ЎЗБ / O'ZB / РУС / ENG                 Махсус имкониятлар

Новости

Урганч шаҳар ҳокими 3-сон «Маърифатчи» маҳалласи ахолиси билан учрашди

Урганч шаҳар ҳокими Ш.Абдуллаев 3-сон «Маърифатчи» маҳалла ахолиси билан учрашиб, уларнинг муаммоларининг ечими бўйича тегишли идора ташкилот раҳбарларига топшириклар берди.

Сана: 26.01.2019 08:23
0
2 949

Аҳолига арзон нарҳда кўчма савдо ярмаркаси ташкил қилинди

Бугун Урганч шаҳрининг 14-сонли маҳалла аҳолисига 5 тонна Хонқа уни, 7,5 тонна Урганч уни ва истимол учун зарур озиқ-овқат маҳсулотлари арзон нарҳда кўчма савдо ярмаркаси ташкил қилинди.


Сана: 26.01.2019 07:01
0
1 412

Ижтимоий мухофазага мухтож оилаларга совғалар топширилди

Урганч шахридаги "Феруз" маҳалласида яшовчи ижтимоий мухофазага мухтож бўлган эхтиёжманд 3 та оилага шаҳар ҳокимлиги томонидан моддий ёрдам сифатида совғалар топширилди.



Сана: 26.01.2019 06:34
0
1 218

Ал-Хоразмий мажмуаси

Мазкур мажмуа рамзий мақбара ва боғдан иборат. Мажмуа Ўзбекистон Республикасининг биринчи президенти Ислом Каримовнинг ташаббуси билан 2000 йилда Урганч шаҳрининг Ал-Хоразмий кўчасида бунёд этилган. Урганч Халқаро аэропортидан тушган меҳмонларнинг нигоҳи дастлаб Ал-Хоразмий кўчасининг икки томонида жойлашган Ал-Хоразмий ва Ал-Беруний меъморий мажмуаларига тушади.
Хоразм воҳасида дунё илмига катта ҳисса қўшган Ал-Хоразмий, Ал-Беруний, Аз-Замахшарий, Жалоладдин Мангуберди, Пахлавон Маҳмуд, Огаҳий сингари буюк алломалар таваллуд топган. Абу Абдуллоҳ Муҳаммад ибн Мусо ал-Хоразмий 783-850 йилларда яшаб ўтган буюк мутафаккирдир.
Ал-Хоразмий “Ал-жабр вал мукобала” асарини яратиб, алгебра фанига асос солган. Хоразмийнинг асарлари ҳозирги кунгача дунёнинг кўплаб тилларига таржима қилиниб келинмоқда.
Ал-Хоразмий меъморий мажмуаси ўрта аср қурилиш аънаналари асосида бунёд этилган. Мажмуа икки меъморий қисмдан иборат: биринчи қисмида кириш қисми – ўзига хос дарвоза ва рамзий мақбара. Кириш қисмида йўлакнинг икки четида айвон ва иккита хона жойлашган.
Рамзий мақбара гумбаз билан бостирилган, мовий кошинлар қопланган. Пештоққа ёзув ва нақшлар ишланган, ўймакори эшик ўрнатилган.
Ал-Хоразмий меъморий мажмуасида мевали боғ ва Ал-Хоразмий музей экспозицияси ташкил этилган. Мажмуа 2018 йил март, апрел ойларида қайтадан таъмирланган.

Беруний мажмуаси

Беруний меъморий мажмуаси 2000 йилда Ўзбекистоннинг биринчи Президенти Ислом Каримов ташаббуси билан ташкил этилган. Музей мажмуаси 20 гектар боғдан иборат.
Беруний меъморий мажмуаси Урганч Халқаро аэропорти яқинида Ал-Хоразмий мажмуаси рўпарасида бунёд этилган. Мажмуа дарвоза ва рамзий мақбарадан иборат. Мақбара Хоразмшоҳлар даври меъморий услубида гумбазли қилиб барпо қилинган. Гумбаз ва пештоқ кошин билан қопланган. Мақбарага пештоқ остидаги ўймакор эшикдан кирилади.
Абу Райҳон Беруний (973-1048) Берунийнинг 70 та астрономия, 20 та математика, 4 та картография, 3 та метерология, 3 та минералогия, 1 та физика, 1 та фармокология, 15 та тарих ва этнография, 4 та фалсафа. 18 та адабиётга доир асарлари ҳозирги кунгача хорижда қайта-қайта нашр этиб келинмоқда. 154 та асар ёзган улуғ қомусий олим география фанини ривожлантириб, ўзининг “ денгизлар назарияси” ни яратди. Беруний дунёда биринчи бўлиб сферик география тасвирини-Ер глобусини яратди. Ўрта Осиё халқларининг географик жойлашуви, Болтиқбўйи ва Шимолий Муз океанига яқин мамлакатлар ва халқлар ҳақида ишончли маълумотлар тўплади.Биринчи бўлиб Ер шарининг тузилмавий харитасини яратди.
Беруний 1004 йилда Хоразмшоҳ Абул Аббос Маъмун ибн Маъмун саройига келган ва унинг раҳбари сифатида ўз даври илм-фани ривожига катта ҳисса қўшган. 1017 йил Маҳмуд Ғазнавий Хоразмни истило қилиб, маҳаллий олимлар, жумладан Берунийни ҳам Ғазнага олиб кетган .1048 йили Беруний Ғазнада вафот этган.
Хоразмликлар Берунийга ҳурмат рамзи сифатида боғ ва меъморий мажмуа барпо этишган. Меъмориал мажмуада Беруний ҳаёти ва фаолияти ҳақидаги экспозиция ҳам мавжуд.

