SEKTOR RAHBARLARI VA YOSHLAR UCHRASHUVI
Bugun Urganch shahar IT-Park oʻquv markazida “Sektor rahbarlari va yoshlar uchrashuvi" oʻtkazildi. Unda shahar hokimi Bunyod Radjapov va sektor rahbarlari, tegishli tashkilot mas’ullari hamda yoshlar ishtirok etdi.
Uchrashuv avvalida sektor rahbarlari bugungi kunda shaharda yoshlarni qo'llab-quvvatlash borasida olib borilayotgan islohotlar hamda yaratilayotgan imtiyoz va imkoniyatlar to'g'risida to'xtalib o'tdilar.
Samimiy ruhda o‘tgan ochiq muloqotda yoshlar o‘zlarining yutuqlari, rejalari, maqsadlari haqida sektor rahbarlariga takliflarini bildirdilar. Uchrashuv so‘nggida yoshlardan tushgan murojaatlarni shahar hokimi o‘rinbosarlari va mas’ul tashkilot rahbarlariga yo‘naltirib ijrosi ta’minlanishi bo‘yicha ko‘rsatmalar berildi.
Fan olimpiadalarida, sport musobaqalarida hamda turli ko‘rik-tanlovlarda yutuqlarga erishib kelayotgan yoshlarga shahar hokimligining sovg‘alari topshirildi.
Hurmatli hamshaharlar!
Noqulay ob-havo sharoitida piyodalar yoʻlaklari va yoʻllarda harakatlanayotgan mashinalarning yoʻl harakati xavfsizligini taʼminlash maqsadida Urganch shahar hokimligi, Urganch shahar Obodonlashtirish boshqarmasi hamda Xorazm viloyati IIB YHXB Urganch shahar bo‘limi tomonidan koʻchalarga qum va tuz aralashmasi sepish hamda piyodalar yoʻlakchalarida muzdan tozalash ishlari olib borilmoqda.Urganch shahar hokimligi axborot xizmati.
Urganch shahrida "Tashabbusli budjet" jarayonining 2024-yildagi 4-chorak mablag‘larining yo‘naltirilishi va sarflanishi yuzasidan hisoboti
Targʻibot tadbirlari davom etmoqda
Urganch shahar FVB xodimlari tomonidan “Urganchshahargaz” gaz ta’minoti bo‘limi hamda institut tyutorlari bilan biralikda, Urganch davlat pedogogika instituti talabalarining ijara asosidagi yashash xonadonlarining kuz-qish mavsumga tayyorgarligi, isitish qozonlari, dudbo‘ronlari, gaz moslamalari hamda gorelkalarining holati yuzasidan o‘rganib chiqildi. 
Talabalarga kuz-qish mavsumida yuzaga kelishi mumkin bo‘lgan favqulodda vaziyatlarning oldini olish, yong‘in xavfsizligini ta’minlash, tabiiy va is gazidan zaxarlanishni, havo-gaz aralashmasi chaqnashini hamda botulizm kasalligini oldini olish yuzasidan profilaktik tushuntirishlar o‘tkazildi.
Urganch shahar hokimligi axborot xizmati. Veb-sayt | Instagram | Facebook | Telegram
МАЪМУРИЙ ТАРТИБ-ТАОМИЛЛАР
Ўзбекистон Республикасининг “Маъмурий тартиб-таомиллар тўғрисида”ги Қонуни 2018 йил 8 январда қабул қилинган бўлиб, 7 боб, 88-моддадан иборат,ушбу Қонун расмий эълон қилинган кундан эътиборан ўн икки ой ўтгач кучга кирган.
Ушбу Қонуннинг мақсади маъмурий тартиб-таомилларни амалга ошириш соҳасидаги муносабатларни тартибга солишдан иборат.
Ушбу Қонуннинг асосий вазифалари маъмурий органлар билан муносабатларда қонун устуворлигини, жисмоний ва юридик шахсларнинг ҳуқуқлари ва қонуний манфаатларини таъминлашдан иборатдир.
Ушбу Қонун маъмурий органларнинг манфаатдор шахсларга нисбатан маъмурий-ҳуқуқий фаолиятига, шу жумладан лицензия, рухсат бериш, рўйхатдан ўтказиш тартиб-таомилларига, давлат хизматларини кўрсатиш билан боғлиқ бошқа тартиб-таомилларга, шунингдек қонунчиликка мувофиқ бошқа маъмурий-ҳуқуқий фаолиятга нисбатан татбиқ этилади.
Ушбу Қонун норматив-ҳуқуқий ҳужжатларни тайёрлаш ва қабул қилиш, солиқлар ва бошқа мажбурий тўловларни ундириш, давлат хизматини ўташ, референдумлар, сайловлар ўтказиш, мудофаа, жамоат хавфсизлиги ва ҳуқуқ-тартибот соҳасида, шунингдек тезкор-қидирув фаолияти, суриштирув, дастлабки тергов, жиноий мажбурлов чораларини қўллаш билан боғлиқ бўлган бошқа фаолият, суд ишини юритиш, маъмурий ҳуқуқбузарликлар тўғрисидаги ишларни юритиш соҳасида юзага келадиган муносабатларга нисбатан татбиқ этилмайди.
Жисмоний ва юридик шахсларнинг мурожаатлари тўғрисидаги қонунчилик ушбу Қонуннинг қўлланилиш соҳасига кирувчи муносабатларга нисбатан татбиқ этилмайди.
