ЎЗБ / O'ZB / РУС / ENG                 Махсус имкониятлар

Урганч шаҳар ҳокими Ш.Абдуллаев шаҳар ахолиси билан учрашди

Тошкент тиббиёт академияси Урганч шаҳар филиали катта мажлислар залида (Урганч шаҳар Ал-Хоразмий 28 уй) Урганч шаҳар ҳокими Ш.Абдуллаевнинг шаҳар ахолиси билан учрашуви бўлиб ўтди.

Сана: 31.01.2019 12:43
0
4 608

Бўш иш ўринлари меҳнат ярмаркаси ўтказилди

Муҳтарам Президентимиз томонидан Мамлакатимизда аҳоли бандлигини таъминлаш хусусан, ишсиз фуқаролар, хорижий давлатларда меҳнат фаолиятини амалга ошириб қайтиб келганлар, касб-ҳунар коллежлари ва олий ўқув юритлари битирувчи ёшларнинг бандлигини таъминлаш энг долзарб вазифа сифатида белгиланган.
Шу муносабат билан Хоразм вилояти ҳокимлиги, вилоят прокуратураси, вилоят Бандлик бош бошқармаси, тегишли идора ва ташкилотлар билан ҳамкорликда Урганч шаҳридаги «Урганч ихтисослаштирилган олимпия захиралари мактаб-интернати»да вилоятимизнинг шаҳар ва туманларидаги ишсиз фуқаролар, касб-ҳунар коллежлари битирувчилари, хорижий давлатларда меҳнат фаолиятини амалга ошириб, қайтиб келган ишсиз фуқароларимиз иш билан таъминланишига амалий ёрдам кўрсатиш мақсадида меҳнат ярмаркаси ўтказилди.
Меҳнат ярмаркасига вилоятимиздаги 807 та корхона ва ташкилотлар ўзларидаги 4371 та бўш иш ўринлари билан қатнашдилар. Ярмаркага жами 2007 нафар ишсиз фуқаролар ва касб-ҳунар коллежларини битирган ёшлар қатнашиб, шундан 1141 нафар ёшлар, 388 нафар касб-ҳунар коллежлари битирувчилари, 1026 нафар аёллар ташкил қилди.
Ярмарка давомида жами 820 нафар ишсиз фуқаролар ҳамда касб-ҳунар коллежлари битирувчиларига ишга жойлашиш учун йўлланмалар берилди.
Шундан, 127 нафар ишсиз фуқаролар қайта касбга ўқитишга ҳамда 434 нафар ишсиз фуқаролар ҳақ тўланадиган жамоат ишларига йўлланмалар берилди.
Доимий ишга жойлашиш учун жами 259 нафар ишсиз фуқаролар ва касб-ҳунар коллежлари битирувчиларига ишга жойлашиш учун йўлланмалар берилди. Шундан, 144 нафари ёшлар, 26 нафари касб-ҳунар коллежлари битирувчилари, 119 нафари аёллар ҳисобланади.
Қолган 1187 нафар фуқароларга меҳнат конунчилиги ва ҳуқуқига доир маслаҳатлар берилди.

Манба: Хоразм вилояти ҳокимлиги

Урганч шаҳар ҳокими 6-сон «Беш-берган» маҳалла ахолиси билан учрашди

Урганч шаҳар ҳокими, 1-сектор раҳбари Абдуллаев Шухрат Ибадуллаевич навбатдаги 6-сон «Беш-берган» маҳалласи фуқаролари билан учрашди. Йиғилиш 11-сон мактаби биносида бўлиб ўтмоқда.