Маъмун академияси ва алломалар хиёбони

Алломалар хиёбони 2005-2006 йилларда Хоразм Маъмун академиясининг 1000 йиллиги юбилейи муносабати билан Хива шаҳри марказида бунёд этилган. Хиёбон 2 гектар боғни ўзи ичига олади, марказини чироқлар, ўриндиқлар, фавворалар ва бири-биридан чиройли гуллар безаб туради.
Хиёбон Хоразм Маъмун академияси рўпарасида бунёд қилинган. Ғарб томонида Хивадаги Қўша дарвоза тарихий ёдгорлиги, шимолида УрДУ қошидаги 4-сон академик лицей, шарқида Ўзбекистон Миллий банкининг Хива туман бўлими жойлашган. Шунингдек, хиёбоннинг икки томонида учта замонавий меҳмонхона ( “Бек тур”,“Хоразм Малика” ва “Собир арқончи”), яқин-атрофда Хива педагогика коллежи, 55- сон мактаб, хотира боғи, ресторан, миллий чойхоналар мавжуд.
Маълумки,1004 йили Гурганжда Хоразмшоҳ Абу Ҳасан Али ибн Маъмун томонидан ташкил қилинган “Дорил ҳикма” дунёдаги дастлабки академиялардан бири эди. Маъмуннинг Шарқдаги энг кўзга кўринган Беруний, Ибн Сино, Ибн Ироқ, МасиҳийАбул Ҳаммор,Мушфив,Ас.Саолибий,Ибн Мисковайх,Ан-Найсабурий каби юзлаб алломаларни Гурганжга тўплаб, уларга илму фан билан шуғулланишлари учун яратиб берган шароити туфайли, дунё илму фан намоёндалари сафи янада кенгайди.
Астрономия,математика, геофизика, тарих, фалсафа, табобат бўйича Беруний,Абу Наср,Жавҳарий,Ибн Сино каби алломаларнинг олиб борган тадқиқотлари боис, дунё илму фани хазинаси янада бойиб, такомиллашгани дунёда эътироф этилган.
1997 йил 20 октябрда Хива шаҳрининг 2500 йиллиги нишонланган қутлуғ санадан бир ой ўтиб,ноябр ойида Ўзбекистон Республикасининг биринчи президенти Ислом Каримов фармонига кўра, Хоразм Маъмун академияси қайтадан Хивада ташкил қилинганди. Академия қошида хўжалик ҳисобида фаолият юритувчи “Доривор ўсимликлар боғи”, “Плонта” илмий ишлаб чиқариш маркази ва Хива туман ёш табиатшунослар ижодий маркази негизида “Кичик Академия” ташкил қилинди.
Хоразм Маъмун Академиясининг ташкил этилиши ва шаклланишида академик Азимбой Саъдуллаев бошчилигидаги А.Абдурасулов, З.Дўсимов, Ў.Муҳаммадиев, Г.Машарипова, С.Рўзимбоев, М.Абдулҳаким, Ҳ.Юсупов каби олимларнинг ўрни катта бўлган.

