҳокимлиги ахборот хизмати раҳбари (Б.Худайберганов)га шаҳар ҳокимликнинг расмий веб сайтига жойлаштиришни таъминласин.

5.“Yangi Urganch” газетаси бош муҳаррири (У.Якубова), вилоят телерадиокомпанияси (У.Матқурбанов)ларга кенг оммага етказиш тавсия қилинсин.

6. Мазкур фармойиш бажарилишини назорат қилиш шаҳар ҳокимининг ўринбосарлари (К.Шамуратов, Н.Матякубов) зиммасига юклатилсин.



Урганч шаҳар ҳокими в.б                                         О.Холбоев

Сана: 10.02.2021 09:30
0
3 985
Тепага чиқиш