Сана: 30.01.2019 07:58
0
290

Сайёр қабуллар

Урганч шаҳар ҳокими Абдуллаев Шухрат Ибадуллаевичнинг шаҳардаги махаллаларда фуқаролар билан ўтказиладиган учрашувлари ЖАДВАЛИ

Учрашув ўтказиладиган махалла номиУчрашув санаси ва вақтиЖойи:
1Мустақиллик” махалла фуқаролар йиғини24.01.2019 й. соат 19:00Урганч Санъат КХК
2“Феруз” махалла фуқаролар йиғини25.01.2019 й. соат 19:00МФЙ биноси
3“Маърифатчи” махалла фуқаролар йиғини26.01.2019 й. соат 19:006-сон мактаб биноси
4“Юқори-боғ” махалла фуқаролар йиғини27.01.2019 й. соат 19:0019-сон мактаб биноси
5“Ал-Хоразмий” махалла фуқаролар йиғини28.01.2019 й. соат 19:0013-сон мактаб биноси
6“Беш-берган” махалла фуқаролар йиғини29.01.2019 й. соат 19:00МФЙ биноси
7“Шодлик” махалла фуқаролар йиғини30.01.2019 й. соат 19:00МФЙ биноси
8“Гулшан” махалла фуқаролар йиғини31.01.2019 й. соат 19:00МФЙ биноси
9“Гулзор” махалла фуқаролар йиғини01.02.2019 й. соат 19:00“Баркамол авлод” спорт мажмуаси биноси
10“Навбахор” махалла фуқаролар йиғини02.02.2019 й. соат 19:00МФЙ биноси
11“Авесто” махалла фуқаролар йиғини03.02.2019 й. соат 19:005-сон мактаб биноси
12“Машъал” махалла фуқаролар йиғини04.02.2019 й. соат 19:00Туризм ва тадбиркорлик КХК
13“Янги-хаёт” махалла фуқаролар йиғини05.02.2019 й. соат 19:00МФЙ биноси
14“Ашхабад” махалла фуқаролар йиғини06.02.2019 й. соат 19:00МФЙ биноси
15“Хамжихатлик” махалла фуқаролар йиғини07.02.2019 й. соат 19:00МФЙ биноси
16Янги обод” махалла фуқаролар йиғини08.02.2019 й. соат 19:0025-сон мактаб биноси
17Саховат” махалла фуқаролар йиғини09.02.2019 й. соат 19:0096-сон ИМИ
18Жамбул” махалла фуқаролар йиғини10.02.2019 й. соат 19:00МФЙ биноси
19Бобур” махалла фуқаролар йиғини11.02.2019 й. соат 19:00МФЙ биноси
20“Оби-хаёт” махалла фуқаролар йиғини12.02.2019 й. соат 19:00МФЙ биноси
21Наврўз” махалла фуқаролар йиғини13.02.2019 й. соат 19:0031-сон мактаб биноси
22Истиқлол” махалла фуқаролар йиғини14.02.2019 й. соат 19:00Урганч Ахбарот КХК
23“Кўхна-қалъа” махалла фуқаролар йиғини15.02.2019 й. соат 19:00Шахар махалла жамғармаси биноси
24Тозабоғ” махалла фуқаролар йиғини16.02.2019 й. соат 19:00Майиший КХК
25Умид” махалла фуқаролар йиғини17.02.2019 й. соат 19:00МФЙ биноси
26Жинговуз” махалла фуқаролар йиғини18.02.2019 й. соат 19:00МФЙ биноси
27Дўстлик” махалла фуқаролар йиғини19.02.2019 й. соат 19:0011-сон мактаб биноси
28Темир-йўлчи” махалла фуқаролар йиғини20.02.2019 й. соат 19:0028-сон мактаб биноси
29Байналминал” махалла фуқаролар йиғини21.02.2019 й. соат 19:0018-сон мактаб биноси
30Олимпия” махалла фуқаролар йиғини22.02.2019 й. соат 19:0019-сон мактаб биноси
31Гулчилар” махалла фуқаролар йиғини23.02.2019 й. соат 19:00МФЙ биноси
32Бўстон” махалла фуқаролар йиғини24.02.2019 й. соат 19:0016-сон мактаб биноси
33Камолот” махалла фуқаролар йиғини25.02.2019 й. соат 19:0030-сон мактаб биноси
34Зиёкорлар” махалла фуқаролар йиғини26.02.2019 й. соат 19:0022-сон мактаб биноси
35Бинокор” махалла фуқаролар йиғини27.02.2019 й. соат 19:0026-сон мактаб биноси
36Олмабоғ” махалла фуқаролар йиғини28.02.2019 й. соат 19:007-сон мактаб биноси
37Ж.Мангуберди” махалла фуқаролар йиғини01.03.2019 й. соат 19:0014-сон мактаб биноси
38Исломобод” махалла фуқаролар йиғини02.03.2019 й. соат 19:00МФЙ биноси

