Новости
Ҳоким қабулида...
Бугун Урганч ахборот технологиялари касб-ҳунар коллежида Урганч шаҳар ҳокими Ш.Абдуллаевнинг навбатдаги сайёр қабули бўлиб ўтди.
Қабулда шаҳар аҳолиси томонидан моддий ёрдам, ишга жойлашиш, банк-молия, соғлиқни сақлашнинг турли соҳаларга оид масалалар мурожатларнинг асосий қисмини ташкил қилди. Аҳоли мурожаатлари аксарияти жойида ҳал этилди. Муддат талаб этиладиган масалалар қатъий назоратга олинди.
Қабулда шаҳар аҳолиси томонидан моддий ёрдам, ишга жойлашиш, банк-молия, соғлиқни сақлашнинг турли соҳаларга оид масалалар мурожатларнинг асосий қисмини ташкил қилди. Аҳоли мурожаатлари аксарияти жойида ҳал этилди. Муддат талаб этиладиган масалалар қатъий назоратга олинди.
Шунингдек сайёр қабулда “Маърифатчи” маҳалласида яшовчи I гуруҳ ногирони Матжанов Жасурбекга 1.820.000 сўмлик ногиронлик араваси тақдим қилинди.
“ - Анча вақтдан буён, фарзандимга ногиронлик араваси олиш муаммо бўлаётганди. Мана бугун ҳоким қабулида муамомиз бир зумда ҳал қилинди.” - дейди Марксова Гулчехра.
Аҳоли муаммоларини ўрганиш, таклифларини эшитиш бугунги кун талаби. Бундай сайёр қабуллар шаҳримиз бўйлаб давом этади.
Урганч шаҳрида Асал байрами ўтказилмоқда
Асал ажойиб неъмат эканини барчамиз биламиз. Унинг дастурхонимизга келгунча босиб ўтган йўли сиз азизларни қизиқтирса керак, деб ўйлаймиз.
Мамалакатимизда бир неча йиллардан буён “Асал” байрамлари ташкил қилиниб келинмоқда.
Бу йилги “Асал” байрами Урганч шаҳрида ҳам ўзгача ўтмоқда. Вилоятимизнинг барча асаларичилик билан шуғилланувчи фермерлари ўзларининг маҳсулотлари билан Урганч марказий деҳқон бозорида ташкил қилинган савдо кўргазмаларида иштирок қилишмоқда.
Урганч шаҳар ҳокими Шухрат Абдуллаев ушбу “Асал” байрамида иштирок этди. Шунингдек, мунтазам назоратида бўлган бозордаги нарх-навони ўрганди. Янада аҳолига арзон, сифатли маҳсулотларни этказиш ҳамда хизмат кўрсатиш бўйича таклифларини берди.
“Асал” байрами 30 ноябргача давом этади.
Барчангизни ушбу байрамга таклиф қиламиз!
Барчангизни ушбу байрамга таклиф қиламиз!
Урганч шаҳар ҳокими Шухрат Абдуллаев тадбиркорлар билан очиқ мулоқот ўтказди.
“Ишбилармон, мардлик ва шижоат соҳиби, азми қатъий, тадбиркор ва ҳушёр бир киши минг-минглаб тадбирсиз, лоқайд кишилардан яхшидир”
Амир Темур
Кейинги йилларда республикада тадбиркорликни ривожлантириш, инвестицияларни жалб қилиш ва бизнесни юритиш учун қулай муҳит яратиш, тадбиркорларнинг қонуний манфаатларини ҳимоя қилишнинг ҳуқуқий кафолатларини мустаҳкамлаш соҳасида кенг кўламли ишлар амалга оширилмоқда.
Амалий ишлар давоми сифатида 2019 йил 20 ноябрда Урганч шаҳар ҳокими Шухрат Абдуллаевнинг Урганч шаҳридаги кўплаб тадбиркорлар, бизнес вакиллари билан очиқ мулоқот ўтказди. Унда соҳа вакиллари, ёшлар, масъул ҳодимлар ҳамда ОАВ ҳодимлари иштирок этди.
Тадбирда Урганч шаҳар ҳокими Шухрат Абдуллаев сўзга чиқиб тадбиркорларга ўз мурожаатини йўллади.
