Сайёр қабул.
Урганч шаҳридаги 22-сонли умумтаълим мактаб биносида шаҳар ҳокими Ш.Абдуллаевнинг навбатдаги сайёр қабули бўлиб ўтди. Қабулда 21 нафар фуқаронинг мурожаатлари тингланди.
Аҳоли томонидан билдирилган мурожаатларнинг 9 тасига ҳуқуқий тушунтиришлар берилиб, 7 таси ўрганилиб ҳал қилиш учун назоратга олинди ва 5 таси жойида ижобий ҳал қилинди.
Ҳокимнинг навбатдаги очиқ мулоқоти "Исломобод" маҳалласида бўлди.
Урганч шаҳар ҳокими аҳоли билан юзма-юз сухбатлашиш, муаммоларини ўрганиш, маҳалла аҳолиси учун яратилган қулайликларни ўрганиш мақсадида очиқ мулоқот ўтказди.
Бундан бир йил олдин аҳоли маҳалла ҳудудидаги муаммолар билан шаҳар ҳокимлигига мурожат қилган бўлса, ўтган вақт мобайнида ёмғир ёғса юриб бўмайдиган, ёзнинг иссиғида чанг-тўзонга тўла кўчаларга шебен ётқизилиб тамирланди. Маҳаллада кўплаб ободонлаштириш ишлари олиб борилди.
Айниқса арзонлаштирилган озиқ овқат бозорчаси ва гўшт дўкони ташкил қилиниши аҳолига жуда қулайлик яратди. бозорчадаги махсулотлар арзон ва ҳар куни янгидан келтирилади. Гўштнинг нархи 36 000 минг сўмдан сифатли маҳсулотлар халқимизга етказилмоқда. Бундан албатта маҳаллада истиқомат қилаётган фуқаролар мамнун.
Очиқ мулоқотда Урганч шаҳар ҳокими Ш.Абдуллаев кам таъминланган оила аъзоларига ва имконияти чекланган фуқароларга байрам совғаларини ҳам тақдим қилди.
Шунингдек маҳалла аҳолисининг ҳам фаоллиги сезиларли даражада ортмоқда. Махалла жонкуяри, аёлларга ўрнак бўлган Зухра Маткаримова маҳалладошларининг доим яхши-ёмон кунларида бирга бўладиган намунали аёллардан бири. Айниқса бу йилги пахта йиғим – терим ишларида маҳалласидаги кўнгилли 60 нафар аёллар билан фаол қатнашиб хирмонга ўз ҳиссасини ҳам қўшди. Очиқ мулоқотда Ш.Абдуллаев Зухра Маткаримовага жамоат ишларидаги фаоллиги учун вилоят хокимининг эсталик совғасини шахсан ўзи топширди. Мехнат қилган одам албатта роҳатини кўради.
Аҳоли билан очиқ мулоқотлар жойларда яна давом этади..
Бизни кузатишда давом этинг!
“Наврўз” ва “Зиёкорлар” маҳаллаларида очиқ мулоқот ўтказилди.
Бугун “Наврўз” ва “Зиёкорлар” маҳалласида фуқароларнинг муаммоларини ҳал қилиш, мурожаатларини эшитиш мақсадида аҳоли билан очиқ мулоқот ўтказилди.Мулоқотда Урганч шаҳар ҳокими Ш.Абдуллаев иштироқ этди ва олдинги ўтказилган сайёр қабуллардаги билдирилган мурожаатларнинг тегишли ташкилотлар томонидан қай тариқа бажарилганлигини билан танишди. Мавжуд камчиликларни бартараф этиш бўйича таклифларини билдириб, ижросини ўз назоратига олди. Учрашув давомида уйма-уй юриб аниқланган 50 нафар эҳтиёжманд, кам таъминланган ногиронлиги бор оилаларга дори дормонлар тарқатилди. Урганч шаҳар ҳокимлиги томонидан “Наврўз” маҳалласи Олтин воҳа 1-йўлак 35-уйда яшовчи I-гуруҳ ногирони Абдукаримов Эгамберганга ногиронлик араваси ажратилди.