Қўшимча маълумот учун: +99862 228-67-37
Сана: 29.01.2019 03:56
0
59

Урганч шаҳар ҳокими 5-сон «Ал-Хоразмий» маҳалла ахолиси билан учрашди

Бугун, 28 январь куни Урганч шаҳар ҳокими, 1-сектор раҳбари Абдуллаев Шухрат Ибадуллаевич навбатдаги 5-сон «Ал-Хоразмий» маҳалласи фуқаролари билан учрашди. Урганч шаҳрининг 13-сон мактаби биносида бўлиб ўтган учрашувни очар экан, Урганч шаҳар ҳокими Ш.Абдуллаев ўзи билан шаҳар барча мутасадди ташкилот раҳбарлари келганини алоҳида тақидлаб ўтди.
Шундан кейин, йиғилган барча фуқароларни муаммолари бирма-бир эшитилиб, уларни қизиқтирган саволларга атрофлича жавоблар берилди.
Эслатиб ўтамиз, навбатдиги сайёр қабул 6-сон «Беш-берган» маҳалласида бўлиб ўтиши режалаштирилган.

Сана: 28.01.2019 07:59
0
722

Урганч шаҳар ҳокими 4-сон «Юқори боғ» маҳалла ахолиси билан учрашди

Урганч шаҳар ҳокими, 1-сектор раҳбари Абдуллаев Шухрат Ибадуллаевич бугун 4-сон «Юқори боғ» маҳалласи фуқаролари билан учрашди.

Мурожаатларнинг аксарияти уй-жой,  моддий ёрдам,  бандлик,  ишга қайта тиклаш, кредит олишга кўмаклашиш, тиббий хизмат, йўлларни таъмирлаш каби муаммоларга оид бўлди. 


Йиғилиш давомида бази фуқаролар ўзларини қизиқтирган саволларга жойида жавоблар олишди.  Жойларда учраётган айрим муаммолар атрофлича муҳокама қилиниб, тегишли мутасадди ташкилот раҳбарларига аниқ вазифалар юклатилди. 


Сана: 27.01.2019 07:44
0
356

«Авесто» боғ-мажмуаси

Зардуштийлик динининг муқаддас китоби-“Авесто”га ўрнатилган рамзий ҳайкал ва боғ мажмуа Урганч шаҳридан оқиб ўтувчи Шовот каналининг ўнг соҳилида жойлашган.
Авесто боғ-мажмуаси Халқаро ЮНЕСКО ташкилотининг 2000 йилдаги 30-сессияси ҳамда Ўзбекистон Республикаси Вазирлар Маҳкамасининг 110-сонли махсус қарори билан, Авесто китоби яратилганлигининг 2700 йиллигига бағишлаб бунёд этилган. Авесто боғ мажмуаси 2001 йил 3 ноябр куни Ўзбекистон Республикасининг биринчи президенти Ислом Каримов (1938-2016) томонидан тантанали равишда очилган.
Мажмуанинг умумий сатҳи 20 гектар бўлиб, Авесто ёдгорлиги, амфитеатр, дам олиш жойлари ва боғдан иборат. Авесто ёдгорлигининг баландлиги 16 метр бўлиб, унинг лойиҳасини меъмор Полвонназар Солаев яратган.
Зардуштийларнинг муқаддас “Авесто” китобида олам тўрт нарса- тупроқ, сув, олов, ҳаводан ташкил топганлиги ёзилган. Авесто ёдгорлигини яратишда мазкур тўрт жиҳат назарда тутилган. Доирасимон ёйлар оламнинг чексизлиги ва дунёнинг тўрт томонини кўрсатиб туради.
Ёдгорлик марказидаги рамзий мармар китобда: ўзбек ва инглиз тилларида: “Эзгу ният, Эзгу сўз ва Эзгу амал” деган зардуштийлар эътиқодига айланган сўзлар ёзилган.
Авесто боғ-мажмуасида “Олтин мерос” халқаро фонди Хоразм вилоят бўлимининг музейи жойлашган бўлиб, у 8 бўлимдан иборат.Музейда 2 мингдан ортиқ Хоразм тарихи ва “Авесто” яратилган давр акс этдирилган экспонатлар, ҳунармандчилик ва сопол буюмлари, нумизматик ва этнографик ашёлар, кўплаб араб ёзувидаги китоблар мавжуд.

