Урганч шаҳар ҳокими Шуҳрат Ибодуллаевич Абдуллаевнинг шаҳар аҳолисига Янги йил табриги
Урганч шаҳар ҳокими Шуҳрат Ибодуллаевич Абдуллаевнинг шаҳар аҳолисига Янги йил табриги
Қадрли элдошлар!
Сиз-у биз орзиқиб кутаётган 2019 йил тобора яқинлашмоқда.
Мўътабар нуронийларимизни, меҳрибон отахон ва онахонларимизни, сингилларимиз ва опаларимизни, умидли ёшларимизни, барча ҳамшаҳарларимизни янги ва қутлуғ йил билан самимий табриклайман. Ҳар бир кунингиз хайрли, баракали бўлсин. Тани сихатлик, бахт ва қувончларга тўлиқ кунларингиз тинч ва осойишта ўтаверсин.
Якунланаётган 2018 йил юртимиз ҳаётида унутилмас воқеаларга, улкан ютуқ ва марраларга бой бўлди.
Муҳтарам Президентимиз Шавкат Миромоновичнинг саъий ҳаракатлари билан мамлакатимиз ижтимоий-иқтисодий ҳаётида, аҳоли кундалик тумушида туб ўзгаришлар ясалди. Жонажон Ўзбекистонимизнинг халқаро майдондаги нуфузи ва эътибори янада ошди. Фуқароларимизнинг манфаатлари ҳимоя қилиниб, уларнинг янада бахтли яшаши, эмин-эркин умргузаронлик қилишлари учун зарур шарт- шароитлар яратиб берилди.
Шифокор-у педагоглар, олим-у ёзувчилар, оналар ва болалар, юрт келажаги бўлган ёшлар манфаатлари ҳар қачонгидан ҳам қаттиқ ҳимоя қилинди. Бир сўз билан айтганда, мамлакатимиз тараққиёти стратегияси ғоятда самарали бўлиб, янги-янги ислоҳотлар ҳаётга татбиқ этилди.
Азиз дўстлар!
Муҳтарам Юртбошимиз ташаббуслари билан кириб келаётган 2019 йилга “Фаол инвестициялар ва ижтимоий ривожланиш йили” деб ном берилди. Шубҳасиз, бунинг негизида албатта фаровон ҳаёт, инсон манфаатлари турганлигини англаш қийин эмас. Президентимиз таъбири билан айтганда, мамлакатимизга инвестициялар кириб келиши ва кенг татбиқ этилиши билан юртимиз янада фаровон бўлади, ижтимоий масалаларимиз ҳам ўз ечимини топади. Ҳаммаларингизни шу эзгу ва хайрли мақсад йўлида жипслашиб, юрт тинчлиги, Ватан тараққиёти учун меҳнат қилишга чорлайман.
Ҳурматли юртдошлар!
Сизларни мана шу қувончли дамларда яна бир бор Янги йил байрами билан чин қалбимдан муборакбод қиламан. Жондан азиз элдошларимни, оиласи даврасида янги йилни кутиб олаётган барча урганчликларни гўзал ва бетакрор айём- янги йилнинг кириб келиши билан табриклайман.
Янги-2019 йилнинг қадамлари қутлуғ келсин! Энг катта бахт-оилавий тотувлик, оғзибирчилик, фарзандлар, набиралар камолини кўриш насиб қилсин. Янги йил барчамизга муборак бўлсин!
Спорт мажмуаси
Ал-Хоразмий кўчаси
Хотира майдони
Урганч шаҳар темир йўл вакзали
Оргтехника сотиб олиш учун танлов эълон қилинади
Офис техникаларини сотиб олиш учун танлов эълон қилинади
Урганч шаҳрида амалга оширилиши режалаштирилган инвестицион лойиҳа
Урганчда 66 метр баландликда давлат байроғи ўрнатилди.
Хоразм вилояти Урганч шаҳрининг Амир Темур номидаги истироҳат боғида Ўзбекистоннинг улкан байроғи ўрнатилди.
Ушбу байроқ боғ ичида жойлашган «Ёшлар маркази» олдидаги майдонга, 66 метрли флагшток учига ўрнатилган бўлиб, ўлчами 10х20 метрни ташкил қилади.
Байроқ шаҳар кўркига кўрк қўшиб, узоқ масофадан яққол кўзга ташланиб туради.
Қайд этиш керакки, бу байроқ мамлакат президенти Шавкат Мирзиёевнинг вилоятга ташрифи арафасида ўрнатилди.
Эслатиб ўтамиз, бунгача Ўзбекистондаги энг баландликдаги байроқ шу йилнинг ёзида Тошкентда, «Халқлар дўстлиги» санъат саройи олдига ўрнатилган байроқ бўлиб турганди.
Манба: kun.uz
“KIVA” – кунжут пастаси ва кунжут ҳолваси Урганчда ишлаб чиқарилади
Хоразм вилояти Урганч шаҳридаги “Splash Urganch” масъулияти чекланган жамияти кунжутни қайта ишлашга ихтисослашган.40 нафар киши меҳнат қилаётган корхонада “KIVA” ёрлиғи остида таҳин – кунжут пастаси ва кунжут ҳолваси ишлаб чиқарилмоқда.
“Қирол нонуштаси”, дея таърифланадиган таҳин – кунжут таркибида инсон саломатлиги учун зарур витаминлар кўп бўлиб, у организмдаги заҳарларни йўқотадиган озуқадир. Инсон терисини гўзаллаштириб, танани ёшартиради, иммунитетни кучайтиради. Кўз нурини равшанлаштиришда, хотирани мустаҳкамлашда, болаларнинг ақлий ривожланишида, нафас торлиги ва бронхит касалликларини бартараф этишда, жигарни тозалашда таҳиннинг фойдаси бисёр.
– Кунжутдан тайёрланган маҳсулотларни бутун дунё севиб истеъмол қилади, – дейди корхона раҳбари Руслан Қаландаров. – Жорий йилда 1000 та фермер хўжалиги билан кунжут етиштириш бўйича шартнома имзолаганмиз. Даладан келтирилган кунжут тозаланиб, пўстидан ажратилади. Замонавий ускуналар орқали корхонамизда маҳсулотга “қайта ҳаёт” берилади. Тайёр маҳсулот ички бозордан ташқари Туркия давлатига экспорт қилинмоқда. Келгусида Европа ва МДҲ давлатлари билан ҳам ҳамкорликни йўлга қўйишни режалаштирганмиз.