Абдукаримов Эгамберган кўрсатилган эътибордан, ёрдамдан маънун эканлигини билдириб қўлларини дуога очиб, халқ дардини эшатаётган, муаммоларини хал қилишга бел боҳлаган барча инсонларга соғ-саломатлик ва юртиимз тинчлиги мустаҳкам бўлишини тилаб дуо қилди.
Урганч шаҳрида бундай аҳоли муаммоларини ҳал этиш, ҳаётдан рози қилиш йўлидаги савобли ишлар давом этади.
Урганч шаҳри марказида “Янги Ўзбекистон - янги сайловлар” шиори остида акция ўтказилди.
Олий Мажлис Қонунчилик палатаси, Халқ депутатлари ҳудудий ва маҳаллий Кенгашлари учун ўтказиладиган сайловларга бир ҳафта қолди. Бугун Урганч шаҳри марказида “Янги Ўзбекистон - янги сайловлар” шиори остида акцияси бўлиб ўтди.“Янги Ўзбекистон – янги сайловлар” миллий акциясини ўтказишдан асосий мақсад фуқароларнинг эътиборини муҳим сиёсий жараёнларга қаратиш, хабардорлигини ошириш, мамлакатдаги ўзларишларга даҳлдорлик ҳиссини кучайтириш, уларнинг фаол фуқаролик позицияларини намойиш этишга чорлаш ҳисобланади. Акцияда шаҳар аҳолиси, турли соҳа вакиллари ва фаол ёшлар иштирок қилди.
Акцияда сайловга тайёргарлик жараёнлари ҳамда қонунчиликдаги ўзгаришлар ҳақида фойдали маълумотлар тақдим этилди. Шунингдек, санъаткорлар, зиёлилар, спортчилар билан учрашувлар, мусиқий дастурлар ва турли викториналар ўтказилди. Энг асосийси, сайловлар ҳақида барча маълумотлар содда ва тушунарли тилда аҳолига етказилди.
Ўзбекистондаги сайлов жараёнлари нафақат мамлакат ҳудудида, балки халқаро майдонда ҳам катта қизиқишга сабаб бўлмоқда.
Шулар қаторида тадбирни самарали ва тезкор ёритиш мақсадида ОАВ вакиллари ва блогерлар ҳам жалб қилинган.
Сайловларда кўрсатилган номзодлардан бирига овоз бериш орқали биз келгуси йўналишларимизни белгилаймиз. Умумий келажагимизни қуришда ҳар биримизнинг овозимиз муҳим. Сайловларда қатнашиш орқали, ўзимизнинг дунёқарашимиз, сиёсий ва ҳуқуқий саводхонлигимиз, фуқаролик позициямизни намойиш этамиз ҳамда конституцион ҳуқуқимиздан фойдаланамиз.
Ҳақиқддан ҳам бу йилги сайловлар янги Сайлов кодексига мувофиқ юқори савияда ташкил этилмоқда. Бу эса Ҳаракатлар стратегиясида акс эттирилган прогрессив демократик ғояларнинг яна бир ёрқин ифодаси бўлмоқда. Кўп партиявийлик, сиёсий плюрализм, фикрлар хилма-хиллиги, очиқлик ва шаффофлик тамойиллари жамият ҳаётида тобора кенг жорий этилмоқда.
РАСМИЙ МУНОСАБАТ
Ижтимоий тармоқларда “Ҳомиладор аёлларга “Витрум” дориси нега берилмаяпти?” номли мақола тарқалганди.
Ушбу ҳолат юзасидан Урганч шаҳар ҳокимлиги томонидан тезкор ўрганиш олиб борилди.