Урганч шаҳридаги бугунги кундаги тадбиркорлик муҳити ҳақида фикрлар билдириб ўтди. Учрашувда тадбиркорларни қийнаётган муаммолар, ўз бизнеси, тадбиркорлигини бошламоқчи бўлган ёшлар дуч келаётган масалалар ҳам ўрганилди.
Жамиятимиз тадбиркор, ишбилармон кишиларни қўллаб-қувватлашга тайёр.
УРГАНЧ ШАҲАР ҲОКИМИ ШУХРАТ АБДУЛЛАЕВНИНГ ШАҲАР ТАДБИРКОРЛАРИГА МУРОЖААТИ
Азиз элдошлар!
Ҳурматли тадбиркорлар!
Урганч шаҳри – мамлакатимизнинг кўп минг йиллик тарихига эга бўлган ва дунёга кўплаб буюк аллома ва олимларни етиштириб чиқарган Хоразм элининг марказидир. Шу билан бирга, ҳозирги кунда замон билан ҳамнафас ривожланиб бораётган, ҳар бир маҳаллада қурилиш, ободонлаштириш ва бунёдкорлик ишлари олиб борилаётган ва кундан кунга ривожланиб бораётган шаҳардир.
Ҳозирги кунда шаҳримизда 5 мингдан ортиқ тадбиркорлик субъектлари фаолият юритиб, айнан шу йилнинг ўзида 700 дан ортиқ тадбиркорлик субъектлари ташкил қилинди. Бунда эътиборли жиҳати шундаки, жорий йил бошида 23 та чет эл капитали иштирокидаги корхоналар фаолият кўрсатаётган бўлса, январь-октябрь ойларида янгидан 17 та чет эл капитали иштирокидаги корхоналар ташкил қилиниб, уларнинг сони жами 35 тага етди. Жорий йилнинг ўтган даври давомида чет эл капитали иштирокидаги корхоналар ҳисобига шаҳар иқтисодиётига 17,0 млн. АҚШ доллари миқдорида тўғридан тўғри чет эл инвестициялари жалб қилинди. Шаҳримизда фаолият юритаётган тадбиркорлик субъектлари томонидан 7,7 млн. АҚШ доллари миқдорида саноат ва қишлоқ хўжалик маҳсулотлари экспорт қилинди.
Аҳолини бандлигини таъминлаш ва оилавий тадбикорликни ривожлантиришга қаратилган ижтимоий дастурлар доирасида тижорат банклари томонидан 2019 йилнинг ўтган даври мобайнида жами 1363 та субъектга 37,7 млрд.сўм имтиёзли кредит маблағлари ажратилиб, 1324 нафар ишсиз аҳолининг бандлиги таъминланди.
Жумладан, “Ҳар бир оила – тадбиркор” дастури доирасида
1238 та субъектга 29 млрд 400 млн.сўм,
“Ҳунармандликни ривожлантириш” дастури доирасида
26 та субъектга 800,0 млн.сўм,
Бандликка кўмаклашиш жамғармасидан 18 та субъектга 700,0 млн.сўм,
Хотин-қизларни ва оилани қўллаб-қувватлаш дастури доирасида
76 та субъектга 3 млрд. 300 млн.сўм,
“Ёшлар келажагимиз” дастури доирасида 5 та субъектга
3 млрд 400 млн.сўм имтиёзли кредит маблағлари ажратилди.
Келгуси 2020 йилда Ўзбекистон Республикаси Президентининг 2019 йил 24 октябрдаги “Оилавий тадбиркорликни ривожлантириш давлат дастурлари доирасида амалга оширилаётган лойиҳаларни кредитлаш тартибини такомиллаштиришнинг қўшимча чора-тадбирлари тўғрисида”ги ПҚ-4498-сонли қарорига асосан шаҳарда тадбиркорликни қўллаб қувватлаш дастурлари орқали 20,0 млрд.сўмдан зиёд имтиёзли кредит маблағлари ажратилиши режалаштирилди.