Улли Ҳовли

“Улли ҳовли” Урганч туманининг Ғойбу қишлоғида жойлашган бўлиб, маҳалла “Олауйлик” деб аталади. Ғойбу қишлоғига туркман уруғлари Хива хони Абулғозихон (1603-1664) даврида илк бор кўчиб келишган.Кейинчалик уларнинг сони кўпайиб алоҳида маҳалла-Уллиҳовли ташкил қилинган.
Улли ҳовли мажмуаси 2017 йил давомида ва 2018 йил 25 апрелгача бўлган муддатда қайта таъмирланди ва “Туркман –ўзбек дўстлик уйи”, унинг олдида Махтумқули ҳайкали бунёд қилинди.
Ҳозирги даврга келиб Улли ҳовлининг сақланиб қолган катта-кичик хоналари сони – 35 та. Таъмирланишдан сўнг мажмуа ховлисида 2 та тандир ўрнатилиб ташриф буюрган меҳмонлар учун маҳорат дарслари ташкил қилишга имкон яратилди. Мажмуада туркман миллий таомлари тайёрланадиган 40 ўринли ресторан ташкил қилинди. Ташкил этилган ҳунармандлар хоналарида туркман миллий мажмуасига 5 та ўтов уйлари, қадимий ўйма устун ва тошлар, 4 та қадимий от араваси, 50 хилдан ортиқ хар хил қадимий сопол хумлар, 100 хилдан ортиқ кулолчилик маҳсулотлари, эски хуржин, от эгари, қадимий туркман гиламлари, қадимий саватлар, мис хумча ва қумғонлар ва бошқа унсурлардан экспозиция яратилди. Мажмуанинг 2 та хонасида ҳамда қадимий туркман миллий урф-одатлари акс этган фото ва суратлар галереяси, кутубхона ташкил қилинди. Бундан ташқари мажмуанинг йўлаклари хумлар, деворлари қадимий туркман гиламлари ва осори атиқалар билан безатилди.
Таъмирланишдан кейин Уллиҳовлига сайёҳларнинг келиши учун зарур шароит ва имкониятлар яратилди. 2018 йил 25 апрел куни Ўзбекистон президенти Ш.Мирзиёев ва Туркманистон президенти Г.Бердимуҳаммедовлар Хоразмга ташрифи давомида Уллиҳовлига ҳам келиб, Дўстлик уйининг очилишида иштирок қилишди ва қаъла билан танишдилар.Ҳозирда Уллиҳовли сайёҳлик йўналишига киритилган диққатга сазовор манзиллардан биридир.

Комилжон Отаниёзов номли ижодиёт маркази

Комилжон Отаниёзов номидаги ижодиёт маркази Урганч туманининг Шовот анҳори бўйига яқин ҳудудда, 2017 йилда барпо этилган.
Комилжон Отаниёзов нафақат Ўзбекистон ва Ўрта Осиё республикаларига, балки Туркия,Ҳиндистон, Покистон,Афғонистон ,Шри-Лашка каби шарқ давлатларига ҳам таниқли ҳофиз сифатида машҳур. У 1917 йил ноябр ойида Шовот туманида туғилганди.Комилжоннинг отаси Отаниёз охун Хива мадрасаларида мударрис сифатида дарс берган,шунингдек хаттот ,шоир бўлиб элга танилган ижодкор бўлган.
Комилжон ана шундай етук инсон оиласида таваллуд топгани боис ёшлигидан илмга, адабиёт ва санъатга ихлос руҳида вояга етади. 1934-36 йилларда Шовот, 1936-40 йилларда Гурлан, 1940-46 йилларда Хива театрларида ,кейинчалик эса Тошкентдаги “Лазги”, Туркманистоннинг Тошҳовуз вилоятидаги “Хоразм” ашула ва рақс ансамблларида фаолият кўрсатади.
Унинг ўзбек мумтоз ва халқ достонлари асосида ижро қилган қўшиқлари, лирик куй ва ашулалари Комилжон Отаниёзов номини ғоятда машҳур қилиб юборган. У собиқ иттифоқнинг барча республикаларида,кўплаб шарқ давлатларида гастрол концерт дастурларини ижро қилиб,ўзбек санъатининг дунёга танилишига ўзининг катта ҳиссасини қўшган.
Ана шу хизматлари учун Комилжон Отаниёзовга Ўзбекистон, Қорақалпоғистон ва Туркманистон халқ артисти унвони берилганди. Дунёга таниқли ана шундай санъаткор ўзидан боқий мерос қолдириб 1975 йил ноябрида вафот этган.
Мустақилликдан кейин Комилжон Отаниёзовнинг хизматлари муносиб баҳоланиб, “Буюк хизматлари учун” ордени билан тақдирланди.Шунингдек, Ўзбекистон республикаси президенти Ш.Мирзиёевнинг фармонига кўра,2017 йил 20 июнда Комилжон Отаниёзовнинг 100 йиллик таваллуд санаси Урганч шаҳрида катта тантана сифатида нишонланди.Тадбирга Ўрта Осиё давлатларидан кўплаб меҳмонлар ташриф буюрди.
Бўлиб ўтган тадбирлар доирасида Урганч туманида Комилжон Отаниёзов номли ижодиёт маркази биноси тантанали равишда очилди.Бино олдига Ўзбекистон санъат арбоби Отахон Оллаберганов томонидан яратилган буюк ҳофизнинг бюести ўрнатилди.
Марказда Комилжон Отаниёзов ҳаёти ва ижодини акс этдирувчи кўплаб экспонатлар мавжуд.