Ўрганиш жараёнида Урганч шаҳрида яшовчи хомиладор аёлларга «Пренатал – витрум» препаратлари ҳудудлардаги Оилавий поликлиникалар томонидан бепул берилиб келинган. Жорий йил давомида хомиладор аёлларга «Витрум пренатал» препарати билан таъминлашда узилишлар кузатилмаган. Урганч шаҳрида ҳисобга олинган хомиладорлар учун 2019 йил давомида 2550 нафар хомиладор аёлларга «Пренатал – витрум» препарати тарқатилган. Шундан, 1-сон оилавий поликлиникада – 769 нафар, 2-сон оилавий поликлиника – 781 нафар, 3-сон оилавий поликлиникада 1000 нафар хомиладорларга тарқатилган. Келгуси 2020 йил учун 20000 конвалюта «Пренатал – витрум» препаратига эҳтиёжи аниқланган ва ҳарид қилиниши белгиланган.
Мақолада танқид остига олинган “Урганч шаҳри туғруқхонасида хожатхона пуллик қилиб қўйилган” дея келтирилган ҳолат бўйича шуни маълум қиламиз.
Бугунги кунгача Урганч шаҳри хомиладор аёлларидаги туғриқлар вилоят перинатал марказида амалга оширилмоқда. Урганч шаҳридаги 90 ўринга мўлжалланган туғруқхона янгидан қурулди ва 2020 йилдан ўз фаолиятини бошлайди. Вилоят перинатал марказидаги хожатхона пуллик хизмат кўрсатиши билан боғлиқ масала вилоят соғлиқни сақлаш бошқармаси мутасадди ходимлари томонидан ўрганилди ва пуллик хизмат тўхтатилди.
Урганч шаҳар ҳокимлиги ахборот хизмати.
Инвесторлар сони ортмоқда.
Аҳамият берган бўлсангиз айни кунларда матбуот хизматимиз орқали инвестиция, инвестор каби мавзуларда кўплаб хабарлар бериб келинмоқда. Кўплаб чет эл инвесторлари Урганч шаҳрида ўз инвестицияларини амалга оширмоқда.
Урганч шаҳар ҳокими Шухрат Абдуллаев ана шундай инвесторлардан бири Туркиянинг “Lumidea Enginering BV” компанияси бош директори Эсреф Озсаҳин билан учрашди.
Учрашувда Урганч шаҳрида Қурилиш материалларини ишлаб чиқариш, янги иншоатлар қуриш бўйича инвестиция киритиш масалалари кўриб чиқилди. Шухрат Абдуллаев Эсреф Озсаҳинни Урганч шаҳрининг бош лойиҳлари билан таништирди. Шундан сўнг 2020 йилдан бошлаб ҳамкорлик лойиҳаларини амалга оширишга келишиб олинди.
Ушбу ҳамкорлик лойиҳаси ҳам иқтисодиётимиз ривожига йўналтирилган амалий ишлардан бири.
Сайёр қабул ўтказилди.
Халқ дарди, муаммоларини ўрганиш фуқароларнинг жамиятга ишончини ортишига, ҳаёт даражаси, яшаш тарзи яхшиланишига хизмат қилади.
Бугун Урганч шаҳар ҳокими Ш.Абдуллаевнинг навбатдаги сайёр қабули бўлиб ўтди. Фуқаролар томонидан билдирилган мурожатлар аксарияти жойида ўрганиб чиқилди. Жумладан “Янги обод” маҳалласи Проектная 117 кўчаси 18-уйда истиқомат қилувчи I-гуруҳ ногирони Жабборова Бекпошшанинг мурожати бўйича хонадонига бориб, муаммоси жойида ўрганилди. Жабборова Бекпошшанинг 2 нафар фарзанди ҳам ногиронлиги ва моддий томондан қийналаётганлиги инобатга олиниб, тегишли тартибда озиқ-овқат ва моддий ёрдам бериладиган бўлди.
Фуқаролар мурожатларини ўрганиш давом этади.
Урганч шаҳрида Халқ сайли ташкил этилди.
Урганч шаҳридаги Олимпия захиралари коллежида Ўзбекистон Республикасининг Конституцияси қабул қилинганлигининг 27 йиллиги ва “Қишлоқ хўжалиги ходимлари куни" куни муносабати билан Халк сайли бўлиб ўтди. Унда барча туманлар қишлок хўжалигининг энг сара махсулотлари билан байрам ярмаркасида иштирок этишди.
