ЎЗБ / O'ZB / РУС / ENG                 Махсус имкониятлар

Новости

Ёш тадбиркор - келажакка пойдевор.

Ёшларнинг бизнес ташаббуслари, ғоя ва лойиҳаларини рўёбга чиқарига кўмаклашиш ва қўллаб-қувватлаш, бизнес юритиш кўникмаларига ўқитиш, шунингдек, умуман ёшларнинг ижтимоий-иқтисодий фаоллигини ошириш орқали уларнинг бандлигини таъминлашга қаратилган Ўзбекистон Республикаси Президентининг 2018 йил 27 июндаги “Yoshlar – kelajagimiz” Давлат дастури тўғрисидаги ПФ 5466-сонли Фармони қабул қилинди.
“-Давлат дастури ижросини таъминлаш борасида “Yoshlar – kelajagimiz” жамғармаси ёшлар тадбиркорлигини комплекс ривожлантириш ва ёшларни тадбиркорлик фаолияти билан шуғулланишга фаол жалб қилиш бўйича жойларда мақсадли дастурларни амалга ошириб келмоқда” - дейди “Yoshlar – kelajagimiz” жамғармаси  Хоразм вилояти координатори, Урганч шаҳар филиали раҳбари Омонбой Сабуров.
Ёш тадбиркор Шаҳло Юлдошева аҳолига тиббий хизмат кўрсатишга мўлжалланган “Sevinch Medical Center” лойиҳаси учун “Yoshlar – kelajagimiz” жамғармаси   кўмагида банкдан 1млрд. 200 млн. сўм имтиёзли кредит олиб, 40 нафар ходимлардан иборат катта жамоани шакллантирди.
Клиникада амбулатор ва стационар шароитда абдоминал хирургия, урология, травматология, УЗИ, клиник лаборотория, неврология, гинекология, физиотерапия, пластик хирургия йўналишлари бўйича аҳолига тиббий хизмат кўрсатиш йўлга қўйилган.
“Sevinch Medical Center” лойиҳаси Ўзбекистон Республикаси Президентининг “Соғлиқни  сақлаш тизимининг хусусий секторини янада ривожлантириш чора-тадбирлари тўғрисида”ги ва “Хусусий тиббиёт ташкилотларини янада ривожлантириш бўйича қўшимча шарт-шароитларни яратиш тўғрисида”ги қарорлари асосида Соғлиқни сақлаш хусусий секторининг тез суратларда  ривожланишига ҳам ҳисса қўшмоқда.
Ҳозирда мазкур клиника Ўзбекистонда онкологик касалликларни даволаш имкониятларига эга камсонли хусусий шифохоналардан бири ҳисобланади.
Сана: 05.11.2019 12:48
0
3 082

ДИҚҚАТ ТАНЛОВ!