Тадбиркорлик фаолиятини юритиш учун 2020 йилда ҳам шаҳар бўйича ер участкалари “E-AUKSION” электрон савдоларига жойлаштирилиши кўзда тутилмоқда. Шу билан бирга, ҳозирда Урганч шаҳар Саноат ишлаб чиқариш ҳудудида биринчи босқичда 4 га майдонда барча коммуникация ва шароитларга эга бўладиган ТЕХНО ПАРК қурилиши жадал олиб борилмоқда. Мазкур мажмуани лойиҳаларни амалга ошириш истаги бўлган тадбиркорларга имтиёзли шартлар асосида берилиши кўзда тутилмокда. Ушбу объект қуриб битказилиши натижасида мажмуада 10 дан ортиқ ишлаб чиқариш қувватлари ва 1000 дан ортиқ янги ишчи ўринлари очилиши режалаштирилган.
Бугунги кунда шаҳарнинг 2020-2022 йилларга мўлжалланган 3 йиллик инвестиция дастури шакиллантирилди, ушбу дастурга умумий қимати
1,2 трлн сўм бўлган 193 та истиқболли лойиҳалар киритилди ва 2117 та янги иш ўринлари яратилиши белгилаб олинди..
Шунингдек, туризм соҳасини ривожлантириш, бу борада сайёҳлар учун янги туристик йўналишларни ва зарур инфратузилмани яратиш, ҳамда янги иншоотларни барпо этиш орқали хизмат сифатини оширишга алоҳида эътибор қаратилмоқда.
Албатта, биз бошқа йўналишлар бўйича ҳам ишларни давом эттирамиз. Шаҳариқтисодиётини янада ривожлантириш бўйича ҳали ишлатилмаган имкониятлармиз мавжуд.
Республикамиз Президенти Ш.М.Мирзиёев раҳбарлигида 2019 йил
7 ноябрь куни кенгайтирилган тарзда ўтказилган видеоселектор йиғилишида “Бундан буён тараққиёт ва фаровонликка фақатгина тадбиркорликни ривожлантириш ва қўллаб-қувватлаш орқали эришиш мумкин”, деган фикр илгари сурилди.
Қадрли тадбиркорлар!
Муҳтарам Юртбошимиз ташаббуслари билан жойларда Бош вазир қабулхоналарининг ташкил этилгани, ушбу имконият натижасида, Сиз тадбиркорларнинг ҳар бир муаммонгиз ижобий ечим топилаётганини алоҳида эътироф этиш лозим.
Урганч шаҳрида фаолият кўрсатаётган тадбиркорлар томонидан Ўзбекистон Республикаси Бош вазирининг Тадбиркорлар мурожаатларини қабул қилиш қабулхоналари Урганч шаҳри бўлимига жорий йилнинг
1 ноябрь ҳолатига жами 354 та масалалар бўйича мурожаатлар қабул қилинди, уларнинг 336 таси (94,9%) кўриб чиқилди (ҳал этилган), қолган 18 таси (5,1%) вазирлик, идоралар ва ҳокимликлар томонидан кўриб чиқилмоқда.
Жами 354 та мурожаатларнинг 103 таси (29%) кредит (шундан, 103 таси кўриб чиқилди), 96 таси (27,1%) ер ажратиш (шундан, 88 таси кўриб чиқилди), 13 таси (3,6%) газ, электр, сув таъминоти (шундан, 13 таси кўриб чиқилди), 22 таси (6.2%) солиқ (шундан, 22 таси кўриб чиқилди), 9 таси (2,5%) рухсатнома, лицензиялар олиш (шундан, 9 таси кўриб чиқилди), 2 таси (0.5%) бино-иншоот ажратиш (шундан, 2 таси кўриб чиқилди) ва қолган 109 таси (30,7%) бошқа (шундан, 99 таси кўриб чиқилди) масалаларда келиб тушган.
Келиб тушган мурожаатларнинг бевосита Урганч шаҳар хокимяти билан боғлиқ 37 та мурожаатдан, шундан 33 таси ижобий ҳал этилган. Бугунги кунда 4 та мурожаат кўриб чиқиш жараёнида ва ижобий хал килиниши бўйича тегишли назоратга олинган.
Ушбу мурожаатларни изчил ўрганиш ва уларга самарали ечим топиш мақсадида жойларда тадбиркорларнинг жамоатчилик кенгашлари тузилди.
Ҳурматли тадбиркорлар!