Бугунги кунда қишлоқ хўжалиги соҳаси ривожини янги босқичга кўтариш ва уни комплекс модернизация қилиш, соҳага инновацион технологиялар, замонавий илм-фан ютуқларини, кластер тизимини кенг жорий этиш, бозорларимизни озиқ-овқат махсулотлари билан таъминлашга хизмат қилмоқда.
Сайл давомида шаҳар ва туманлар ўртасида танлов ва мусобақалар ташкил этилди. Миллий халқ ўйинлари, фольклор жамоаларининг чиқиши, полвонлар беллашуви, айниқса арқон тортиш мусабоқаси барчада катта таассурот қолдирди. Санъаткорлар томонидан намойиш этилган концерт дастури байрам қатнашчиларига завқ бағишлади.
Урганч шахрида бошланган Конституциямизнинг 27 йиллиги ва хосил байрами барча худудларда юкори кайфиятда давом этади.
Конституция – бахтимиз қомуси
Конституция фуқароларнинг ҳуқуқ ва мажбуриятлари мажмуасидир. Уни билиб ва амал қилиб яшаш инсоннинг кундалик турмуши ва оилавий фаровонлигининг калитидир. Жамиятда ҳуқуқий онг ва ҳуқуқий маданиятни юксалтириш, хусусан Конституциямизнинг муҳим жиҳатларини ёшларимизга болалигидан бошлаб ўргатиш бугунги куннинг асосий вазифаларидан биридир.
Бу йил Ўзбекистон Республикаси Конституциясининг 27 йиллиги барча ҳудудларда кенг нишонланмоқда.
Бугун Урганч шаҳридаги Ёшлар марказида сана муносабати билан Урганч шаҳар ҳокимлиги томонидан байрам дастури ўтказилди.
Байрам иштироқчиларга Урганч шаҳар ҳокими Шухрат Абдуллаевнинг табригини ҳоким ўринбосари Нурбек Матякубов ўқиб эшиттирди ва Конституциямизнинг яратилиш тарихи, унинг демократик ҳуқуқий давлат барпо этиш ва инсон манфаатларини таъминлашдаги аҳамияти, Бош қомусимизнинг халқчиллиги, халқаро ҳуқуқ нормаларига мослиги ҳақида маълумот берди.
Шундан сўнг Конституциямизнинг 27 йиллиги муносабати билан ўқувчилар ўртасида ўтказилган кўрик-танлов ғолибларига ҳамда фидокорона меҳнат қилаётган ўқитувчи ва мураббийларга Урганч шаҳар ҳокимининг фахрий ёрликлари топширилди.
Маданий дастурда эса иқтидорли ўқувчилар томонидан тайёрланган Конституциясимизнинг моддалари, жамиятда ёшларнинг бурж ва мажбуриятлари акс эттирган чиқишлари тадбир иштироқчиларини хурсанд қилди.
РАСМИЙ МУНОСАБАТ.
Урганч тумани “Чондирқиёт” массивида жойлашган намунавий турар-жойлардаги камчиликлар бўйича ижтимоий тармоқларда тарқалган видео лавҳаси юзасидан намунавий уйлар қурилиши бўйича буюртмачи ташкилот “Қишлоқ қурилиш инвест” МЧЖ ИК мутахассислари томонидан жойида ўрганиб чиқилди.
Ўрганиш жараёнида, ушбу турар-жой биноси фуқаро Седамутова Хамидага тегишли 127-намунавий уй-жойлиги аниқланди. “Қишлоқ қурилиш инвест” МЧЖ ИК мутахассислари ҳамда қурувчи ташкилот томонидан жойида аниқланган барча камчиликлар бартараф қилинган.
Мурожаат юзасидан камчиликлар бартараф қилинганлигини, ҳеч қандай эътирози йўқлигини фуқаро Седамутова Хамида ўзининг тушунтириш хатида билдириб ўтди.
Урганч шаҳар ҳокимлиги ахборот хизмати.