Жалолиддин Мангуберди мажмуаси

Жалолиддин Мангуберди мажмуаси 1999 йилда Ж.Мангуберди таваллудининг 800 йиллиги муносабати билан Урганч шаҳрининг марказида Шовот каналининг сўл соҳилида бунёд этилди. Мажмуа шарқона дарвоза, фавворалар, Жалолиддин Мангубердининг улкан ҳайкали ва 15 гектар боғдан иборат.
Мажмуа 1999 йил 5 ноябрда Ўзбекистоннинг биринчи Президенти И.А.Каримов томонидан тантанали равишда очилган.
Мажмуа марказида Жалолиддин Мангубердининг 14,5 метрлик салобатли ҳайкали жойлашган. Ёдгорлик мамлакатимиздаги энг баланд монументлардан бири ҳисобланади. Монумент постаменти қизил гранитдан, ҳайкалнинг ўзи эса бронзадан ясалган. Монумент лойиҳаси муаллифи хоразмлик меъмор Полвонназир Салаев ҳисобланади. Ҳайкални Тошкентлик ҳайкалтарошлар Илҳом ва Камол Жабборовлар яратишган. Мангуберди сиймосини яратишда Ўзбекистон бадиий академиясининг ҳақиқий аъзоси Тўра Қурёзовнинг шу давр асарларидан келиб чиқиб чизган расми асос қилиб олинган. Тўра Қурёзов ушбу асари учун “Ўзбекистон халқ рассоми” унвонига сазовор бўлган.
Мажмуанинг асосий кириш қисмида мовий рангдаги гумбаз билан ёпилган дарвоза мавжуд. Дарвозанинг ҳар икки қанотига ўнтадан жило берилган Хоразм миллий ҳунармандчилигига оид ёғоч ўйма устун ўрнатилган. Олдинда улкан фавора, ичкарида яна учта фаввора бунёд қилинган.
Ж.Мангуберди (1199-1231) Хоразмшоҳлар давлатининг сўнгги подшоҳи бўлиб,Чингизхон бошчилигидаги мўғулларга қарши узоқ йиллар кураш олиб борган миллий қаҳрамон ҳисобланади.Жалолиддин Мангуберди бутун дунёда Чингизхон ва унинг лашкарларига қарши энг катта зарба берган ҳарбий қўмондон сифатида тан олинган.Унинг жанг майдонларидаги жасоратига ҳатто Чингизхон ҳам тан бериб, “агарда имкони бўлганида 4 ўғлимни Жалолиддинга алмаштирган бўлардим” дея юқори баҳо берган.
Мустақилликдан кейин Жалолиддин Мангубердининг озодлик учун курашига юқори баҳо берилган ҳолда 1999 йил ноябрида 800 йиллик таваллуд санаси тантанали нишонланди.Шунингдек, “Жаллолиддин Мангуберди” ордени таъсис қилинди, боғ-мажмуа ва ҳайкали барпо қилинди.