Дошқинжон бобо мажмуаси

Мажмуанинг тарихий ўрнида дастлаб қабристон бўлиб, мақбара VII-VIII асрларда Хоразм воҳасига ислом динини тарқатиш мақсадида келиб қолган араб лашкарбошиси Сайид ибн Абу Ваққос номи билан боғланади. (ушбу номдаги қабристонлар   Хоразм вилоятининг  Ҳазорасп ва Қорақалпоғистоннинг  Хўжайли  туманларида  ҳам  мавжуд).
Лашкарбоши  Саййид ибн Абу Ваққос  ислом  дини ғоясини тарғиб қилиб, воҳада жанглар олиб боради. Урушда бошқа жангчилар қатори лашкарбошининг ўзи ҳам ҳалок бўлади ва ушбу қабристонга дафн қилинади. Амударёнинг ҳар йили икки марта ўз ўзанидан чиқиб тошиши ва айнан ушбу қабристон    ҳудудига етиб келганда дарё суви сатҳининг пасайиб қайтиб кетишини кузатган аҳоли Дошқин қайтарувчи  авлиё, яъни Тошқин бобо деб атай бошлаганлар.
1973 йил 21 декабрда обида давлат муҳофазасига олингандан кейин Дошқинжон бобо мақбараси тубдан қайта тикланиб асл ҳолига келтирилди.
Ўзбекистон Республикаси мустақилликка эришгандан сўнг масжид биноси таъмирланиб, атрофи ободонлаштирилди.

Имтиёзли уй-жойлар

Ўзбекистон Республикаси Президентининг “2017-2020 йилларда шаҳарларда арзон кўп квартирали уйларни қуриш ва реконструкция қилиш дастурини амалга ошириш чора-тадбирлари тўғрисида”ги 2016 йил 22 ноябрдаги ПҚ-2660 сонли ва Ўзбекистон Республикаси Президентининг 2017 йил 23 октябрдаги “2017-2020 йилларда, шаҳарларда арзон кўп квартирали уйларни қуриш ва реконструкция қилиш дастурини самарали амалга ошириш борасидаги қўшимча чора-тадбирлар тўғрисида”ги ПҚ-3350-сонли ҳамда “2018 йилда шаҳарларда арзон кўп квартирали уйлар қурилиш дастурларни амалга ошириш механизимларини такомиллаштиришга доир қўшимча чора-тадбирлар тўғрисида”ги ПҚ-3863-сонли қарорлари ижросини таъминлаш, Ўзбекистон Республикаси Вазирлар Маҳкамасининг 2017 йил 16 январдаги 14-сонли қарори билан тасдиқланган “Низом” талабларига асосан уй-жой олиш бўйича қуйидаги:

1) Ариза: (аризани нусхаси)
2) Қарз олувчининг (биргаликда қарз олувчиларнинг (кафиллари 1-2-та) молиявий холатини тасдиқлайдиган хужжатлар;
3) ариза берувчининг ушбу Низомнинг 38-банди талабларига мувофиқлигини тасдиқлайдиган хужжатлар яъни:
а) ўз уй-жойининг йўқлиги ва ижара (аренда), бепул фойдаланиш шартларида турар жойда ёки эскирган уйларда яшаш (Ер тузиш ва кўчмас мулк кадастридан маълумотномаси);
б) бир уйда (бир квартирада) бошқа оила ёки бошқа оилалар билан биргаликда яшаш; (Махалла фуқаролар йиғинидан тавсияномаси (уй-жойга мухтожли ёки кам таъминланганлиги ҳақида));
в) кўп болали оила;
г) она (ота)нинг тўлиқ бўлмаган оилада болани (болаларни) тарбиялаши;
д) ариза берувчиниг оила аъзолари орасида сурункали касалликнинг оғир турларидан азоб чекувчи алоҳида хонада яшашга мухтож бўлган шахсларнинг мавжудлиги;
е) оила таркибида биринчи гурух ногирони мавжудлиги;
ж) турар жой майдонининг қонун хужжатларида назарда тутилган турар жой майдонининг ижтимоий нормасига мувофиқ эмаслиги тўғрисидаги 

тегишли хужжатларни тўплаб қурилиши режалаштирилган кўп қаватли турар жойлардан уй-жой ажратилиши учун шаҳар хокимлиги хузуридаги махсус комиссияга тақдим қилишингиз кераклигини маълум қилади.