“Тадбиркорларни қийнаётган асосий масалалар - ер ажратилишиши, ўз вақтида кийинчиликларсиз коммуникация тармоқларига уланиш ва кредит олиш масалаларидир.
Бундан буён ҳақиқий тадбиркор бўлиш истагида юрганларга ер ажратиш очиқ-ошкора равишда, барча учун тенг шароитлар яратган ҳолда, электрон аукцион орқали амалга оширилади.
Кредит бериш тизими ҳам соддалаштирилиб (вилоят, республика банклари ваколатларини шаҳардаги банкларга бериш орқали), ортиқча қоғозбозлик ва сарсонгарчиликларга барҳам берилади”.
Азиз ишбилармонлар!
Мен ва мен бошчилигимдаги барча раҳбарлар махаллаларга бориб, ишни қатъий тартиб-интизом, масъулият, ташаббускорлик ва фидойилик билан самарали ташкил қиламиз.
Юртбошимиз томонидан белгилаб берилган устувор йўналишлардан келиб чиққан ҳолда, шаҳарда саноат, хизмат кўрсатиш ва қишлоқ хўжалик маҳсулотларини қайта ишлаш ҳамда туризмни ривожлантириш борасидаги тадбиркорлик ташаббусларини қўллаб-қувватлаймиз. Тадбиркорларимиз томонидан амалга оширилаётган ва амалга оширилиши режалаштирилаётган барча йўналишдаги ҳар бир лойиҳа шахсий назоратимиз остида бўлади. Лойиҳани ишлаб чиқаришдан, то уни амалга оширишгача бўлган барча жараёнда бевосита кўмак бериш биринчи галдаги вазифамиздир.
Сизнинг лойиҳангиз – шаҳримизнинг келажаги ва аҳолимиз фаровонлигининг кафолатидир. Сиз туфайли шахарда ишсизлик кискаради, даромадлар ошади, оилаларимиз, аёлларимиз ва фарзандларимиз турмушидан миннатдор бўлиб ўз юртида халоват топади.
Шаҳардаги 4 та сектор раҳбарлари, барча бўғиндаги бошқарув ва назорат органлари тадбиркорликнинг ривожланишига халақит қилаётган тўсиқ ва ғовларни бартараф этиш ҳамда ҳар бир маҳаллада тадбиркорликни қўллаб-қувватлашнинг кафолатларини таъминлайди.
Бунда:
тадбиркорлик фаолиятига ортиқча аралашувларнинг олдини олиш, эндиликда давлат органлари билан муносабатлар текшириш эмас, балки Сизларга фақат ва фақат ёрдамлашиш нуқтаи назаридан қараймиз;
ҳар бир тадбиркорнинг мулки дахлсиз, ҳеч бир тадбиркордан турли сабабларни важ қилиб, унинг мулки тортиб олинмаслиги ёки бузилмаслиги кафолатланади ҳамда тадбиркорлар мол-мулки далхсизлиги таъминланади;
тадбиркорлар иштирокида турли мажлисбозликка чек қўйилади, маҳаллий ҳокимлик идоралари вазифаларини тадбиркорларга юклаш ва уларни ҳомийликка мажбурлаш амалиётига бутунлай барҳам берилади.
Ҳурматли тадбиркорлар!
Тадбиркорлик - инновацион ва замонавий ёндашувлар, илғор технология ва бошқарув усуллари асосида ташкил этиладиган иқтисодий йўналиш сифатида тараққиёт омилидир. Зеро, Буюк аллома элдошимиз Нажмиддин Кубро ҳазратлари “Муваффақиятни – саъй-ҳаракатда, муваффақиятсизликни эса – лоқайдлик ва дангасаликда кўрдим”, деб бежиз айтмаганлар.
Сизлар бугун нафақат ишлаб чиқарувчи, яратувчи, бизнес олами, балки фаол жамоатчилик вакилисиз. Сиз халқ билан бирга, халқ дарди ва қувончи билан яшайсиз. Шу боис тадбиркор билан янада жипслашиб ишлаш, уларнинг дарди-ҳолини эшитиш, муаммоларига тезда ечим топиш асосий вазифамиз бўлиб қолади.
Маҳаллаларда оммавий қабуллар бўлиб ўтмоқда.
