Мурожаатлар ўз ечимини топмоқда.
Кеча Урганч шаҳрининг “Байналминалчи” ва “Олимпия”, “Гулшан” ва "Жинговуз" маҳаллаларида ўтказилган сайёр қабулда билдирилган мурожаатлар бугун ўз ечимини топди.
Хусусан “Олимпия” маҳалласида яшовчи Давлетова Саломат муаммоси юзасидан Урганч шаҳар ҳокимлиги томонидан ишчи гуруҳ тузулиб, тиббий кўрикдан ўтказилди. Натижада Давлетова Саломатга I-гуруҳ ногиронлиги аниқланди, ногиронлик гувоҳномаси 2 йил муддатга берилиб, шу асосда ногиронлик нафақаси бериладиган бўлди ва барча ҳужжатлари тайёрланиб тақдим қилинди.
Шунингдек, маҳаллардаги ички йўлларда айниқса мактаб ва боқча олди қўчаларда машиналарнинг тезлигини олдини олиш бўйича чоралари кўрилди ва қўшимча кечки ёритгичлар ўрнатилди.
Хулоса қилиб айтганда, аҳоли мурожаатлари қоғозда эмас, амалда ўз ечимини топаётганлигини яна бир бор исботини кўришимиз мумкин.