Халқ депутатлари Хоразм вилоят Кенгаши ҳузуридаги фуқаролик жамияти институтлари ва нодавлат нотижорат ташкилотларини қўллаб-қувватлаш жамоат фонди “Жамиятда ҳуқуқий онгҳуқуқий маданиятни ривожлантиришда инновацион ҳамкорлик” мавзусида Давлат гранти учун танлов эълон қилади.
Танловда нодавлат нотижорат ташкилотлари, оммавий ахборот воситалари ва фуқаролик жамияти бошқа институтларининг қуйидаги йўналишлардаги лойиҳалари кўриб чиқиш учун қабул қилинади:
· қонунларнинг инсонлар ҳаётига реал таъсир даражаси ва аҳоли билан мулоқотнинг янги усулларини, қонунларнинг ижтимоий муносабатларни бевосита тартибга солишдаги роли ва аҳамиятини юксалтиришда ижтимоий шерикликнинг инновацион усулларини жорий этиш.
· сифатли ижтимоий хизматлар кўрсатиш кўламини кенгайтиришга, аҳолининг турмуш даражасини яхшилашга, маҳаллалар ободлигини таъминлашга кўмаклашиш;
· ногиронлиги бўлган шахсларнинг ҳуқуқларини, эркинликларини, қонуний манфаатларини амалга оширишдаги тенг шароитлар яратиш, ҳаёт сифатини яхшилаш, меҳнат фаолиятига мослаштиришга ёрдам кўрсатиш;
· вояга етмаганлар ўртасида жиноятчиликни олдини олиш, уларнинг бўш вақтларини мазмунли ўтказишга шарт шароитлар яратишга кўмаклашиш;
Танловда қатнашиш учун қуйидаги ҳужжатлар тақдим этилиши лозим:
1.   Лойиҳа тақдим этилаётганлиги ҳақида талабгор ташкилот раҳбарининг имзоси ва муҳри билан тасдиқланган кузатув хати.
2.   www.fundngo.uz сайтида жойлаштирилган шаклда ёзилган грант лойиҳаси (аризаси).
3. Талабгор ташкилотнинг давлат рўйхатидан ўтганлиги, фуқароларнинг ўзини ўзи бошқариш органининг ҳисобга олинганлиги тўғрисидаги гувоҳнома нусхаси (талабгор ташкилот раҳбарининг имзоси ва муҳри билан тасдиқланган).
4. Устав (низом) нусхаси (охирги ўзгартиш ва қўшимчалар билан рўйхатга олинган ва ҳар бир варағи талабгор ташкилот раҳбарининг имзоси ва муҳри билан тасдиқланган).
5. Талабгор ташкилотнинг оммавий ахборот воситаси сифатида рўйхатдан ўтганлиги тўғрисидаги гувоҳнома нусхаси (оммавий ахборот воситалари учун);
6.   Агар лойиҳа доирасида лицензияланадиган фаолият билан шуғулланиш талаб этилса, лицензия нусхаси (талабгор ташкилот раҳбарининг имзоси ва муҳри билан тасдиқланган).
7. Лойиҳани амалга оширишдан манфаатдор давлат ташкилотлари ва бошқа ташкилотларнинг тавсияномалари, қўллаб-қувватлаш хатлари илова қилиниши мумкин.
Битта лойиҳа учун ажратиладиган грант миқдори – 15 млн. сўмгача.
Ҳужжатлар 2019 йил 5 ноябрдан 5 декабргача ҳар куни (дам олиш ва байрам кунларидан ташқари) соат 9-00 дан 18-00 гача қабул қилинади. 
Танлов бўйича ҳужжатлар муҳрланган конвертда (А4 формат): Урганч шаҳри, 220100, Ал Хоразмий 29 уй манзилига “Халқ депутатлари Хоразм вилоят Кенгаши ҳузуридаги жамоат фондига” деб кўрсатилган тартибда юборилиши шарт. 
Маълумот учун тел:  62 223 00 39
Сана: 05.11.2019 11:16
0
1 669

Сайлов 2019 - НИМАЛАРНИ БИЛИШИМИЗ КЕРАК?

"Юксалиш" умуммиллий ҳаракати 22 декабрь куни Ўзбекистон давлат ҳокимияти вакиллик органларига бўладиган сайловларда билишимиз лозим бўлган рақамларга эътиборни қаратди.

2019 йилнинг 22 декабрь куни бўлиб ўтадиган сайловларда фуқаролар томонидан 150 нафар Ўзбекистон Республикаси Олий Мажлис Қонунчилик палатаси депутатлар сайланади.

Шунингдек, 831 нафар вилоят ва Жўқорғи Кенгес депутатлари ҳамда 5 738 нафар шаҳар ва туман депутатлари фуқаролар томонидан сайланадилар. Ўзбекистон бўйича жами 6 719 нафар депутатлар ўз фаолиятини бошлайди.

Шу жумладан, Хоразм вилоятидан парламентга 8 нафар, вилоят Кенгашига 60 нафар, шаҳар ва туман Кенгашларига 360 нафар халқ вакиллари сайланади.