Урганч шаҳар ҳокими Ш.Абдуллаев “Гулчилар”, "Маърифатчи", “Жинговуз”, “Гулшан” маҳаллаларида уйма-уй юриб, аҳоли яшаш тарзи, мавжуд муаммоларни ўрганиш, қуз-қиш мавсумига тайёргарлик ишлари билан танишиш мақсадида барча идора ташкилот масъуллари билан оммавий қабул ўтказди.
Бундан ташқари "Нихол" нодавлат таълим муассасасига ҳам ташриф буюриб, муассасанинг фаолиятини янада ривожлантиришга барча амалий ёрдамлар кўрсатилишини айтди.
Оммавий қабулда кўриб чиқилган масала ва муаммолар муҳокама қилиниб, уларнинг аксарияти қонунчилик талаблари асосида ҳал этилди. Қолган масалалар ечими бўйича чора-тадбирлар белгиланиб, ижроси назоратга олинди.
Маҳаллаларда аҳоли билан бундай оммавий қабуллар давом этмоқда.
Урганч шаҳрида “Сайлов-2019” олдидан семинар-тренинг машғулотлари бўлиб ўтмоқда.
Сайлов – овоз бериш орқали давлат органлари, маҳаллий ўзини ўзи бошқариш органлари ва бошқа тузилмаларни ташкил этиш воситаси. Фуқароларнинг ўз сайлов ҳуқуқини амалга ошириши – уларнинг давлатни бошқаришда иштирок этишининг энг муҳим шаклларидан бири.
2019 йил 22 декабрда юртимиз ҳаётида яна бир муҳим сиёсий воқеа, Халқ депутатлари туман-шаҳар, вилоятлар Кенгашлари, Ўзбекистон Республикаси Олий Мажлисига сайловлари бўлиб ўтади.
Ўзбекистон Республикаси Марказий сайлов комиссиясининг 2019 йил 23 июлдаги 926-сонли қарорига мувофиқ “Сайлов қонунчилиги ва сайловда замонавий ахборот технологияларининг қўлланиши” мавзусида босқичма- босқич сайлов комиссиялари аъзолигига номзодларни тизимли ўқитиш белгиланган.
Урганч шаҳридаги Ахборот ва компютер технологиялари касб-ҳунар коллежида жорий йилнинг 4-26 ноябрида округ ва участка сайлов комиссиялари аъзоларининг сайловларга тайёргарлик кўриш ва ўтказиш бўйича билим ва амалий кўникмаларни ошириш ҳамда сайлов округ ва участкалари биносини сайловга тайёргарлигини таъминлаш мақсадида тингловчиларга семинар-тренинглар бўлиб ўтмоқда.
Тингловчиларга семинарни вилоят Сайлов комиссияси томонидан тайинланган малакали ўқитувчилар 4 гуруҳга бўлиб ўтмоқда. Семинар давомида Урганч шаҳридан 1000 нафарга яқин тингловчиларни ўқитиш белгиланган.
Ушбу семинар Урганч шаҳар ҳокимлиги томонидан барча шароитлар, жумладан, ҳар бир аудитория учун моддий-техника таъминоти, иштирокчилар учун тарқатма материаллар, ҳамда 2 маҳал кофе- брейк ва тушликлар билан таъминланмоқда.
Бу йилги сайловларга жуда катта тайёргарликлар кўрилмоқда. Ўйлаймизки ушбу сиёсий жараёнда ҳар бир юртдошларимиз фаол иштирок этишади.
Урганч шаҳар ҳокимининг навбатдаги сайёр қабули бўлиб ўтди.
Бугун Урганч автомобил йўллар касб-ҳунар коллежида Урганч шаҳар ҳокими Ш.Абдуллаевнинг навбатдаги сайёр қабули бўлиб ўтди. Қабулда шаҳар аҳолисининг 51 та мурожаатлари бирма-бир тингланди.
Билдирилган мурожаатлар аҳоли бандлигини таъминлаш, тадбиркорликни ривожлантириш, уй-жой ва аҳоли турмуш тарзи билан боғлиқ бир қатор масалаларни бартараф этиш юзасидан тегишли масъулларга бириктирилиб, шаҳар ҳокимлиги томонидан назоратга олинди.
Жойларда аҳоли билан бундай сайёр қабуллар давом этади.
