Новости
Болаларни давлат мактабларига қабул қилиш тартиби
Рамазон ҳайити муносабати билан хайрия тадбири ўтказилди
Урганч шаҳар ҳокимлиги ташаббуси билан 4 июнь куни Рамазон хайитини муносиб нишонлаш, миллий ва диний қадриятларимизга бўлган ҳурмат ва эътиборни янада мустаҳкамлаш эл-юртимиз учун азалдан эзгулик, саҳоват, меҳр-мурувват, аҳиллик, ҳамжиҳатликни улуғловчи ушбу фазилатли ойда эҳтиёжманд ва ёрдамга муҳтож оилаларни қўллаб-қувватлаш мақсадида шаҳардаги 38 та маҳаллаларда яшовчи 400 нафар кам таъминланган ижтимоий ночор ҳамда боқувчисини йўқотган оилалардан ҳар бир оилага 5 кг ун, 5 кг шакар, 5 литр ўсимлик ёғи, 2 кг қуруқ чой, 5 кг макарон, 2кг печенье, 2 кг гўшт озиқ овқат маҳсулотлари тарқатилди.
Беғубор болалик
1 июн — Ҳалқаро болаларни химоя қилиш куни муносабати билан Урганч шахар хокимлиги, Урганч шахаридаги Амир Темур номли истирохат боғида“Фарзандларимизга баҳтли болаликни улашайлик” аксияси доирасида кўнгилочар тадбирлар ва байрам томошалари намойиш етилади.
Шу куни барча болажонлар яна бир бор мехр-мухаббат оғушида бўладилар.
Байрам тадбирлари давомида болажонлар ва таниқли спорт усталари ортасида турли беллашув ва мусобақалар ўтказилади, мусиқа, рассомчилик бўйича истедодлилар аниқланиб, уларга есдалик совгалари топширилади ва албатта, Мактабгача таълим муассасалари, умумталим мактаблари томонидан кўргазмалар намойиш етилди.
Яна бир мухим совга — шу куннинг ўзида Урганч шахридаги "мусаввир", "Мехригиё", "Умид" номли ёзги оромгохларининг тантанали очилишлар бўлиб ўтди. Бу оромгохларга асосан имконяти чекланган, ижтимоий химояга мухтож оила фарзандлари жалб етилди. Ушбу оромгохларга ташриф буюрган ёшларга шахар хокимлиги ва ёшлар иттифоқи томонидан маҳсус фудболка ва кепкалар, шунингдек, хомийлар томонидан есталик совгалари топширилди.
"Ташаббус - 2019" кўрик-танлови шаҳар босқичи бўлиб ўтди.
Урганч шаҳрида тадбиркор ва ҳунармандликни кучайтириш, тадбиркорлар фаолиятини ривожлантиришда кўмаклашиш ва кенг тарғиб қилиш мақсадида "Ташаббус - 2019" кўрик-танловини шаҳар босқичи бўлиб ўтди. Танловда 50 яқин маҳаллий тадбиркорлар ўзларининг маҳсулотлари билан иштироқ этишиб, ўзаро тажриба алмашишди. Фаол иштироқ этган тадбиркорлар танлов ташкилотчилари томонидан эсталик совғалари ва фаҳрий ёрлиқлар билан тақдирландилар.
9 май - Хотира ва қадрлаш куни
Бугун 9 май — хотира ва қадрлаш куни муносабати билан Урганч шаҳри марказида жойлашган «Хотира майдони»да байрам тадбири бўлиб ўтди. Тадбирда вилоят, шаҳар ва туман ҳокимликлари, вилоятнинг барча шаҳар туманларидан иккинчи жаҳон уруши иштирокчилари, байналминалчи жангчилар, фронт ортида фидокорона меҳнат қилган фаҳрийлар, кенг жамоатчилик ва оммавий ахборот воситалари вакиллари иштирок қилдилар. Тадбирда давлат ҳавфсизлик хизмати чегара қўшинлари, ҳарбийлар, Темурбеклар мактаби вакилларининг кўргазмали чиқишлари намойиш қилинди. Бугунги тадбир Ватанга садоқат, кексаларга эъзоз, ўтганлар хотирасига ҳурмат хиссини янада юксалтиришга хизмат қилади.