Сана: 04.11.2019 10:32
0
1 385

Урганч шаҳрида юқори сервисга эга автосалон очилди.


Урганч шаҳрида янги ООО ИП “BOBUR TRANS LOGISTIK” диллерлик корхонаси ўз иш фаолиятини бошлади. 
Мазкур замонавий корхона Ўзбекистонда ишлаб чиқарилаётган енгил турдаги автомашиналар савдоси ва сервис хизматларини кўрсатилишига мўлжалланган автосалон сифатида фаолият олиб боради. 
Шунингдек, харидорларга қулайлик яратиш мақсадида барча турдаги тўловларни шу ерда “Infinbank” АКБ филиали орқали амалга ошириш, банк билан ҳамкорликда автомашиналарни кредитга бериш ҳам йўлга қўйилган. 
Яна бир янгилик сифатида иккиламчи савдони ташкил қилиш, эски машиналарни келишилган нархда қабул қилиб, янги машина харид қилиш имконияти бор.
Келажакда “BOBUR TRANS LOGISTIK” диллерлик корхонаси ўз фаолиятини янада кенгайтириб, янги хизмат турларини ташкил қилишни режалаштирмоқда.
Сана: 03.11.2019 01:26
0
1 475

Эътибор Марказида

          “-1961 йилдан буён Урганч шаҳар Маҳтумқули кўчаси 94-уйда истиқомат қилиб келардим. Уйда  8 нафар жон бўлиб яшаймиз. Шу йилнинг 16 октябръ куни бахтсиз ҳодиса рўй бериб, уйимизда ёнғин содир бўлди. Ёнғин натижасида  ҳовлимиз ва шу ерда турган Дамас русумли автомашинамиз бутунлай ёниб кетди. Қишнинг изғирин совуқ кунлари келаётган бир пайтда оила аъзоларимиз билан қийин вазиятга тушиб қолдик”- дейди Курбанов Александр.
Ушбу ҳолат юзасидан Урганч шаҳар ҳокими Ш.Абдуллаевнинг шахсан ўзи фуқаро Курбанов Александр истиқомат қилиб келган, ёнғин натижасида юзага келган вазиятни ўрганиш ва уларга ёрдам кўрсатиш мақсадида Маҳтумқули кўчаси 94-уйга борди. Ёнғиндан кўрилган талофатларни ўрганган ҳолда,   Ш.Абдуллаев мутасадди ташкилот вакилларига фуқаро Курбанов Александрга уйининг қурилиш ишларига амалий ёрдам бериш бўйича топшириқлар берди ва бунга алоҳида эътибор қаратилишини айтди. Бундан ташқари Урганч шаҳар ҳокимлиги томонидан  Курбанов Александр оиласига озиқ-овқат маҳсулотлари ҳам ёрдам сифатида ажратилди. 
Фуқаро Курбанов Александрга берилаётган амалий ёрдам яна давом этади ва бундан сизларни хабардор қилиб борамиз.
Сана: 02.11.2019 04:30
0
1 567

Урганч шаҳар ҳокими Шухрат Абдуллаев Буюк Британиянинг мамлакатимиздаги элчиси билан учрашди.

Бугун Урганч шаҳар ҳокими Шухрат Абдуллаев Буюк Британия ва Шимолий Ирландия Бирлашган Қироллигининг мамлакатимиздаги фавқулотда ва мухтор элчиси Тимоти Торлотни қабул қилди. 
Ҳамкорлик алоқаларини мустаҳкамлаш, мамлакатимизга янги инвестициялар олиб келиш, икки давлат тадбиркорлари тажрибасини ўрганиш мақсадида Урганч шаҳар ҳокими Шухрат Абдуллаев таклифига биноан Урганч шаҳрида Буюк Британия тадбиркорлари билан ҳамкорликда халқаро тадбиркорлик кўргазмасини ташкил қилишга келишиб олинди.
Бошқа соҳалар бўйича ҳам янги таклифларга алоҳида эътибор қаратилди. Бундай учрашувлар натижасида икки давлат ўртасидаги алоқалар янада мустаҳкамланиб бораверади.
Сана: 23.10.2019 03:30
0
1 945

Ҳоким яна аҳоли муаммоларини ўрганди.