Ўзбекистон Республикаси Вазирлар Маҳкамасининг 16 январ 2017 йилдаги №14-сонли қарори ва вилоят хокимнинг 20 январ 2017 йилдаги № 27 – сонли қарори ҳамда бу юзадан шаҳар хокимининг 26 январ 2017 йилдаги 165-сонли қарорларига асосан қурилиши режалаштирилган кўп қаватли турар жойлар наҳрлари (01.01.2019 ҳолатига)

1-хонали квартира. Ум.майдони 28 м2, умумий нархи 78,132 млн.сўм 
1-хонали квартирани 1-қавати – олдиндан 35% тўланади – 27,346 млн.сўм
1-хонали квартирани 2-қавати – олдиндан 40% тўланади – 31,253 млн.сўм
1-хонали квартирани 3-қавати – олдиндан 30% тўланади – 23,440 млн.сўм
1-хонали квартирани 4-қавати – олдиндан 25% тўланади – 19,533 млн.сўм
1-хонали квартирани 5-қавати – олдиндан 20% тўланади – 15,626 млн.сўм

2-хонали квартира. Ум.майдони 50,2 м2, умумий нархи 142,627 млн.сўм 
2-хонали квартирани 1-қавати – олдиндан 35% тўланади – 49,919 млн.сўм
2-хонали квартирани 2-қавати – олдиндан 40% тўланади – 57,051 млн.сўм
2-хонали квартирани 3-қавати – олдиндан 30% тўланади – 42,788 млн.сўм
2-хонали квартирани 4-қавати – олдиндан 25% тўланади – 35,657 млн.сўм
2-хонали квартирани 5-қавати – олдиндан 20% тўланади – 28,525 млн.сўм

3-хонали квартира. Ум.майдони 63,9 м2, умумий нархи 181,551 млн.сўм 
3-хонали квартирани 1-қавати – олдиндан 35% тўланади – 63,543 млн.сўм
3-хонали квартирани 2-қавати – олдиндан 40% тўланади – 72,626 млн.сўм
3-хонали квартирани 3-қавати – олдиндан 30% тўланади – 54,465 млн.сўм
3-хонали квартирани 4-қавати – олдиндан 25% тўланади – 45,388 млн.сўм
3-хонали квартирани 5-қавати – олдиндан 20% тўланади – 36,310 млн.сўм




Ўзбекистон Республикаси Вазирлар Маҳкамасининг 16 январ 2017 йилдаги №14-сонли қарори ва вилоят хокимнинг 20 январ 2017 йилдаги № 27 – сонли қарори ҳамда бу юзадан шаҳар хокимининг 26 январ 2017 йилдаги 165-сонли қарорларига асосан
шаҳар худудий комиссия таркиби

Урганч шаҳар хокимининг биринчи ўринбосари
-комиссия раисининг ўринбосари
А.Ахмедов
Хоразм вилояти Адлия бошқармаси инсон
хуқуқларини ҳимоя қилиш бўлими бош маслахатчиси
Т.Алламов
Урганч шаҳар ИИБ бошлиғиИ.Таджимуратов
“Ипотека банк” АТИБ Хоразм вилоят филиали бошқарувчиси ўринбосариХ.Нодирметов
Урганч шаҳар ер тузиш ва кўчмас мулк давлат кадастри корхонаси бошлиғиТ.Абдримов
Урганч шаҳар хокимлиги хотин-қизлар қўмитаси бош мутахассисиЗ.Салаева
Маҳалла жамоат фонди Урганч шаҳар Кенгаши раисининг биринчи ўринбосариС.Нуриев
Урганч шаҳар Бандликка кўмаклашиш маркази бошлиғиЛ.Рузметов
Урганч шаҳар Архитектура ва қурилиш БХЯТ уй-жой
қурилишини мувофиқлаштириш, назорат қилиш ва мониторинг
ўтказиш бўлими бошлиғи
У. Мадрахимов
Ўзбекистон “Ёшлар иттфоқи” Урганч шаҳар кенгаши раисиН. Матяқубов
“Асака”банк Хоразм вилояти филиали ходимиБ.Жуманиязов
“Ўзсаноатқурилиш банк” Хоразм вилояти филиали ходимиБ.Атаджанов
Урганч шаҳар хокимлигининг умумий бўлими мудири – комиссия котибиМ.Хажиев

Мурожаат учун: +99862 228-67-44

Тепага чиқиш