Маъмурий тартиб-таомилларнинг асосий принциплари қонунийлик, мутаносиблик, ишончлилик, тингланиш имкониятининг мавжудлиги, маъмурий тартиб-таомилларнинг очиқлиги, шаффофлиги ва тушунарлилиги, манфаатдор шахслар ҳуқуқларининг устунлиги, бюрократик расмиятчиликка йўл қўйилмаслиги, мазмунан қамраб олиш, маъмурий иш юритишнинг «бир дарча» орқали амалга оширилиши, тенг ҳуқуқлилик, ишончнинг ҳимоя қилиниши, маъмурий ихтиёрийликнинг (дискрецион ваколатнинг) қонунийлиги ва текширишдан иборатдир.
Маъмурий ҳужжатлар ва маъмурий ҳаракатлар маъмурий тартиб-таомилларнинг принципларига мувофиқ бўлиши керак.
Маъмурий тартиб-таомиллар принципларига номувофиқлик маъмурий ҳужжатларнинг ва маъмурий ҳаракатларнинг бекор қилинишига ёки қайта кўриб чиқилишига олиб келади.
Хулоса қилиб айтганда ушбу Қонун бевосита маъмурий органлар билан муносабатларда қонун устуворлигини, жисмоний ва юридик шахсларнинг ҳуқуқлари ва қонуний манфаатларини таъминлашга қаратилган бўлиб, шу муносабат билан барча маъмурий органлар ушбу қонун мазмун-мохиятини тўлиқ англаб етиши лозим.
Ғуломжон Кушиев,
Урганч туманлараро маъмурий судининг раиси.
Urganch shahri bo‘yicha Tashabbusli budjetlashtirish natijalari yuzasidan 2024-yil 3-chorak hisoboti.
ҲАР БИР МУРОЖААТ НАЗОРАТДА
«Ҳудудгаз Хоразм» газ таъминоти филиали «Урганчшаҳаргаз» газ таъминоти бўлимида ҳурматли Президентимизнинг “Фуқаролар давлат идоралар учун эмас давлат идоралари фуқаролар учун хизмат килиши керак” деган сўзларига риоя қилинган ҳолда иш юритиб келмокдалар.
«Урганчшаҳаргаз» газ таъминоти бўлими раҳбар ва ўринбосар ходимлари томонидан Урганч шаҳри барча ҳудудларида Сайёр қабуллар ўтказилиб фуқароларимиз билан жойларда учрашилиб уларни муоммалари жойида эшитилиб конуний хал қилиш чоралари кўрилмоқда.
Урганч шаҳар 12-сон “Машъал”маҳалласида яшовчи фуқароларни муоммаларини жойида эшитиб ҳал килиш юзасидан ўтказилган Сайёр кабул жараёнида фуқаролар Ю.Юлдашева, М.Шерова, С.Бойжанова, хамда И.Юсуповларнинг ҳонадонларини зудлик билан газ ҳисоблагични химоя яшиги ҳамда тамға ўрнатиб бериш билан таъминлаш тўғрисида хамда фукаролар томонидан махалласида куз киш даврида табиий газ босими яхшилашни сўраб мурожаат килишдилар.”Урганчшаҳаргаз” газ таъминоти бўлими бош мухандиси А.Юлдашев томонидан фуқаролар Ю.Юлдашева, М.Шерова, С.Бойжанова, хамда И.Юсуповларни зудлик билан газ ҳисоблагични химоя яшиги ҳамда тамға ўрнатиб берилиб мурожаатларини ижобий ҳал қилиш чоралари кўрилди.
Шунингдек фуқаролар Ю.Юлдашева, М.Шерова, С.Бойжанова, хамда И.Юсуповларнинг мурожаатлари бўйича махалласида табиий газ таъминотини яхшилаш мақсадида махаллада шаҳаргаз бўлими ходимлари томонидан ахоли билан биргаликда таъмирлаш ишлари ташкил килиниб, хужжатлари расмийлаштирилиши учун онлайин тартибда “Худудгаз Хоразм” газ таъминоти филиалига юборилди.
“Ургшанчшаҳаргаз” газ таъминоти бўлимига келиб шахсан учрашиб билмаган фуқароларимизга мурожаат қилишлари учун шарт-шароит, қулайлик яратиш мақсадида кечаю кундуз 24 соат давомида 62.223-36-07 рақамли Ишонч телефонлари ишга туширилган.
«Урганчшаҳаргаз» газ таъминоти бўлими
“Фуқаро мурожаатлари билан ишлаш хизмати”
етакчи мутахассиси Ш.Тиллаева.Bosh prokuror oʻrinbosari S.Samadov qurilishga oid davlat dasturlari, byudjet harajatlarini optimallashtirish va boshqa dolzarb topshiriqlar ijrosi yuzasidan Urganch shaxrida oʻrganish olib bordi
Urganch shahrida "Tashabbusli budjet" jarayonining 2024-yil 1-chorak mablag‘lari yo‘naltirilishi va sarflanishi bo‘yicha hisoboti.
YAPONIYALIK TADBIRKORLAR SHAHRIMIZDA QATOR SOHALARDA INVЕSTITSIYA LOYIHALARINI AMALGA OSHIRISHNI RЕJALASHTIRMOQDA
Urganch shahar hokimi Bunyod Radjapov, viloyat hokimining o‘rinbosari Anvar Davletov investitsiya loyihalarini amalga oshirish maqsadida yurtimizga tashrif buyurgan yaponiyalik tadbirkorlar bilan yuzma-yuz muloqot o‘tkazdi.