Туркиялик инвестор билан учрашув.
Мамлакатимизда инвестиция муҳити яхшилангани натижасида иқтисодиёт тармоқлари ва ҳудудларга тўғридан-тўғри сармоялар фаол кириб келмоқда. Инвесторларнинг катта қисми қишлоқ ва шаҳарларда арзон уй-жойлар ва бошқа ижтимоий объектлар қуриш ишларига сармоя киритишга қизиқмоқда десак хато бўлмайди.
Куни кеча Урганч шаҳар ҳокими Шухрат Абдуллаев “O’zshaharsozlik LITI” DUK бош архитекторлари Гулшоира Магамедова ва Шодиёр Шоназаровлар ҳамда Туркиялик инвестор “iKSA Engineering” бош директори Оsman Aydogdu билан учрашди. Учрашувда Урганч шаҳридаги И.Каримов кўчасидаги қурилиш лойиҳалари ҳамда Хива шаҳридаги қурилиш ишлари тақдимоти бўлди. Ундан сўнг “O’zshaharsozlik LITI” DUK бош архитекторлари ва Туркиялик инвестор “iKSA Engineering” бош директори Оsman Aydogdu қурилиш ишлари амалга оширилаётган жойларни бориб кўрдилар. Қурилиш ишлари бўйича ўз таклифларини ҳам билдирдилар.
Учрашув юқори ҳамкорлик руҳида ўтди. “iKSA Engineering” бош директори Оsman Aydogdu билан Урганч шаҳрига сармоя киритиш бўйича келишиб олинди.
Урганч шаҳрида бу каби амалий ишлар давом этади.
10-ноябръ - Тиббиёт ходимлари куни.
Мамлакатимизда жамиятимизнинг барча жавҳалари сингари тиббиёт тизимида амалга оширилаётган кенг кўламли ислоҳотлар халқимиз саломатлигини мустаҳкамлаш, профилактика, диагностика ва даволаш ишлари самарадорлигини оширишда муҳим омил бўляпди. 2006 йил 12 сентябрда қабул қилинган “Ўзбекистон Республикаси тиббиёт ходимлари кунини белгилаш тўғрисида” қонунга мувофиқ мамлакатимизда ноябрь ойининг иккинчи якшанбаси шифокорларнинг касб байрами куни сифатида ҳар йили тантанали нишонланиб келинади.
Бугун Урганч шаҳар ҳокимлигида ушбу кун муносабати билан байрам тадбири ўтказилди. Ушбу тадбир халқимиз саломатлигини муҳофазалаш йўлида самарали меҳнат қилаётган шарафли ва масъулиятли касб эгалари – тиббиёт ҳодимлари фаолиятига берилаётган юксак эътиборнинг амалдаги яна бир ифодаси. Тадбирда “Тиббиёт ҳодимлари куни” муносабати билан соҳа вакилларига Урганч шаҳар ҳокими Шухрат Абдуллаевнинг табригини ҳоким ўринбосари Нурбек Матякубов ўқиб эшиттирди.
Байрам табригида сўнгги йилларда мамлакатимиз соғлиқни сақлаш соҳасида улкан янгиланишлар рўй бераётгани, биринчи навбатда, муҳтарам Президентимизнинг фармон ва қарорлари асосида соғлиқни сақлаш соҳаси фаолияти ҳуқуқий жиҳатдан такомиллаштирилгани, Президентимизнинг 2018 йил 7 декабрдаги Фармони билан тасдиқланган 2019 – 2025 йилларда Ўзбекистон Республикаси соғлиқни сақлаш тизимини ривожлантириш концепцияси ҳамда 2019–2021 йилларда Ўзбекистон Республикаси соғлиқни сақлаш тизимини ривожлантириш концепциясини амалга ошириш чора-тадбирлари дастури соҳа ривожида янги даврни бошлаб бергани такидлаб ўтилди.
Яна бир муҳим жиҳат, соҳа вакилларининг моддий манфаатдорлигини ошириш, самарали ишлаши учун муносиб шарт-шароитлар яратишга ҳам алоҳида эътибор қаратилмоқда. Хусусан, Президентимизнинг 2018 йил 7 ноябрдаги “Давлат тиббиёт муассасалари ва соғлиқни сақлашни бошқариш органлари ходимларини моддий рағбатлантиришни кучайтириш чора-тадбирлари тўғрисида”ги қарорига мувофиқ, соҳа ходимларининг меҳнатига ҳақ тўлаш миқдорлари оширилганлиги ана шу эътибор самарасидир.