Бугун Урганч шаҳар ҳокими Ш.Абдуллаевнинг навбатдаги оммовий қабули “Гулчилар” ва “Олма боғ” маҳаллаларида бўлиб ўтди.
Ш.Абдуллаев  маҳаллаларда истиқомат қилиб келаётган аҳоли ва уларни қийнаётган муаммоларни ўрганди.
Жумладан, аҳоли муаммолари билан танишиш жараёнида болалар учун болалар майдончаси қуриш, соғлиқни сақлаш, аҳоли бандлиги,  тадбиркорлик билан шуғулланиш учун ер ва бошқа муаммолар борлиги аниқланди.  
Бундан ташқари Ш.Абдуллаев 15-сон мактабдаги кутубхона, ошхона фаолияти билан яқиндан танишиб, ёш авлод таълим олиши учун барча шароитларни яратиш зарурлигини такидлади.
Ш.Абдуллаев муаммо ва таклифларни ҳал қилиш учун тегишли ташкилот раҳбарларига масъулиятни янада ошириш зарурлигини эслатиб, тегишли топшириқ ва кўрсатмалар берди. Ҳамда ҳар бир мурожаатнинг ижросини алоҳида ўз назоратига олди.

Сана: 22.10.2019 07:30
0
1 134

“Зулфияхоним издошлари” аниқланди.


Ўзбекистон Республикаси Президентининг 1999 йил 10 июндаги «Зулфия номидаги Давлат мукофотини таъсис этиш бўйича таклифларни қуллаб-қувватлаш тўғрисида»ги ПФ-2326-сонли Фармони ижроси юзасидан муайян ишлар амалга оширилмоқда. Барча ҳудудларда ўзбек қизлари учун юксак ишонч намунаси бўлган Зулфия номидаги Давлат мукофотига муносиб номзодларни танлаш ва Республика комиссиясига тақдим қилиш учун саралаш босқичлари ўтказилмоқда. 
Бугун Урганч шаҳридаги иқтидорли қизларни қўллаб-қувватлаш, муносибларини Зулфия номидаги Давлат мукофотига тавсия қилиш мақсадида шаҳар босқичи бўлиб ўтди. Танловда 100 нафардан ортиқ адабиёт, санъат, маданият, фан, таълим, спорт ва жамоатчилик йўналишларида ижод қилаётган, фаолият юритаётган иқтидорли қизлар ҳужжатлари кўриб чиқилиб, номзодлар суҳбатдан ўтказилди.
Ўзбекистон Республикаси Президентининг 2018 йил  2 февралдаги “Хотин-қизларни қўллаб-қувватлаш ва оила институтини мустаҳкамлаш соҳасидаги фаолиятни тубдан такомиллаштириш чора-тадбирлари тўғрисида”ги ПФ-5325-сонли фармонида Зудфия номидаги Давлат мукофоти таълим, фан, адабиёт, маданият, санъат, спорт ва жамоатчилик фаолиятида  алоҳида  ютуқларга еришган 14 ёшга тўлган ва 30 ёшдан ошмаган иқтидорли қизларга ҳар йили Қорақалпоғистон Республикаси, вилоятлар ва Тошкент шаҳридан 2 нафар талабгорларга берилади. Умумий ўрта, ўрта махсус, касб-ҳунар таълим муассасаларининг Зулфия номидаги Давлат мукофоти лоуреатлари бўлган ўқувчилари бакалавриатга, бакалаврият талабалари эса олий таълим муассасалари магистратурасига тегишли йўналиш ва ихтисослик бўйича кириш синовларисиз давлат грантлари асосида қабул қилинади.
Юқоридаги кўрсатилган мезонларга асосан Урганч шаҳридан  муносиб деб топилган 7 нафар номзодлар таълим, фан, адабиёт, маданият, санъат, спорт ва жамоатчилик йўналишлари бўйича Ҳудудий комиссияга тақдим қилинадиган бўлди. 
Зудфия номидаги Давлат мукофотига номзод қизларнинг барчасига  кейинги саралаш босқичларида ҳам омад тилаб қоламиз.  Уларнинг елкасида энди “Зулфияхоним издошлари” деган катта ишонч туради.
Сана: 22.10.2019 02:30
0
6 038