Ҳурматли фуқоролар, азиз дўстлар!
Фурсатдан фойдаланиб барчангизни 9 май — Хотира ва қадрлаш куни билан муборакбод этамиз!
Йиллар ўтса-да, ушбу куннинг аҳамияти ҳеч қачон сусаймайди, бу кун ҳаммамиз учун жасорат, ифтихор ва мангу хотира рамзи бўлиб қолаверади.
Урушнинг залворли мусибатларини бошидан кечирган, бугун ёнимизда ушбу куннинг шукуҳини биз билан бўлишаётган барча инсонларга таъзимдамиз. Сиз ва сизнинг яқинларингизга чин қалбдан мустаҳкам соғлиқ ва адо бўлмас тинчлик тилаймиз!
Урганч шаҳар ҳокимининг шаҳар аҳолиси билан навбатдаги сайёр қабули бўлиб ўтди.
Урганч шаҳар ҳокими Ш.Абдуллаев 2019 йил 2 апрель куни 2-сон академик лицей биносида шаҳар аҳолиси билан учрашиб, амалга оширилаётган ишлар ва бу борада мавжуд муаммоларнинг ижобий ечими юзасидан сухбатлашди. Йиғилишда фуқароларни қийнаётган масалалар тингланиб, уларга атрофлича жавоб берилди. Аҳоли тамонидан тушган мурожаатлар ёзиб олинди, Урганч шаҳар ҳокимининг кўрсатмаларига биноан 3-5 кун муддатда ижросини таъминлаш бўйича топшириқлар берилди.
«Билимимиз, иқтидоримиз, кучимиз ва ташаббускорлигимиз Ватан учун» шиори остида ёшларга бағишланган амалий кўргазмали семинар ўтказилди.
Ўзбекистон Республикаси Президенти Ш.М.Мирзиёев раҳбарлигида 2019 йил 19 мартда ўтказилган “Ёшлар билан ишлашни самарали ташкил этишда маданият, санъат, спорт, ахборот технологиялари, китоб ўқишга қизиқишини ошириш бўйича 5 та муҳим ташаббусни амалга ошириш тўғрисида”ги 12-сонли мажлис баёнида белгиланган вазифалар ижросини таъминлаш юзасидан Урганч шаҳар 30-сонли умумий ўрта таълим мактабида 2019 йил 27 апрель куни Урганч шаҳар халқ таълими бўлимига қарашли таълим муассасаларининг “Билимимиз, иқтидоримиз, кучимиз ва ташаббускорлигимиз Ватан учун” шиори остида амалий кўргазмали семинар ўтказилди, бунда Урганч шахар ҳокими Ш.Абдуллаев, ёшлар сиёсати ижтимоий ривожлантириш ва маънавий-маърифий ишлар бўйича ҳоким ўринбосари Ў.Йўлдошев, Хотин-қизлар ишлари бўйича ҳоким ўринбосари М.Аманбоева, Вилоят халқ таълими бошқармаси бошлиғи Х.Бектемиров, “Нуроний” жамғармаси вилоят кенгаши вакили Б.Бобожонов, шаҳардаги таълим муассасалари директорлари, маънавий-маърифий ишлар бўйича директор ўринбосарлари, фан ўқитувчилари, маҳалла фуқаролар йиғини вакиллари, ота-оналардан иборат кенг жамоатчилик вакиллари иштирок этдилар.