Ҳозирда Урганч шаҳри аҳолисига 5 та тиббиёт муассасаларида 320 нафар шифокор, 845 нафар ўрта тиббиёт ходимлари малакали тиббий хизмат кўрсатиб келмоқда. Шаҳардаги 3 та оилавий поликлиника базаларида “Электрон поликлиника” автоматлаштирилган ахборот тизими ишга туширилган бўлиб, жами 61 та компьютер техникаси “Электрон поликлиника” автоматлаштирилган ахборот тизимига уланган.
Соҳада амалга оширилаётган ислоҳотлар натижасида, эндиликда тиббий хизматнинг асосий вазифаси касалликларни даволаш эмас, балки уларнинг олдини олишга, аҳолининг саломатлик кўрсаткичларини яхшилашга, узоқ умр кўришига ҳисса қўшишга йўналтирилганлиги билан аҳамиятлидир.
Тадбирда инсон саломатлиги учун масъул, ҳаётимиз мазмунли ва бардавом бўлиши учун жон куйдираётган, ўзини қўйиб, бошқаларга ҳаёт бахшида қилишга қасам ичган ва фидойи бир гуруҳ тиббиёт ҳодимлари Урганч шаҳар ҳокимлиги томонидан муносиб раҳбатлантирилди.
Халқимизнинг саломатлигини сақлашдек, масъулиятли ва шарафли ишда тиббиёт ҳодимларининг касбий маҳорати, билим ва тажрибаси, инсонийлик фазилатларига ишонамиз ва фидокорона меҳнатларини доим қадрлаймиз.
Халқимизнинг саломатлигини сақлашдек, масъулиятли ва шарафли ишда тиббиёт ҳодимларининг касбий маҳорати, билим ва тажрибаси, инсонийлик фазилатларига ишонамиз ва фидокорона меҳнатларини доим қадрлаймиз.
ТАЙИНЛОВ
Ўзбекистон ёшлар иттифоқи Хоразм вилояти Кенгашининг 2019 йил 4 ноябрдаги 02-02/187-сонли фармойишига асосан Атамуратов Дилшод Рўзметович Ўзбекистон ёшлар иттифоқи Урганч шаҳар Кенгаши раиси лавозимига тайинланди.
Атамуратов Дилшод Рўзметович 1990 йил Урганч шаҳрида таваллуд топган. Миллати ўзбек, маълумоти олий. Маълумоти бўйича мутахассислиги миллий истиқлол ғояси, маънавият асослари ва ҳуқуқ таълими. 2016 йил Урганч Давлат Университети (бакалавр)ни тамомлаган. Меҳнат фаолиятини 2016 йил “Ҳаёт медия” сервис хусусий корхонаси раҳбари сифатида бошлаган. 2016 йил “Камолот” ёшлар ижтимоий ҳаракати Хоразм вилояти Кенгаши қошидаги ёшлар ижтимоий хизматлари марказининг техник ходими, 2017 йил Ўзбекистон ёшлар иттифоқи Хоразм вилояти Кенгаши тадбиркорлик, фермерликни ривожлантириш ва бандликка кўмаклашиш бўлими бош мутахассиси, 2017 йил Ўзбекистон ёшлар иттифоқи Хоразм вилояти Кенгаши Ижтимоий – ҳуқуқий масалалари ва жиноятчиликлар профилактикаси бўлими мудири, 2019 йил Ўзбекистон ёшлар иттифоқи Хоразм вилояти Кенгаши Ёшлар жиноятчилигини олдини олиш ва ҳуқуқий тарғибот бўлими бошлиғи.
Ўзбекистон ёшлар иттифоқи Хоразм вилояти Кенгашининг 2019 йил 4 ноябрдаги 02-02/187-сонли фармойишига асосан Атамуратов Дилшод Рўзметович Ўзбекистон ёшлар иттифоқи Урганч шаҳар Кенгаши раиси лавозимига тайинланди.