Китобхонлик – буюк келажак кафолати


Урганч шаҳар ҳокимлиги ташаббуси билан илк маротаба ташкил қилинган “Урганч китоб фестивали - 2019” китоб савдо ярмаркаси юқори савияда ўтказилди.

2 кун давом этган китоб савдо ярмаркасида 5000 мингга яқин ўқувчи ёшлар ва Урганч шаҳар аҳолиси иштирок қилди. 

Фестивал давомида Урганч шаҳар ҳокими Ш.Абдуллаев ўқувчи ёшлар билан суҳбатлашиб, уларга китоблар совға қилди. Шунингдек, ҳарбийлар иштирокида ватанпарварликка ундовчи чиқишлар, санъат вакиллари томонидан ажойиб канцерт дастурилари намойиш этилди.

Бундай фестивал ва китоб савдо ярмаркалари йил давомида ананавий тарзда ташкил қилинади.
Сана: 17.10.2019 05:30
0
3 366

Урганч шаҳрида илк маротаба “Урганч китоб фестивали - 2019” китоб савдо ярмаркаси ўтказилмоқда.


Муҳтарам юртбошимиз илгари сураётган 5 та муҳим ташаббуснинг 4 - йўналиши аҳоли ва ёшлар ўртасида китобхонлик маданиятини шакллантиришга йўналтирилган бўлса, қатор президент фармонлари, Ўзбекистон ресбупликаси қарорлари қабул қилинган бўлиб,  айнан мамлакатимизда китобхонликга давлат сиёсати даражасида эътибор берилаётганини кўрсатади.
Бугун Урганч шаҳрида ўтказилаётган китоб ярмаркаси:
- ёшларнинг барча қатламларини китоб ўқишга даъват этиш ҳамда китоб ўқишга бўлган қизиқиш ва интилишларини қўллаб-қувватлаш, жойларда адабий муҳит шаклланишига эришиш;
- ёшлар онгида Ватанимиз тарихи, миллий ва умуминсоний қадриятлар, ижтимоий ҳаёт ҳақидаги тушунча ва билим-кўникмаларини янада юксалтириш;
- миллий адабиётимизнинг дурдона асарлари, адибларимиз ижодини ёшлар ўртасида кенг тарғиб этиш, келажакда ижодкор ёшлар томонидан бадиий етук, юқори савияли асарлар яратилишига эришиш борасида амалга ошираётган ишларимизнинг яна бир муҳим ифодаси сифатида қараш мумкин.
Ушбу “Урганч китоб фестивали - 2019” китоб савдо ярмаркасида Урганч шаҳридаги умумтаълим мактаби, касб-ҳунар коллежлари ва академик лицейлар ўқувчилари, Олий таълим муассасалари талабалари, шаҳар аҳолиси иштирок этишмоқда. Урганч шаҳридаги барча китоб дўконлари ўз хизматларини ва китобларини ҳам тақдим қилишди. Шунингдек, фаол ёшлар иштирокида Заковат интелектуал ўйини ҳам бўлиб ўтмоқда.
“Урганч китоб фестивали - 2019” китоб савдо ярмаркаси 16-17 октябрь кунлари ўз фаолиятини юритади.
Сана: 16.10.2019 11:30
0
6 029
Тепага чиқиш