Вилоятимизнинг Урганч шаҳри ҳар соҳада илдам қадам ташлаётган ҳудудлардан бири. Урганч шаҳрида ёшлар ўртасида спортни қўллаб-қувватлаш бўйича тизимли ишларни амалга ошириш устувор вазифа сифатида қаралади.

Бунинг тасдиғи сифатида Ўзбекистон Республикаси Президенти Ш.Мирзиёевнинг “Жисмоний тарбия ва спорт сохасида давлат бошқаруви тизимини тубдан такомиллаштириш чора - тадбирлари тўғрисида”ги 2018 йил 5 мартдаги ПФ5368-сонли фармони ижросини таъминлаш мақсадида Урганч шаҳридаги 8-сон мактабида “Машъал” футбол клуби академиясининг филиали ташкил қилинганлигини мисол қилиш мумкин.

Биз яшаётган ҳозирги дарвда барча даражадаги мутассадиларнинг аҳоли дардини эшитиш, қувонч-у ташвишига шерик бўлиши ғоят муҳим саналади. Бугунги Урганч Давлат Университети қошидаги 2-сон Академик лицейида Урганч шаҳар ҳокими Ш.Абдуллаевнинг навбатдаги сайёр қабули ҳам ана шу мақсадда бўлиб ўтди. Қабулда шаҳар аҳолисини қийнаётган турли соҳаларга оид муаммолар, йўлларни таъмирлаш тадбиркорликни янада ривожлантириш, янги иш ўринларини яратиш, таълим, тиббиёт каби масалалар бўйича мурожатлар қабул қилинди. 

“- Ҳозирда иш топиш катта муаммоларимдан бири эди. Урганч шаҳар ҳокимининг сайёр қабулида нафақат ишсизлик, хўжалик муаммоларидан музлатгичимни тузатиб беришга амалий ёрдам ва хоким томонидан микротўлқинли печ бериладиган бўлди”- дейди Урганч шаҳар 6-сон “Беш-берган” маҳалласида яшовчи Тозагул Жуманова. 

Шунингдек, мурожаатларнинг аксарияти жойида ҳал қилиб, муддат талаб этиладиган масалалар қатъий назоратга олинди. 

Жойларда аҳоли билан бундай мулоқотлар давом этади.

2019 йилнинг 6-22 сентябрь кунлари Россия Федерациясининг Екатеринбург шаҳрида катталар ўртасида бўлиб ўтган бокс бойича Жахон чемпионати кумуш медали соҳиби Дилшодбек Рўзметов бугун Урганч Халқаро Аэропортида тантанали кутиб олинди. 

Муҳтарам Президентимиз Фармонига биноан, Дилшодбек “Келажак бунёдкори” медалига муосиб кўрилди. Президентимиз совғаси – 6 минг АҚШ доллари миқдоридаги пул мукофоти ва “Gentra” автомобили билан тақдирланганди. Тантанали кутиб олиш маросимидан кейин, Урганч шаҳридаги Олимпия заҳиралаи коллежи олдида кенг жамоатчилик вакиллари, ёшлар  иштирокида Дилшодбек Рўзметовга Хоразм вилояти ҳокими Ф.Эрманов "Spark" автомобилини совға қилди.

Дилшодбек Рўзметовни табриклаймиз ҳамда Токио 2020 Олимпиада ўйинларида ҳам энг юқори поғоналарни забт этишини тилаб қоламиз!

Муҳтарам   устозлар,  ҳурматли мураббийлар! 
Биз халқимизнинг энг катта бойлигини – миллионлаб фарзандларимиз, жондан азиз ўғил-қизларимизнинг тақдирини, Ўзбекистон истиқболини сизларга ишониб топширганмиз. Бу вазифани масъулият билан адо этиб келаётган сизлар каби фидойи инсонлар, келажак бунёдкорларига ҳар қанча таҳсин ва тасаннолар айтсак, арзийди.
Сизларни  1-октябр "Укитувчи ва мураббийлар куни" байрам муносабати билан чин қалбимдан самимий табриклайман. Сизларга ва Сиз орқали барча мураббий-педагогларимизга, уларнинг оила аъзоларига мустаҳкам соғлик, узоқ умр, ёш авлодни ҳар томонлама баркамол қилиб тарбиялашдек шарафли ва машаққатли ишларингизда куч-қувват, улкан омадлар тилайман.

Бугун Урганч шаҳри марказидаги “Амир Темур” истироҳат боғида 1-октябрь “Ўқитувчи ва мураббийлар куни” муносабати билан халқ сайли бўлиб ўтди.