Ал-Хоразмий майдони

Ал-Хоразмий майдони Ўзбекистон Республикасининг биринчи Президенти Ислом Каримовнинг ташаббус ва тавсиялари асосида 2006 йилда бунёд этилган.
Майдон атрофида Хоразм вилояти ҳокимлиги,вилоят кенгашлар уйи, маданият ва аҳоли дам олиш маскани,Ўзсаноатқурилишбанк, Агробанкларнинг вилоят бошқармалари, Огаҳий номидаги вилоят мусиқали драма театри бинолари жойлашган.
Ал-Хоразмий майдони ҳақиқий маънода Урганч шаҳрининг юрагига айланган. Мажмуа Урганч Халқаро аэропорт билан Урганч темир йўл вокзалини боғловчи Ал-Хоразмий кўчасининг қоқ марказида қурилган. Майдон шарқ ва ғарб томонларидан муҳташам аркалар ва гўзал фавворалар билан бошланади. Майдон марказида, аэропорт ва темирйўл шоҳбекатини боғловчи йўл бўйида замонавий курант ўрнатилган. Вилоят ҳокимлиги кенгашлар уйи биноси олдида ярим доира тўрт устунли арка билан буюк бобомиз Ал-Хоразмийнинг бронзадан ишланган ҳайкали ўрнатилган.
783 йили Хивада таваллуд топган алломанинг тўлиқ исми Абу Жаъфар Муҳаммад ибн Мусо ал-Хоразмий эди. Табиатан иқтидорли бўлган Муҳаммад Хива, Кат ва Гурганж мадрасаларида таҳсил олгач, нафақат табиий фанларни, балки араб, ҳинд, форс, юнон, яҳудий ва сурёний тилларини ҳам мукаммал ўрганди.Хоразм, Марв мадрасаларида мударрислик қилди. Ҳисоб ва илми нужум фанлари бўйича тадқиқотлар олиб бориб, Марв ҳукмдори ал-Маъмун эътиборини қозонди.Ал-Маъмун 813 йилда халифалик тахтига чиққач, Марвдаги олимларни, шу жумладан Ал-Хоразмийни ҳам Бағдодга олиб кетган..
Бағдоддда яратиб берилган шароит туфайли ал-Хоразмий Баҳозиргача ўз қимматини йўқотмаган “Ал-жабр вал-муқобала”, “Ҳисоб ал-Ҳинд”, “Зижи Хоразмий”, “Китоб ат –тарих”, “Китоб сурат ал-Арз”, “Китоб ал-амал устурлаб”, “Қуёш соати тўғрисида китоб” каби асарлар ёзиб, ўз даврида бемисл хизмат қилди. Айниқса, саноқ тизимидаги чалкашликлар, ҳаётий бир қоиданинг йўқлиги кўплаб қийинчиликларни туғдирар эди. Бу ечимни ал-Хоразмий кашф этди. Яъни, саноқ тизимига “о” сонини киритиб, 10 лик тизимни тўлдирди.
Бундан ташқари, аллома бошчилигидаги етмиш нафар олим дунё харитасини тузиш бўйича иш олиб боришган.Ал-Хоразмийнинг ўзи эса 827 йили она заминимиз катталигини аниқлаш мақсадида ер меридианининг бир градусини ўлчаб чиқди. Меридиан градуси узунлиги ўрта ҳисобда 112 км.га тенг қилиб олинган бўлиб, бу аниқ натижадир.
Ал-Хоразмийнинг инсоният тараққиётига қўшган ҳиссаси 10 лик саноқ тизимини яратишдан ташқари, кўп илдизли тенгламаларни ечиш усуллари, синус, косинус, тангенс қоидаларини 9 асрдаёқ кашф қилганлиги билан ҳам боғлиқ.
Муҳаммад Мусо ал-Хоразмий (783-850) нинг ўзи яратган кашфиётлари, қомусий билим соҳиби бўлгани туфайли инсоният тафаккури хазинасига беқиёс улуш қўшган аллома сифатида тарихда қолди.
Урганч шаҳридаги Ал-Хоразмий майдони буюк аждодимизнинг инсоният цивилизациясига қўшган ана шу катта ҳиссасига ҳурмат маъносида бунёд қилинган.

Урганч шаҳар ҳокими 3-сон «Маърифатчи» маҳалласи ахолиси билан учрашди

Урганч шаҳар ҳокими Ш.Абдуллаев 3-сон «Маърифатчи» маҳалла ахолиси билан учрашиб, уларнинг муаммоларининг ечими бўйича тегишли идора ташкилот раҳбарларига топшириклар берди.

Сана: 26.01.2019 08:23
0
1 617
Тепага чиқиш