Тадбирни Урганч шахар ҳокими Ш.Абдуллаев очиб берди, шундан кейин Урганч шахар ҳокими муовини Ў.Йўлдошев, Вилоят халқ таълими бошқармаси бошлиғи Х.Бектемировлар сўзга чиқиб 2019 йил 19 мартда Ўзбекистон Республикаси Президенти Ш.М.Мирзиёев раҳбарлигида “Ёшлар билан ишлашни самарали ташкил этишда маданият, санъат, спорт, ахборот технологиялари, китоб ўқишга қизиқишини ошириш бўйича 5 та муҳим ташаббусни амалга ошириш тўғрисида”ги 12-сонли мажлиси бўлиб ўтгани, унда Ёшлар билан ишлашни самарали ташкил этишда маданият, санъат, спорт, ахборот технологиялари, китоб ўқишга қизиқишини ошириш бўйича 5 та муҳим ташаббусни амалга ошириш вазифаси белгилангани, ушбу вазифаларни амалга ошириш шакли Сирдарё вилояти тажрибасида синаб кўрилгани, буни кенг жорий этиш бўйича 5 та ташаббус, яъни биринчи - ёшларнинг мусиқа, рассомлик, адабиёт, театр ва санъатнинг бошқа турларига қизиқишларини ошириш, иккинчи - ёшларни жисмоний чиниқтириш ва спорт соҳасида ўз қобилиятини намоён қилишлари учун зарур шароитлар яратиб бериш, учинчи ташаббус - аҳоли ва ёшлар ўртасида компьютер технологиялари ва интернетдан самарали фойдаланишни ташкил этиш, тўртинчи ташаббус - аҳоли, айниқса, ёшлар маънавиятини юксалтириш, улар ўртасида китобхонликни кенг тарғиб қилиш, бешинчи ташаббус - хотин-қизларни иш билан таъминлаш ишларини тизимли ташкил этиш тарзда амалга оширилиши кўзда тутилгани ҳақида фикрлар билдириб, бу юзасидан Урганч шахар ҳокимининг 2019 йил 6 апрелдаги 43-сонли йиғилиши ҳам ўтказилгани, барча таълим муассасаларида мазкур ташаббуслар юзасидан мақсадли чора-тадбирлар амалга оширилаётгани тўғрисида маълумотлар бердилар ҳамда 5 муҳим ташаббус бўйича белгиалнган ишларни барча таълим муассасаларида давом эттириш борасида кўрсатмалар бердилар.Шундан кейин таълим муассасалари ўқувчиларининг 5 муҳим ташаббус кетма-кетлигини ёритиб берувчи куй-қўшиқ ва рақслари, спорт-соғломлаштириш машқлари, саҳна кўринишлари ва маълум ютуқларни қўлга киритган ўқувчиларнинг чиқишлари тадбир иштирокчилари эътиборига ҳавола қилинди.
Тадбир учун тузилган дастурнинг иккинчи қисмида таълим муассасасида 5 муҳим ташаббус бўйича фаолият олиб бораётган тўгараклар фаолияти ва ўқув машғулотларининг иш жараёни кузатилди. Меҳмонлар тўгарак аъзолари билан жонли мулоқотга киришдилар ва жараёнларнинг бориши билан қизиқдилар.
Шунингдек, тадбирда китоб дўконларининг савдо ярмаркаси, ўқувчиларнинг ижод маҳсули, қўл меҳнати ва амалий санъат намуналаридан иборат кўргазмалар ҳам ташкил қилинди.
Кўргазмали амалий семинарда иштирокчилар таълим муассасаларида 5 муҳим ташаббусни амалга ошириш юзасидан ишларни ташкил қилишга оид зарурий маълумотларга эга бўлдилар.
Урганч шаҳар ҳокими Ш.Абдуллаевнинг навбатдаги сайёр қабули бўлиб ўтди.