Сайлда Ёшлар маънавиятини юксалтириш ва уларнинг бўш вақтларини мазмунли ташкил этиш бўйича 5та муҳим ташаббус доирасида спорт, китоб, рассомчилик, работатехника бўйича кўргазмалар ҳамда концерт дастури намойиш этилди.

Шаҳримизда ўтказилаётган бундай тадбирлардан шуни билиш мумкин-ки, келажак авлодни тарбияловчи устозларимиз доимо Ўзбекистон ардоғида.

“Ўқитувчи ва мураббийлар  куни” муносабати билан спортнинг бокс тури  бўйича 2002-2003 ва 2004-2005 йилларда туғилган ўсмир йигит-қизлар ўртасида Урганч шаҳар ҳокими соврини учун Хоразм вилояти чемпионати бўлиб ўтди.

Чемпионатда  воҳамизнинг барча туман-шаҳарларидан 200 нафарга яқин ёш “чарм қўлқоп” усталари ғолиблик учун рингга кўтарилиб, муросасиз баҳс олиб боришди. Бундай чемпионатлар ёш спортчиларнинг маҳорати ортиб боришига амалий мактаб бўлади.

Ўз устида тинимсиз ишлаш, фарзандларимизни янгича тафаккур, юксак инсоний туйғулар билан ошно этиш, уларда мустақил ва ижодий фикрлаш қобилятини узлуксиз ривожлантириб боришни ўзининг фукаролик бурчи деб билувчи инсонлар аввало устоз ва мураббийлардир.

Бугун Урганч шаҳар ҳокимлиги ташаббуси билан Устоз ва мураббийлар кунига бағишланган байрам дастури ташкил этилди. Унда Урганч шаҳар ҳокими Ш.Абдуллаев сўзга чиқиб сана муносабати билан тантана иштироқчиларига байрам табригини ўқиб эшиттирди. Таълим соҳасида кўп йиллик меҳнати билан намуна бўлаётган устозлар бугунги яратилаётган шароитлардан миннатдор еканликларини такидлашди. Ундан сўнг Урганч шаҳрининг бир гуруҳ фаол устоз ва мураббийлар Хоразм вилояти ва Урганч шаҳар ҳокимининг фахрий ёрликлари билан тақдирландилар.

Шунингдек Урганч шаҳар ҳокими Ш.Абдуллаев ташаббуси билан 7-8-9 синфларда ўтказилган "Ал-Хоразмий издошлари" математика фан олимпиядаси ғолибларига телевизор, китоб жамланмаси ва қимматбаҳо совғалар топрилилди.

Тадбир иштироқчиларига байрам дастурхони ҳам ёзилиб элимиз ардоғидаги санъат вакиллари томонидан куй-қўшиқлар тараннум этилди. 

Бу каби байрам тадбирлари Урганч шаҳри бўйлаб ҳали давом этади.

Барча даражадаги мутассадиларнинг аҳоли дардини эшитиш, қувонч-у ташвишига шерик бўлиши ғоят муҳим саналади. Урганч ахборот технологиялари касб-ҳунар коллежида Урганч шаҳар ҳокими  Ш.Абдуллаевнинг навбатдаги сайёр қабули ҳам ана шу мақсадда бўлиб ўтди.

Қабулда шаҳар аҳолисини қийнаётган уй-жой қуриш учун ер ажратиш, моддий ёрдам, ишга жойлашиш, банк-молия, соғлиқни сақлаш турли соҳаларга оид масалалар мурожатларнинг асосий қисмини ташкил қилди. Аҳоли мурожатлари  68 та бўлиб, олдинги қабулдагилардан 19 тага камайган. Мурожаатларнинг аксарияти жойида ҳал этилган бўлса, муддат талаб этиладиган масалалар қатъий назоратга олинди.

Сайёр қабулдан сўнг Урганч шаҳар ҳокими Ш.Абдуллаевнинг навбатдаги ташрифи Урганч Марказий деҳқон бозори бўлди. Ташриф жараёнида бозорлардаги нарх наволар ва уларга аҳоли муносабатларини тинглади. Ш.Абдуллаев Урганч Марказий деҳқон бозоридаги тадбиркорлар билан ҳам суҳбатлашиб, юртдошларимизга бу борада арзон ҳамда сифатли хизмат кўрсатиш бўйича ўз таклифларини билдирди. Мутасадди ташкилот раҳбарларига топшириқлар берилди.

Шаҳримиз аҳолиси билан бундай мулоқотлар давом этади.