Урганч шаҳар ҳокими Ш.Абдуллаев бугун Урганч автомобиль йўллари касб-ҳунар коллежи биносида 1-сектор ҳудудида яшовчи фуқаролар билан учрашди. Йиғилишда фуқароларни қийнаётган масалалар тингланиб, уларга атрофлича жавоб берилди. Аҳоли тамонидан тушган мурожаатлар ёзиб олинди ва ижросини таъминлаш бўйича топшириқлар берилди.
Урганч шаҳрида 160 иш ўрнига мўлжалланган замонавий "Урганч тикувчилик мажмуаси" масъулияти чекланган жамияти иш бошлади.
Мухтарам Президентимиз Мирзиёев Шавкат Миромонович ташаббуси билан Республикамизнинг барча ҳудудларида айниқса чекка-чекка қишлоқларда ахолини яшаш шароитини яхшилаш, обод ва кўркам уйларда яшаш учун қулай шароитлар яратиш мақсадида "Обод қишлоқ", "Обод маҳалла" давлат дастури доирасида кенг кўламли ишлар амалга оширилмоқда.
Жумладан, Урганч шаҳрининг чекка ҳудудларида ана шундай дастур доирасида қайта қуриш, ободонлаштириш ишлари амалга оширилмоқда.
Мана шундай эзгу ишлардан яна бири, Урганч шаҳридаги "Ашхабад" маҳалласи "Обод махалла” дастурига кўшимча ҳолда киритилиб, бугунги кунда аҳолига барча қулайликларга эга намунавий типдаги уйлар қуриб берилиб, янги хонадонларга кўчириш ишлари оҳирига етказилмоқда.
Муҳтарам Президентимиз томонидан хотин-қизлар бандлигини таъминлаш, уларнинг ижтимоий ахволини янада яхшилаш, улар учун қулай шарт-шароитлар яратиш борасида сайи-ҳаракатлар амалга оширилмоқда.
"Ашхабад" маҳалласидаги ишсиз хотин-қизлар, коллеж битирувчи қизларини иш билан таъминлаш мақсадида Урганч шаҳрида 120 ўринга мўлжалланган "Урганч тикувчилик мажмуаси" масъулияти чекланган жамияти ташкил қилиниб, бандлиги таъминланмаган хотин-қизлар ҳам иш билан таъминланди. Масъулияти чекланган жамиятга чет-элдан келтирилган 120 та замонавий энг сўнги русумдаги тикиш ускуналари ўрнатилиши натижасида 160 та янги иш ўринлари яратилди. Келгусида ушбу мажмуада тайёрланган маҳсулотларни бошқа давлатларга экпорт қилиш режалаштирилган.
Масъулияти чекланган жамият ҳодимлари учун зарур бўлган барча қулайликлар яратиш мақсадида бир йўла 40 нафар ҳодим овқатланиш шароитига эга ошхона, 3 маҳал бепул овқат, алоҳида ювиниш хоналари, ҳодимларнинг ишга келиб кетишлари учун автобус қатнови йўлга қўйилди.
Шунингдек, ишга қабул қилинган хотин-қизларга янги кўчиб ўтган хонадонлари учун тўловларини шу мажмуада ишлаб оладиган ойлик маоши орқали тўлаш имконияти яратилди.
Урганч шаҳар ҳокими 22-сон «Истиқлол» маҳалла аҳолиси билан учрашди
Урганч шаҳар ҳокими Ш.Абдуллаев 2019 йил 18 апрель куни Урганч ахборот технологиялари касб-ҳунар коллежи биносида 22-сон «Истиқлол» маҳалла аҳоли билан учрашиб, амалга оширилаётган ишлар ва бу борада мавжуд муаммоларнинг ижобий ечими юзасидан сухбатлашди. Йиғилишда фуқароларни қийнаётган масалалар тингланиб, уларга атрофлича жавоб берилди. Аҳоли тамонидан тушган мурожаатлар ёзиб олинди, Урганч шаҳар ҳокимининг кўрсатмаларига биноан 3-5 кун муддатда ижросини таъминлаш бўйича топшириқлар берилди.
